VOV4.K’ho- Di tơngkah kir sơnrai 74 nam Ngai Cau ling sồt să- Cau ling chơ̆t màng (27/7), Đoàn gah ală anih lơh broă dà lơgar pa lam lơh broă lơh “Chu jrềng kah rơngal bơh plai nùs” bơh ƀóp priă điện tử tàm ală măy mok ngac ngar.

Broă tus bal broă lơh do ƀươn soh ngan. Đoàn viên, ơruh pơnu halà làng bol pờ mờ ai phan ngui ƀóp priă điện tử bơh MoMo mờ tơmŭt tàm điện thoại ngac ngar mờ lơh broă lơh dong kờl kes priă “Chu jrềng kah rơngal ală cau ling khin cha jak chài, cau ling chơ̆t màng”. Tơnơ̆ tŭ tă pơgồp priă jền gơtùi, tŭ lĭp tam pà gùng link broă lơh tàm ală pang internet mpồl bơtiàn, cau dong kờl geh pà dùl pang rùp lơh cơng nàng pơn jăt tai lơh gơrề bơta kuơ bơh broă lơh dê tus mờ mpồl bơtiàn. Priă jền tă pơgồp geh bơh broă lơh dê geh ngui nàng blơi jrềng chu tàm ală ƀlàng tơ̆p ƀồc cau ling chơ̆t màng dà lơgar dê tàm dơ̆ bơyai lơh Chu jrềng kah rơngal dùl ròt bal tàm gùt lơgar geh lơh tàm mang ngai 26 nhai 7 do; dong kờl lơh pa, lơh niam wơl hìu bơta nđàc ai cau geh màng mờ kăc màng in.

Cau mblàng Lơ Mu K’Yến