VOV4.K’ho- Tàm pơrjum dơ\ 47 pa do, tu\ ai jơnau đơs bè Adat sền gàr tiah ơm kis (tam gơl), Ủy ban Thường vụ Quốc hội sồr pal tam gơl mờng quèng tàm broă khòm tơrgùm sồ sia\ tàm rài kis pah ngai; gơ wèt mờ broă sền gròi phan sang ngòt rơngơt sồr pal geh jơnau cih nền nòn bè broă blơi phan sang bơh lơgar ndai.

Cih dờp jơnau đơs bơh ală kuang bàng Quốc hội dê tàm pơrjum dơ\ 9 pa do, Jơnau rơcang cih Adat sền gàr tiah ơm kis (tam gơl) neh tam gơl jơnau cih bè tam pà phan sang kră tàm rài kis gơs 3 bơta kuơmàng, mờ jat tàm bơta geh ngan broă lơh sa – mpồl bơtìan bơh tơl tiah dê, UBND kấp càr lơh nền broă tam pà mùl màl phan sang kră tàm rài kis pah ngai. Mơkung jàu Bộ trưởng Bộ Tài nguyên mờ Môi trường pơlam bơta chài bè tam pà phan kră tàm rài kis pah ngai, pơlam broă ai pria\ lơh broă khòm tơrgùm, pơndiang mờ lơh niam phan sang kră tàm rài kis pah ngai jat khà mờ bơta phan. 

Uỷ ban Khoa học, Công nghệ mờ Môi trường bơh Quốc hội dê đơs là: Do là tơngume pal lơh. Nàng lơh jat jơnau sồr do pal tam gơl mờng quèng, pal geh bơta lơh ngan bơh jơh gùt mpồl lơh broă chính trị dê. Jat  Tổng thư ký, Chủ nhiệm Văn phòng Quốc hội, ồng Nguyễn Hạnh Phúc đơs, den pal tam gơl broă khòm tơrgùm sồ sia\, phan sang, hơ\ là làng bol pal tam pà ală bơta sồ sia\ nàng mpồl lơh sa kă bro in blơi: “Broă khòm tơrgùm sồ sia\, phan sang den jat a` làng bol pal tac phan sang sơbì. Kong ti mờng khòm tơrgùm, pơndiang, tam pà ală bơta phan sang pal lòt blơi. Tac geh pria\ den hơ\ sồng làng bol kờ` tam pà gơs bơta sồ sia\. Ai hìu ma\i den là bơh cau pơndiang mờ lơh niam, tam pà dê. Bè hơ\, dà lơgar pal geh gơnoar broă dong kờl phan bơna in”.

Ờ ring bal mờ broă lơh do, Phó Chủ tịch Quốc hội, ồng Uông Chu Lưu sồr pal geh ală jơnau cih nàng pơn jờng, lơh gơlik bơta niam ai broă khòm tơrgùm, tam pà phan sang kră tàm rài kis pah ngai: “Làng bol gơtùi tac phan sang kră, cau khòm tơrgùm, lơh niam mờ lơh gơlik wơl phan den cau blơi ală phan sang kră hơ\. Mơya làng bol sang ua\ phan kră den pal tă pria\ tơm ua\. Tài cau pal lòt khòm tơrgùm, pal lơh niam den tàng bol pal tơm dùl bơnah pria\ lơh ală broă do. Dilah ờ tă pria\ tơm den ndrờm bè pơn jờng làng bol sang ua\”.

Gơ wèt mờ broă sền gròi phan sang ngòt rơ ngơt, Ủy ban Thường vụ Quốc hội đơs là, ba` lời jat broă lơh là tiah lơi kơ lôi rơcang is tiah hơ\ in, lơh gơbàn bơta ua\ tiah bơt bơtàu ală anih lơh niam phan sang dềt, công nghệ den yau. Sồr pơn jờng bơcri pria\, lơh hìu mai\ lơh niam phan sang ngòt rơngơt mờ công nghệ pa, gơtùi lơh niam ua\ bơta phan sang ngòt rơngơt.

Chủ nhiệm Ủy ban đối ngoại bơh Quốc hội dê, ồng Nguyễn Văn Giàu den sồr pal cih nền nòn bè broă blơi phan sang bơh lơgar ndai: “Broă do den anih ơhò ơm Hải Phòng blơi phan sang bơh lơgar ndai mờ ờ git cau tờm là cau lơi. Broă do pal cih nền nòn, ờ di tài bơta kuơ lơi mờ kung ờ gơguh lơh sa ua\, kung ờ gơtùi ai geh broă lơh ua\, kung ờ tă pơgồp ua\ ai kes pria\ in. A` sồr broă do pal cih nền nòn jat bơta ờs mờng bal mờ ală jơnau pơrgon dunia mờ he lơh jat”.  

Tàm pơrjum, Chủ tịch Quốc hội, mò Nguyễn Thị Kim Ngân sồr sền sơ wì broă kơ lôi sơ nơng bơh sơn rờp bơta gơ rềng tus tiah ơm kis mờ tam pà rơndap broă bơcri pria\ jat khà gơ rềng tus tiah ơm kis dipal mờ ală adat pa ai tơlik, tàm hơ\  geh Adat bơcri pria\ nàng tă bơsong kal ke.  Chủ tịch Quốc hội đơs là, Bộ Tài nguyên Môi trường ờ gơtùi sền sơ wì jơh ală rơndap broă bơcri pria\, mờ pal tam pà kơ nòl broă, tam pà kấp, jàu gơ noar ai Bộ atbồ broă lơh in tơn nàng pơ gồp bal mờ UBND càr bơyai lơh sền sơ wì, yal broă kơ lôi sơ nơng gơ rềng tus tiah ơm kis.

Bè broă lơh niam phan sang kră tàm rài kis pah ngai, Chủ tịch Quốc hội đơs là: “Dilah bè adat do cih, tơ nơ\ hơ\ bol he geh dùl broă lơh mblàng yal ua\ nàng adat geh lơh jat ngan ngồn tàm rài kis. Hời rơ hời tam gơl jơnau git wă mờ broă lơh bơh làng bol dê. Tu\ do tam pà phan sang kră bơh sơn rờp tơn, bơh tơl hìu bơnhă, pal tàp mờng quèng, ờ go\ di là kơp tus hìu ma\i tam pà. Mơya kờ` lơh bè do den pal geh bơta dong kờl. Sồr ală hìu ma\i lơh thùng ơn sồ sia\, lơh thùng geh 3 tap mờ lip jơnau cih tai. Dilah tam pà 3 bơta phan sang ờ hoàc ua\. Kờ` làng bol gơtùi lơh bè do den bol he lơh sa ngui sa bal pal kờp tus gùng dà nền nòn”. 

Cau cih Lại Hoa – Cau mblàng K’Duẩn