VOV4.K’ho- Tàm pơrjum dơ\ 5, kơnă 14, Quốc hội pơn jăt tai geh ală broă lơh wơl, tam gơl pa bè broă lùp mờ hơ jơnau lùp. Tơngai kờ` tơl nă kuang bàng ai jơnau lùp là 1 phút mờ tơnơ\ mờ tu\ 3 nă kuang bàng Quốc hội neh lùp, cau hơ pal hơ tơn; tu\ hơ ai tơl dơ\ hơ là 3 phút.

Yal mờ cau ai tơng^t jơnau đơs Việt Nam, Phó Tổng Thư ký Quốc hội, Phó Chủ nhiệm Văn phòng Quốc hội ồng Lê Bộ Lĩnh đơs là: broă lơh wơl, tam gơl pa do kờ` tơnguh broă cri bơyai bal, tàm tơr`a bal tàm broă lơh Quốc hội dê.

Cau ai tơng^t jơnau đơs Việt Nam geh dơ\ lùp ồng Lê Bộ Lĩnh, Phó Tổng Thư ký Quốc hội bè tơngu me do:

-Ơ ồng, tàm pơrjum dơ\ 5, Quốc hội geh ală broă lơh wơl, tam gơl pa lơi bè broă lùp mờ hơ jơnau lùp tàm tơngu me cồng nha neh tơlòng lơh tàm dơ\ lùp mờ hơ jơnau lùp pơrjum dơ\ 22 bơh Uỷ ban Thường vụ Quốc hội. Bè hơ\, ơ ồng, tơngu me bơh broă tam gơl pa do là bè lơi?

Ồng Lê Bộ Lĩnh: Tơngu me kờ` tơnguh khà dơ\ ală kuang bàng geh lùp mờ tơrgùm tàm ală broă tòm den tàng tu\ ai tơl nă kuang bàng lùp là 1 phút mờ cau hơ jơnau lùp là 3 phút, ơla mờ broă geh ai là 5 phút gơwèt mờ tơl jơnau lùp. Bè hơ\, geh ai bơta uă kuang bàng tàm Quốc hội gơtùi lùp mờ kung kờ` ai cau hơ jơnau lùp song tơn tàm jơnau geh lùp.

Mơya is mờ dơ\ lùp mờ hơ jơnau lùp tàm pơrjum dơ\ 22 Uỷ ban Thường vụ Quốc hội, ờ di kuang bàng lùp jơh hơ\ sồng cau geh hơ, hơ tơn mờ gam là 3 nă kuang bàng tai lùp. Bè hơ\, tàm 3 phút geh 3 nă kuang bàng lùp mờ cau hơ jơnau lùp geh 9 phút hơ jơnau lùp.

-Ơ ồng, ală tam gơl pa tàm broă lùp mờ hơ jơnau lùp do geh ai tơl^k bơta niam bè lơi tus mờ broă tam gơl pa lùp mờ hơ jơnau lùp bơh Quốc hội dê?

Ồng Lê Bộ Lĩnh: Bơh tàm dơ\ tơlòng lơh tàm pơrjum dơ\ 22, tam gơl pa bè tu\ lùp mờ hơ jơnau lùp geh cau te\ khà đơs niam tài ờ mìng tềm pềr tơngai mờ gam tơl^k bơta pràn bơh cau lùp mờ cau hơ jơnau lùp, lùp song tơn tàm broă geh ờ di lùp ală jơnau hờ bơdìh.

Tài geh kuang bàng lùp mơya yal mblàng uă hơ\ sồng đơs tus mờ jơnau lùp. Bơta do, kuang bàng geh jơnau lùp mờ cau hơ kung bè hơ\ sơl, kung pal g^t hơ tàm tơngu me tòm gơwèt kơnòl să tòm. Bơh dơ\ hơ jơnau lùp tàm Uỷ ban Thường vụ Quốc hội, den ală kuang bàng hơ jơnau lùp niam ngan, geh nùs nhơm cri bơyai uă, niam ngan.

Tu\ lơh wơl do geh ngui tàm hìu pơrjum dờng lơh geh nùs nhơm lùp mờ hơ jơnau lùp uă bơta niam rơlao mờ kung geh broă sền gròi bơh cau te\ khà. Mờ broă lơh wơl kờ` tơmù tơngai lùp mờ hơ jơnau lùp kung geh ai tơl bơta niam uă kuang bàng geh lùp mờ geh hơ jơnau lùp.

