VOV4.K’ho - Cau ling lơh sa pơgồp mờ gàr niam bơta lơngăp lơngai dà lơgar là 1 gùng dà broă lơh dờng màng bơh Đảng dà lơgar, Quân uỷ Dà lơgar bal mờ Bộ Quốc phòng dê.

Tàm uă tiah, tàm hơ\ uă ngan là tàm tiah sar lơgar ngài, tiah kal ke, gơnoar bơh cau ling lơh sa pơgồp bal mờ broă sền gàr bơta lơngăp lơngai sơlơ dờng màng mờ geh uă cồng nha ngan.

Mùl màl geh bơta niam bơh broă lơh sa pơgồp bal mờ sền gàr bơta lơngăp lơngai dà lơgar bơh Binh đoàn 15, Bộ Quốc phòng tàm tiah nhàr dà lơgar Tây Nguyên dê.

Bơta tơngo\ niam loh làng ngan bơh cau ling Binh đoàn 15 tàm ù tiah nhàr dà lơgar càr Gia Lai mờ càr Kon Tum là bơta tơlir niam bơh tòm cao su. Ală cau ling lơh sa bơh Binh đoàn 15 dờp kơnòl mờ neh lơh gơs jăk chài broă geh ai là tơnguh bơtàu lơh sa pơgồp bal mờ sền gàr niam ờ do ờ dă dà lơgar.

Dùl tiah nhàr dà lơgar jòng g^t nđờ rơhiang kơi sồ sùm gàr kơl jăp mờ làng bol kis tàm do neh hờm ram tài kơnờm bơh tòm cao su, kơnờm bơh cau ling wa Hồ.

Ồng Rơmah Hin, kòn cau Jarai, atbồ [òn Chan, xã tiah nhàr dà lơgar Ia Pnôn, kơnhoàl Đức Cơ pà g^t, tơnơ\ mờ mờr 30 nam bal mờ cau ling bơyai lơh mus chi, po\ ù tam cao su, rài kis bơh rơlao 200 hìu tàm [òn neh tam gơl. Dùl [òn tiah nhàr dà lơgar rơ[ah tu\ do neh mờr hờm ram:

-Ờ hềt lơh cao su den làng bol kal ke ngan. Tu\ do neh lơh cao su neh geh hìu ơm, geh rơndeh Honda đì, tơnguh bơtàu broă lơh sa, lơh tơl sa. Ồs đèng, hìu sơnơm tu\ do geh jơh lơm, oh kòn geh lòt bơsram tơl lơm.

Neh rơlao 30 nam lơh jăt kơnòl lơh sa mờ sền gàr bơta lơngăp lơngai tàm tiah nhàr dà lơgar Tây Nguyên dê, Binh đoàn 15 tu\ do neh tam geh rơlao 42 rơbô lồ cao su, geh di pơgăp 400 lồ kơphe jăt gah nhàr dà lơgar rềp mờ lơgar Campuchia bơh 2 càr Gia Lai mờ Kon Tum dê, mờ mờr 17 rơbô nă kuang bàng, cau ling, cau lơh broă sền gàr bơta lơngăp lơngai dà lơgar bal mờ cau lơh broă. Bơh tu\ hơ\, lơh gơs uă mpồl [òn gơwèt 37 xã, 7 kơnhoàl, gơwèt 3 càr Gia Lai, Kon Tum mờ Quảng Bình.

Jăt ồng Dương Văn Trang, Uỷ viên TW Đảng, Bí thư Tỉnh uỷ Gia Lai yal, Binh đoàn 15 geh gơnoar kuơ màng ngan tàm tiah nhàr dà lơgar càr Gia Lai dê.

Ờ mìng bơsong geh broă lơh, ai geh priă tàm rài kis, dong kờl làng bol ală kòn cau tàm tiah nhàr dà lơgar tơnguh bơtàu lơh sa, rài kis, Binh đoàn neh pơgồp bal tàm broă lơh geh dùl tiah sền gàr bơta lơngăp lơngai dà lơgar kơl jăp tàm tiah nhàr dà lơgar:

-Binh đoàn neh ai rơlao 7 rơbô nă làng bol kòn cau tàm tiah nhàr dà lơgar càr Gia Lai mu\t lơh broă tàm Binh đoàn dê. Binh đoàn tàm tiah lơi den broă bơ\t bơtàu broă lơh tus tàm tiah hơ\ tơnguh bơtàu, muh măt [òn lơgar sơlơ ngai sơlơ niam.

