VOV4.K’ho - Tơmù điểm ai lài tiah ơm kis, tam gơl broă lơh bơtơl điểm, tơnguh khà di mu\t bơsram tàm gah bơsram lơh pơgru…là ală tam gơl geh Bộ Giáo dục mờ Đào tạo ngui tàm kàl rơwah kơnòm bơsram mu\t bơsram nam 2018. Uă hìu bơsram đại học đơs là, ală tam gơl do là di pal, ai geh bơta [uơn kơnòm bơsram bal mơ ală hìu bơsram tu\ sền sơwì kờ` rơwah.

Thông tư tam gơl, bơtơl ờ uă bơta tàm kơnroăt rơwah kơnòm bơsram mu\t bơsram đại học hệ chính quy; rơwah kơnòm bơsram mu\t bơsram cao đẳng mpồl gah bơto lơh pơgru chính quy geh Bộ Giáo dục mờ Đào tạo pa yal tam gơl ờ uă bơta gơrềng tus mờ broă tơmù điểm ai lài tiah ơm kis, tam gơl broă lơh bơtơl điểm, tơnguh khà di mu\t bơsram tàm gah bơsram lơh pơgru… geh uă hìu bơsram đơs là geh kuơ mờ di pal mờ mùl màl rơwah kơnòm bơsram tu\ do.

Tài ală kơnroăt do neh lơh geh uă jơnau ờ su\k ơm bơh kơnòm bơsram bal mờ cau mè, cau bèp kơnòm bơsram tàm kàl rơwah mu\t bơsram đại học, cao đẳng nam 2017. Ồng Trần Khắc Thạc, Phó kuang atbồ phòng Đào tạo, hìu bơsram Đại học Thuỷ lợi đơs là, rơndăp broă ai tơmù điểm ai lài tiah ơm kis gam 0,25 điểm ơla mờ 0,5 điểm bè kơrnoăt nam 2017 geh bơta ndrờm bal rơlao ai kơnòm bơsram in tu\ rơwah mu\t bơsram mờ ală hìu bơsram kung rơwah geh kơnòm bơsram geh bơta niam rơlao:

-Gơwèt mờ broă tam gơl điểm ai lài jăt tiah ơm kis, a` go\ kung là di pal. Tài tu\ do rài kis bơh ală tiah tàm gùt lơgar kung neh rơhời rềp bal, den tàng broă kờ` ai tiah kis gơmù gam 0,25 điểm là di pal jăt mờ mùl màl tu\ do. Nam do den Bộ Giáo dục mờ Đào tạo gam lời bè ờs điểm ai lài jăt cau, broă do gơwèt bè gùng dà broă lơh bơh Dà lơgar dê den di pal ngan.

Dùl kơrnoăt tai gơrềng tus mờ điểm pơrlòng kung geh tam gơl dơ\ do hơ\ là broă lơh bơtơl điểm tu\ kờp jơh khà điểm rơwah. Mùl màl, điểm rơwah bơh ală kơnòm bơsram là kờp jơh điểm bơh ală jơnau pơrlòng, môn pơrlòng jăt khà điểm 10 geh lơh bơtơl tus mờ 2 sồ thập phân kờ` ơla mờ broă lơh bơtơl tus 0,25 điểm bè kơrnoăt tu\ do.

Bè hơ\, điểm rơwah geh kờp nền nòn ngan jăt mờ điểm geh mùl màl mờ ală hìu bơsram Đại học kung ờ ngui uă broă lơh ndai kờ` rơwah bè kàl rơwah kơnòm bơsram nam lài. Mò Phạm Thu Hương, kuang atbồ phòng atbồ bơto bơtê mờ bơsram, hìu bơsram Đại học Ngoại thương geh jơnau đơs:

-Mờ bơta lơh tam gơl pa do, den ală hìu bơsram kung ờ di ai tơl^k ală khà ndai là jăt điểm mùl màl tai. Tài tu\ lơh bơtơl điểm den khà kơnòm bơsram gơtìp bal 1 khà điểm den uă rơlao, tu\ hơ\ ală hìu bơsram mờ geh kơnòm bơsram dan mu\t uă den pal ngui broă lơh ndai. Bè hìu bơsram Ngoại thương nam lài ngui khà broă lơh ndai là điểm pơrlòng mùl màl kơnòm bơsram dê. Tu\ do den ờ lơh bơtơl kung di pal. Mờ ală hìu bơsram den [uơn, ờ geh bơta lơi.

