VOV4.K’ho - Pa do, tàm pơrjum ban Thường trực Hội đồng Nhân dân ală càr mờ tơngu me “Tam gơl pa, tơnguh bơta niam uă pơrjum Hội đồng Nhân dân càr”, Chủ tịch Quốc hội mò Nguyễn Thị Kim Ngân đơs tòm, bơta niam, cồng nha bơh pơrjum Hội đồng Nhân dân geh kuơ màng ngan, tơl^k geh bơta niam, cồng nha broă lơh bơh anih lơh broă geh gơnoar dờng màng ngan dà lơgar dê tàm ală càr.

Lơh bè lơi kờ` tam gơl pa, tơnguh uă bơta niam pơrjum Hội đồng Nhân dân càr, hơ\ kung là ală jơnau ờ su\k bơh ală kuang bàng đơng lam tàm nam 2018 do pơn jăt tai lơh geh ală broă lơh pràn tàm broă tơnguh bơtàu lơh sa mpồl bơtiàn, gàr niam bơta lơngăp lơngai ờ do ờ dă, tơnguh uă rài kis làng bol.

Tam pà bal broă mờng chài càr do, ồng Lê Đình Sơn, Bí thư Tỉnh uỷ, Chủ tịch HĐND càr Hà Tĩnh đơs là, tu\ do càr Hà Tĩnh geh 5 bơta pa tàm broă lơh Hội đồng Nhân dân dê, hơ\ là: tàm broă lùp mờ hơ jơnau lùp, geh bal Chủ tịch UBND bal mờ Phó Chủ tịch kung pal hơ jơnau lùp bơh ală kuang bàng; kờ` pleh mờ broă ală kuang bàng tu\ tìp mờ cau te\ khà geh yal jơnau bơh cau te\ khà tus mờ Hội đồng, hơ\ sồng cèng yal jơnau hơ do tai, mơya kung ờ bơsong gơs broă, Hội đồng Nhân dân càr Hà Tĩnh neh geh gùng dà broă lơh, kuang bàng pal hơ tơn ală cau te\ khà tàm dơ\ tìp mờ cau te\ khà.

Broă tơl^k ală gơnoar broă, broă lơh kuơ màng pal geh yal mờ Thường vụ mờ ring bal mờ nghị quyết ha là yal jơnau đơs du\t ndơl:

Tỉnh uỷ ờ lơh jơh mờ ai gùng dà broă lơh mờ kơrnoăt bal mờ jài gơnoar UBND in. UBND rơcang cơ chế, rơndăp broă, tàm hơ\ geh cơ chế broă lơh lơh yal mờ HĐND in.

Bè hơ\, tỉnh uỷ ờ sơmòm tus mờ cơ chế broă lơh HĐND dê. Den tàng ờ geh jơnau tơrgùm bal Tỉnh uỷ ai bè lơi den UBND, HĐND lơh jăt bè hơ\. Den tàng neh geh ală dơ\ tàm kơn dang cui rơcai ngan tàm pơrjum HĐND là geh tam gơl.

Là cau wă mờ geh uă broă mờng chài tàm ală broă lơh HĐND càr, jăt ồng Nguyễn Đức Dũng, Phó Chủ tịch Thường trực HĐND càr Quảng Trị yal, broă lơh bơh ală kuang bàng tàm HĐND ală kơnă gam uă kal ke:

Ală kal ke dờng màng ngan bơh HĐND là ờ lơh jăt jơnau kơ\p kờ` bơh Đảng, Dà lơgar bal mờ Quốc hội hơ\ là lơh jăt broă lơh tòm, geh cồng nha. Tu\ do, khà kuang bàng gal ngan mơya lơh broă ngan ờ uă ngan mờ lơh broă pơgồp bal.

Den tàng nùs nhơm lơh tòm ờ uă mờ ală kuang bàng do geh jơnau yal, ờ geh bơta kờ` kơlôi sơnơng uă bè adăt boh lam kờ` lơh jăt kơnòl kuang bàng dê.

Đơs tàm dơ\ đơng lam tàm pơrjum, Chủ tịch Quốc hội mò Nguyễn Thị Kim Ngân đơs là, bơh ală jơnau đơs tàm pơrjum kung bè jơnau đơs bơh ală kuang bàng pà go\, broă bơyai lơh pơrjum HĐND ală kơnă tàm uă càr, [òn dờng tơngai do neh geh uă tam gơl pa, lơh niam, tềm pềr mờ geh cồng nha. Mơya, broă bơyai lơh pơrjum HĐND ală càr kung gam uă kal ke, ờ pràn.

Kờ` broă lơh bơh ală dơ\ pơrjum HĐND geh cồng nha uă, di pal mờ broă kơ\p kờ` bơh cau te\ khà, mò Nguyễn Thị Kim Ngân sồr Thường trực HĐND lơh jăt niam 8 broă dờng, tàm hơ\ geh broă sền kuơ tus mờ bơta niam cồng nha tàm broă bơyai lơh pơrjum:

Pơrjum HĐND là broă lơh kuơ màng ngan bơh anih lơh broă geh gơnoar dà lơgar tàm càr, [òn dờng dê, là anih geh ai tơl^k broă lơh tòm kuơ màng, gơrềng tus mờ broă tơnguh bơtàu lơh sa mpồl bơtiàn, gàr niam bơta lơngăp lơngai chính trị, niam ờ do ờ dă mpồl bơtiàn, tơnguh rài kis làng bol.

Den tàng, broă bơyai lơh ală pơrjum HĐND pal geh tam gơl pa, di mờ nùs nhơm mùl màl bơh tơl càr, [òn dờng dê, ba` lơh gời, mơya pal lơh jăt di pal mờ kơrnoăt adăt boh lam, gàr niam di mờ broă lơh, di mờ sră nggal geh ai.

Bơdìh hơ\ tai, HĐND ală càr pal pơn jăt tai tam gơl pa broă đơng lam pơrjum di pal, niam bơne\, rơcang lài, tơmù tơngai yal ală jơnau yal tàm pơrjum, ai uă tơngai cri bơyai, tàm kơn dang; ală nghị quyết bơh HĐND pal geh yal uă, lơh jăt mờ sền gròi broă lơh jăt.

Mò Nguyễn Thị Kim Ngân kung sồr tơnguh gơnoar bơh kuang bàng tàm HĐND dê, tàm hơ\ uă ngan là ală bơta ngăc ngar tàm broă kơn dang, tìp mờ cau te\ khà, lùp mờ hơ jơnau lùp, dră wơl jơnau hơ ờ loh làng, nùs nhơm khin ngăc ngar cha ntào tềng đăp mờ ală broă kal ke jăt broă cri bơyai mpồl, jăt tơngu me ha là jà ală kuang bàng Quốc hội cri bơyai bè broă mờng chài tàm broă pơrjum.

Cau cih mờ yal tơng^t Ndong Brawl