Cấp uỷ ală kơnhoàl tiah nhàr dà lơgar bal mờ Binh đoàn 15 pơgồp bal, bơ\t bơtàu ròt chính trị sơlơ ngai sơlơ tơnguh niam.

Trung tướng Nguyễn Thành Út, Bí thư Đảng uỷ lài do, Phó kuang atbồ Quân khu 5 pà g^t, mùl màl ai cau ling tus tàm tiah nhàr dà lơgar lơh broă sa tàm Tây Nguyên tàm ală nam do neh pà go\ geh cồng nha mùl màl.

Ală mpồl lơh broă sa, ală [òn lơh broă mờ tơngu me là làng bol ală kòn cau tàm tiah nhàr dà lơgar là cau sền gàr nhàr dà lơgar, Dà lơgar kơl jăp rơlao mờ ală mpồl ling jăk chài lơi:

- Lơh broă sa sền gàr dà lơgar do là bơ\t bơtàu tiah geh [òn, geh xã, geh làng bol ơm kis, geh hìu bơsram, geh ală kơnòm bơsram. Rơnàng do, ală rơnàng tơnơ\ do, oh kòn, kòn sao, mè bèp deh tàm do, bơ\t bơtàu broă lơh, geh priă, geh phan bơna, ală oh kòn geh sào sa hờm, den tu\ ling sò tơm tus, ờ hềt đơs tus mờ broă gàr dà lơgar, mờ ală cau do gam gàr hìu, gàr phan bơna, gàr [ồc blàng mò pàng, ală cau do gàr is cồng nha broă lơh să tòm.

Geh gàr is cồng nha broă lơh să tòm, gàr [ồc blàng mò pàng. Bè lơh broă sa sền gàr dà lơgar tàm tiah nhàr dà lơgar neh ai geh 1 bơta sền gàr, 1 ròt chính trị kơl jăp ờ geh tơlăk nă ling lơi mờ tus gàr geh tiah nhàr dà lơgar ndrờm mờ nùs nhơm làng bol. Bơta kuơ do dờng màng ngan.

Jăt ồng Thào Xuân Sùng, Uỷ viên TW Đảng, Phó kuang atbồ Ban Dân vận Dà lơgar yal, ală mpồl cau ling lơh broă sa pơgồp bal mờ sền gàr dà lơgar tàm Tây Nguyên mờ geh pơnrơ ngan là Binh đoàn 15 neh geh ală broă lơh niam bơceh pa tàm broă lam sồr làng bol.

Bơh tu\ hơ\, ai geh broă tam klăc kal ling klàng bal mờ làng bol, ai geh nùs nhơm pin dờn bơh làng bol mờ ling klàng, mờ Đảng, Dà lơgar, hòi jà làng bol tàm tiah nhàr dà lơgar bơ\t bơtàu, sền gàr dà lơgar:

- Binh đoàn 15 neh lơh niam bồ tơngoh kơlôi sơnơng bơh Bác Hồ dê là “Gùng dà 1 broă lơh 10 lơh ngan 20”. Mờ gùng dà hơ\ geh lơh bơceh pa ngan, bơceh pa hơ\ ờ di lơh 1 ngai 2 ngai mờ geh là 1 broă bơceh pa geh lơh sùm, bè broă lam sồr làng bol lơh sre, làng bol ờ tăc ù mờ tam gơl tam phan jo\ tơngai den hơ\ sồng geh rài kis hờm ram.

Mờ ală broă lơh do, den a` đơs niam ngan. Mùl màl, Chỉ thị sồ 49 bơh Ban Bí thư kơnă 11 neh mu\t tàm rài kis mờ nùs nhơm pin dờn bơh làng bol geh tơnguh, geh gơguh mờ he wă, broă lơh bal bơh Đảng mờ làng bol geh gơguh.

Gơtùi đơs, 1 ròt nhàr dà lơgar jòng g^t nđờ rơhiang kơi sồ tàm tiah nhàr dà lơgar bơh 2 càr Gia Lai mờ Kon Tum neh geh lơh pơngàr kơl jăp, 1 tiah mờ broă tam gơl loh làng bè lơh broă sa mpồl bơtiàn.