Tàm kơrnoăt rơwah kơnòm mu\t bơsram nam do, Bộ Giáo dục mờ Đào tạo kung di gơlan ai khà điểm mu\t bơsram gơwèt mờ gah bơsram lơh pơgru mờ sơbì kơrnoăt điểm “ai lài” gơwèt mờ ală gah bơto ndai. Ală hìu bơsram ờ rơwah kơnòm bơsram gah lơh pơgru jăt cồng nha pơrlòng jơh bơsram cấp 3 dà lơgar, mờ broă bơsram đại học rơwah kơnòm bơsram geh khà jơh bơsram cấp 3 dà lơgar geh khà bơsram ơdu\ 12 bơh jăk rơlao hờ đang.

Gơwèt mờ broă bơsram tàm hìu bơsram cao đẳng, trung cấp rơwah kơnòm bơsram geh khà jơh bơsram cấp 3 geh khà bơsram ơdu\ 12 bơh jăk di mơ rơlao hờ đang. Broă tam gơl do geh lơh niam broă bơto bơtê cau lơh pơgru di pal mờ broă kờ` tam gơl pa broă bơto bơtê mờ bơsram tu\ do.

Geh ờ uă kơrnoăt ndai bè: ală hìu bơsram đại học pal yal ờ uă jơnau tơng^t bè bơta niam phan bơna, tàm hơ\ geh jơnau yal bè khà cau bơsram dờng geh broă lơh tàm rơndăp broă rơwah kơnòm bơsram mu\t bơsram, di lah ờ den gơtìp ờ ai rơwah kơnòm bơsram mu\t bơsram; ală hìu bơsram geh rơwah kơnòm bơsram uă dơ\ tàm nam kung ờ lơh gơrềng uă tus mờ gơnoar geh kuơ kơnòm bơsram dê kung bè broă rơwah bơh ală hìu bơsram dê sơl.

Mơya, geh ờ uă jơnau đơs kung ờ su\k ơm, bu\ lah Bộ Giáo dục mờ Đào tạo neh tam gơl kơrnoăt bè broă ai lài tiah ơm kis, broă lơh bơtơl điểm pơrlòng, mơya di lah tơngu me jơnau pơrlòng jơh bơsram cấp 3 dà lơgar ờ geh broă tam gơl uă den broă uă kơnòm bơsram geh tơl 1 khà điểm gam lơh gơbàn mờ ală hìu bơsram pal ngui khà broă lơh ndai kờ` rơwah, tu\ hơ\, geh gơbàn ờ ndrờm bal gơwèt mờ kơnòm bơsram bè kàl rơwah mu\t bơrsam nam 2017. Ồng Phạm Quốc Khánh, Kuang atbồ phòng Đào tạo, Học viện Ngân hàng đơs:

-Kơ\p kờ` a` dê là tơngu me pơrlòng pal geh broă tam gơl niam, tài nam lài, tơngu me pơrlòng geh broă tam gơl pa ờ hềt di pal bè jơnau kơ\p kờ` bơh ală hìu bơsram dê. Tu\ rơwah kơnòm mu\t bơsram lơh gơbàn khà kơnòm bơsram tàm ală điểm, tàm hơ\ uă ngan là điểm geh tơl mu\t bơsram, hơ\ là khà điểm ờ uă ngan kờ` tơl mu\t bơsram den uă ngan.

Broă bol a` ngui ală khà broă lơh ndai kung kờ` geh tơl niam broă rơwah kơnòm bơsram, mơya mùl màl là kung lơh gơbàn ờ niam tus mờ gơnoar kuơ bơh ală kơnòm bơsram dê. Bol a` kơ\p kờ` tơngu me pơrlòng nam do geh nùs nhơm tam gơl uă kờ` ală hìu bơsram rơwah kơnòm bơsram di pal mờ gah bơto mờ bơsram.

Cau mblàng Ndong Brawl