VOV4.K’ho - Tơnơ\ mờ 3 ngai lùp mờ hơ jơnau lùp, uă broă tam gơl pa tàm broă lùp mờ hơ jơnau lùp Quốc hội dê neh ai tơl^k nùs nhơm tàm kơn dang niam, di pal. Cau ai tơng^t jơnau đơs Việt nam geh tơrgùm wơl ờ uă jơnau đơs tơnơ\ mờ 3 ngai Quốc hội lùp mờ hơ jơnau lùp ală kuang bàng tàm Chính phủ.

Sền mờ iăt tơl ală dơ\ lùp mờ hơ jơnau lùp tàm pơrjum dơ\ 3, Quốc hội kơnă 14, cau te\ khà Trần Vinh, kis tàm sơnah [òn 6, [òn dờng Dà Làc, càr Lâm Đồng đơs niam nùs nhơm geh kơnòl bơh ală kuang bàng kung bè kơnòl bơh ală kuang bàng đơng lam hơ jơnau lùp.

Ală tơngu me lùp mờ hơ jơnau lùp neh tơrgùm jơh ală broă geh pơnrơ ngan tu\ do dà lơgar dê Cau te\ khà Trần Vinh đơs:

- A` đơs là, dơ\ lùp mờ hơ jơnau lùp neh đơs tus ală broă gơbàn ờ su\k ơm uă gam geh cau te\ khà gùt lơgar sền gròi, bè ală broă kơrian khà priă gơmù, gàr niam rài kis broă lơh sa mpồl bơtiàn, broă gơbàn hoàc huơr tàm broă bơcri priă lơh broă dà lơgar, broă bơ\t bơtàu wơl broă lơh sa suơn sre, dong kờl lơh sa mờ broă tăc phan geh lơh bơh broă lơh sa suơn sre làng bol in, broă bơsong ală rơndăp broă bơcri priă lơh gơbàn hoàc huơr, dồs mờ ờ uă broă ndai tai gơrềng tus mờ kơnòl đơng lam, sền gàr bơh Chính phủ dê...

Bu\ lah gam geh ờ uă broă lơh gam ờ hềt lơh loh, ờ hềt di pal mờ broă lơh, mơya neh di pal mờ broă kờ` lơh. A` kơ\p kờ` là tơnơ\ mờ pơrjum Quốc hội do, ală broă neh đơs tus geh gờ` lơh niam wơl mờ lơh geh cồng nha.

Ồng Vũ Mão, atbồ Văn phòng Quốc hội lài do đơs niam broă tam gơl pa broă lùp mờ hơ jơnau lùp Quốc hội kơnă 14 dê. Jăt ồng kơlôi, broă tơn jo\ tơngai lùp mờ hơ jơnau lùp ờ di là broă pa, tài pơgăp mờ do 23 nam, tàm nam 1994, dơ\ sơnrờp he bơyai lơh lùp mờ hơ jơnau lùp geh pờ tơl^k tơn tàm rơjô mờ tivi den tơngai lùp mờ hơ jơnau lùp kung là 3 ngai.

Mơya dơ\ do, broă kờ` ală kuang bàng tàm kơn dang bal tus gùng tus dà là 1 broă lơh pa geh uă bơta niam. Ồng Vũ Mão đơs:

- A` go\ broă kơlôi sơnơng do, jơnau kơ\p kờ` hơ\ là niam. Mơya tàm kơn dang tus gùng tus dà pal geh cồng nha bè tơngu me do, tơngu me ndai. Hơ\ là broă gam gơbàn mùl màl là kơ\p kờ` cau te\ khà dê. He pal tơrgùm sền wơl bơta do tìs tàm bơta lơi, bơta lơi gơtùi cri bơyai, geh tam pà bal, mơya tìs tàm bơta lơi pal lơh loh.

Mờ kuơ màng ngan là pal jòi geh ală broă kờ` bơsong mờ cồng nha bơh dơ\ lùp mờ hơ jơnau lùp pal geh tus 1 cồng nha, hơ\ là tơngu me pal geh tơmu\t tàm nghị quyết. Quốc hội tơl^k ală broă hơ\ kờ` ală anih lơh broă geh kơnòl bơyai lơh mờ dơ\ tơnơ\ pal yal tềng đăp mờ cau te\ khà. Lài do he kơ\p kờ` geh bơta do, mơya pal lơh ngan, dơ\ do pal lơh niam rơlao tai.

Tổng Thư ký Quốc hội ồng Nguyễn Hạnh Phúc đơs là, tàm dơ\ lùp mờ hơ jơnau lùp do, ală Bộ trưởng neh rơle\ ngan mờ hơ di pal ală jơnau mờ kuang bàng lùp, dờp kơnòl bè ală tơngu me ờ hềt geh mờ hơ geh lơh jăt tàm tơngai tus.

Bơh broă tam gơl pa broă lùp mờ hơ jơnau lùp, ală kuang bàng geh dơ\ kờ` tàm kơn dang tus gùng tus dà là niam ngan:

- Ală kuang bàng kơnă 14 tu\ lùp den rơle\ ngan, mơya nền cê ngan, tơngu me di pal ngan, tơl^k di nùs nhơm bơh làng bol dê. Broă dơ\ 2 là tơnguh broă tàm kơn dang. Ờ di mìng tàm kơn dang mờ Bộ trưởng mờ tàm kơn dang bơh kuang bàng bal, kờ` lơh loh broă geh sền gròi.

Tài di gơlan a` g^t bè do mơya kuang bàng ndai là cau lơh broă tòm, g^t wă rơlao broă do, tàm kơn dang wơl den geh lơh loh bal broă ờ go\ do mìng geh kuang bàng mờ Bộ trưởng. Broă tai, lùp mờ hơ jơnau lùp den cau te\ khà gùt lơgar geh iăt, g^t rơlao tai, lơh ală cau wă rơlao tai.

Cau cih mờ yal tơng^t Ndong Brawl