Tơl nă cau lơh broă, tơl nă làng bol kòn cau kis tàm tiah nhàr dà lơgar do ndrờm wă bồ tơngoh kơlôi sơnơng gùt làng bol sền gàr dà lơgar. Ală làng bol neh gơs ală cau sền gàr tiah nhàr dà lơgar is, geh mpồl lơh broă, geh nùs nhơm kơl jăp mờ ờ geh 1 mpồl pơlơ\ dră lơi gơtùi bơchồt. Ồng Rơmah Pơ, kis tàm xã Ia Nan, kơnhoàl Đức Cơ, càr Gia Lai yal:

- Să tòm a` kung bè làng bol kis tàm do kung chờ hờp ngan. Tus tu\ do, hìu lơi kung neh geh rơndeh đì, geh tơl phan ngui, tam gơl uă ngan. Do lah ờ geh Binh đoàn, cau ling tus tàm do den di gơlan tus tu\ do kung gam ờ hềt tam gơl sơl.

Làng bol tàm do neh g^t wă uă ngan, g^t ngan, jăt Đảng, Jăt dà lơgar mơ, ờ jăt ală cau pơlơ\ dră lềng làng bơchồt. Lơh broă sa, rài kis neh ring niam bè do ờ tu\ lơi jăt ală cau pơlơ\ dră ờ.

Thiếu tướng Đặng Anh Dũng, atbồ Binh đoàn 15 pà g^t, tàm rơlao 30 nam do, Binh đoàn sùm lơh ngan lơh jăt kơnòl geh Đảng, Dà lơgar, Quân uỷ dà lơgar bal mờ Bộ Quốc phòng jào. Tơl nă kuang bàng, cau ling, cau lơh broă tàm Binh đoàn neh kis tàm nùs nhơm làng bol, đềt mềr mờ làng bol.

Tơngai pa do, geh uă jơnau yal bè broă ling klàng gơtùi lơh broă sa tai lah ờ. Thiếu tướng Đặng Anh Dũng đơs là, broă do pal geh sền di pal tàm bơta mờ rà lơh broă mùl màl.

Di lah mìng lơh broă sa bè ờs den ờ kờ` geh măt ling klàng. Mơya mờ ală tiah nhàr dà lơgar, tiah bồ dà lềng, ală tiah pal geh, ală tiah geh broă lơh sa mpồl bơtiàn, rài kis làng bol gam uă kal ke, bơta lơngăp lơngai ờ do ờ dă gam uă bơta ờ niam den ga pal geh gơnoar bơh ală cau ling lòt bal mờ làng bol tàm broă tơnguh bơtàu lơh sa, pơgồp bal mờ sền gàr bơta lơngăp lơngai dà lơgar.

Jăt nùs nhơm kơlôi sơnơng bơh Thiếu tướng Đặng Anh Dũng yal, rơnàng tơnơ\ do bơh Binh đoàn 15 gơrềng mờ bơta mùl màl, gơrềng mờ làng bol dê:

- He lơh do là geh rài lài do, hơ\ là geh nùs nhơm jăt tơngai. Tu\ lơi [òn lơgar, bơta lơngăp lơngai tàm do ring niam, neh hờm ram, ờ kờ` ling làng tàm do tai den ai ling rê, ờ geh ling lơh broă sa tai.

Kis tàm nùs nhơm làng bol, ală broă tàm do là kơnờm mờ làng bol hơ\ sồng geh bè tu\ do mờ rài tơnơ\ do Binh đoàn 15 gam geh mờ tơnguh bơtàu bè lơi kung tài làng bol dê.

Dùl ròt tiah nhàr dà lơgar kơl jăp bè geh pò mờ 1 tăp ào lơ-u\t mờ gùng dà bơ\t bơtàu broă lơh sa pơgồp bal mờ sền gàr dà lơgar neh mờ gam geh Binh đoàn 15, Bộ Quốc phòng lơh tàm tiah nhàr dà lơgar Tây Nguyên dê tàm rơlao 30 nam do.

Cồng nha bơh ling klàng lơh broă sa pơgồp bal mờ sền gàr bơta lơngăp lơngai gơtùi go\ loh làng bơh rùp rài niam Binh đoàn 15 dê mờ ală suơn cao su hòn gơs niam, ală [òn ơm kis hờm ram, pas gơs.

Hơ\ kung là cơng tàng pà go\ gùng dà, broă lơh di pal, di tu\ bơh Đảng dà lơgar, bơh Quân uỷ dà lơgar mờ Bộ Quốc phòng dê tàm ù tiah Tây Nguyên đơs is mờ gùt lơgar đơs bal.

Cau cih mờ yal tơng^t Ndong Brawl