VOV4.K’ho- Tàm Hà Nội, Bộ Nông nghiệp mờ Phát triển Nông thôn bơyai lơh pơrjum mờ ală Bộ, gah broă lơh cribơyai ală broă lơh tă bơsong kòl yan tàm broă pơndiang phan lơh gơs bơh suơn sre tus tàm mpồng nhàr lơgar mờ pơndiang phan lơh gơs bơh suơn sre đah ală càr. 

Tàm dơ̆ pơrjum, ală kuang bàng đơs là, tài mờr sơn đờm tơnhàu plai gơ àl thiều kàl tờm, nàng tơnguh  roă tac tàm lơgar, ngan là drà kă bro đah jum dà lơgar, ală Bộ, gah broă lơh mờ ală tiah pal lơh gơlik bơta ƀuơn ngan rlau jơh ai broă lơh gơlik, kă bro, pơndiang phan bơna; sơlơ dong kờl mpồl lơh sa kă bro blơi, sền gròi kòp mhar nàng lam lòt tac hờ lơgar ndai kung bè tac tàm drà kă bro tàm lơgar. Tàm hơ̆, Đoàn ơruh pơnu Khối ală anih lơh broă càr Thái Nguyên kung bơyai lơh dờp mờ dong kờl tac 27 tấn rơpung kài dong cau lơh broă sa càr Bắc Giang.

Cau mblàng K’Duẩn