Tài lài do, geh uă kuang bàng lùp mơya ờ gam geh tơl tu\ kờ` hơ jơnau lùp tai. Hơ jơnau lùp tơn tàm hìu pơrjum dờng kuơ màng ngan, bu\ lah gơtùi hơ mờ sră cih mơya hơ tơn gam niam ngan kờ` cau te\ khà sền gròi.

-Ơ ồng, sền wơl bơh dơ\ lùp mờ hơ jơnau lùp tàm pơrjum dơ\ 22 bơh Uỷ ban Thường vụ Quốc hội den cau lùp mờ cau hơ jơnau lùp pal geh rơcang nền nòn bơta lơi kờ` di pal mờ jơnau kơ\p kờ` bơh cau te\ khà dê?

Ồng Lê Bộ Lĩnh: Tu\ lùp geh tơnguh mơya ờ gơtùi lùp ală broă lơi. Den tàng, Quốc hội rơwah ờ uă mpồl broă gơwèt bơh ờ uă bộ trưởng, ờ go\ di là ală gah mờ ală bộ trưởng gơtùp lùp.

Den tàng, kuang bàng Quốc hội kung pal g^t loh jơnau kờ` lùp, tơngu me jơnau lùp mờ kuơ màng ngan tàm bơta geh gơnoar mờ tơngu me jơnau lùp den pal g^t loh kơrnoăt tàm adăt boh lam bè gơnoar, kơnòl bơh cau geh lùp, tơmù jơnau đơs tus tàm broă lơh, dơ\ lơh.

Bơta tòm là mu\t tàm kơnòl, gơnoar jăt mờ adăt boh lam geh ai bơh cau geh lùp mờ bè hơ\, cau hơ jơnau lùp kung bè hơ\ sơl. Cau hơ jơnau lùp kung g^t loh gơnoar, kơnòl să tòm mờ hơ song tơn tàm hơ\, sền tus mờ jơnau geh lùp neh bơsong bè lơi mờ pal geh ală jơnau lùp mờ cau lùp kung kờ` g^t loh broă lơh mùl màl bè lơi hơ\, den ală bộ trưởng rơcang g^t tàm gah broă să tòm geh ală broă lơi gam gơbàn kờ` ba` gơbàn ờ g^t, pleh mờ broă tus sền gròi wơl.

Ală khà den gơtùi sền wơl, mơya ală broă gơbàn, broă geh bơh cau te\ khà bal mờ mpồl bơtiàn sền gròi tàm gah broă atbồ den pal loh làng.

-Bè hơ\, ơ ồng, broă rơwah ală bộ trưởng hơ jơnau lùp geh Quốc hội rơwah bè lơi?

Ồng Lê Bộ Lĩnh: Jăt rơndăp săp sèng geh tơl^k tàm kơrnoăt bơyai lơh ală broă sền gròi Quốc hội mờ Uỷ ban Thường vụ Quốc hội dê. Tàm tơngu me ală jơnau lùp, jơnau dan bơh cau te\ khà, tàm tơngu me ală jơnau yal sền gròi, tàm tơngu me jơnau dan bơh ală mpồl kuang bàng Quốc hội den Tổng Thư ký Quốc hội dong kờl Quốc hội dan jơnau pơgồp bal bơh kuang bàng Quốc hội rơwah ờ uă broă, tơngu me geh khà broă.

Bè khà broă rơwah kuang bàng tàm chính phủ, lơh bè lơi kờ` ală kuang bàng tàm chính phủ geh tơl bơta kờ` geh hơ jơnau lùp jơh tơl nă ờ go\ di ală dơ\ pơrjum lơi mìng tơrgùm tàm ờ uă bộ trưởng.

Bu\ lah ờ uă gah broă sùm geh cau te\ khà sền gròi. Mơya ờ uă gah broă ndai pal lời kuang bàng Quốc hội mờ ală bộ trưởng cri bơyai bal. Ală khà broă do geh tơl^k tàm kơrnoăt bè broă rơwah. Pah dơ\ lùp mìng geh rơwah 4 nă bộ trưởng mờ 1 nă kuang bàng đơng lam Chính phủ.

-Ơi, dan ưn ngài ồng uă ngan!

Cau mblàng Ndong Brawl