VOV4.K’ho - Pơn jăt tai yal bè tơngume Adat gùng tam bau mờ hìu bơnhă nam 2014 neh geh Gơnuar ala mat dà lơgar kơnă 13 ring bal tàm pơrjum dơ\ 7, ngai 19/6/2014, jơnau do ngai do, bol a` yal ală jơnau cih tàm Adat gùng tam bau mờ hìu bơnhă nam 2014 bè broă sang lời ờ bau tai.

Bơta 51 adat gùng tam bau mờ hìu nhă cih gơnuar sồr bơ song lời bau bè tơ nơ\ do:

Pơ ùr, bơklau halà jơh 2 nă geh gơnuar sồr anih cah rơ`a bơ song lời bau.

Mè, bèp, cau tờm ndai geh gơnuar sồr anih cah rơ`a bơ song lời bau tu\ 1 đah pơ ùr, bơ klau tài gơtìp kòp sơn răng halà gơbàn kòp ndai mờ gơtùi git, lơh tờm broă lơh he dê, mơkung là cau gơtìp aniai bơh bơta tam lơh tam pờng tài bơklau, pơ ùr khi dê lơh gơbàn lơh aniai uă tus màng kis, pràn kơldăng să jan, nùs nhơm khi dê.

Bơklau ờ geh gơnuar sồr lời bau tu\ pơ ùr gam geh bun, deh kòn halà gam ròng kòn hơ đơm 12 nhai.

Tơ nơ\ mờ tu\ neh dờp sră sồr lời bau, anih cah rơ`a mut lơh tơr`a bơ song jat jơnau cih adat boh lam dê bè sră nggal lah yă broă làng bol. Bè broă bơ song tàm bòn lơgar lài mờ tu\ lời bau, adat do cih, dà lơgar mờ mpồl bơtiàn pơn jờng broă bơ song tàm bòn lơgar tu\ pơ ùr, bơklau geh jơnau sồr lời bau. Broă bơ song geh mut lơh jat jơnau cih bơh adat boh lam bè bơ song tàm bòn lơgar.

Ală jơnau cih bè bơ song lời bau, adat do cih:

Anih cah rơ`a dờp sră sồr lời bau jat jơnau cih bơh adat bè sră nggal lah yă broă làng bol.

Tu\ ờ lơh sră kup bau mờ geh jơnau sồr lời bau den anih cah rơ`a dờp mờ yal bơr, ờ dờp gơ rềng ùr klau, dilah geh jơnau sồr bè kòn mờ jơtài, phan bơna den bơ song jat adat boh lam bè bơta jơtài, phan bơna.

Tu\ ùr klau sồr lời bau, dilah go\ 2 gah ngan ngồn kờ` lời bau mờ neh ringbal bè broă tam pà jơtài, phan bơna, broă ròng kòn jat kơrnuat gàr niam gơnuar kuơ dipal bơh pơ ùr mờ kòn dê den anih cah rơ`a dờp là ringbal lời bau , dilah ờ gơtùi ringbal halà geh ringbal mơya ờ gàr gơnuar kuơ dipal pơ ùr mờ kòn dê den anih cah rơ`a bơ song broă lời bau.

Tu\ pơ ùr halà bơklau sồr lời bau mờ bơ song tàm anih cah rơ`a ờ gơtùi den anih cah rơ`a bơ song ai lời bau dilah geh cơng tàng bè broă pơ ùr, bơklau geh broă lơh pờng hìu nhă halà lơh tìs gơnuar, kơ nòl bơh pơ ùr, bơklau dê, lơh gùng tam bau gơtìp ờ niam, rài kis ơm bal ờ gơtùi tơn jo\, jơnau kờ` gùng tam bau ờ geh.

Tu\ pơ ùr halà bơklàu cau gơtìp anih cah rơ`a tơlik kơrnuat roh thit sồr lời bau den anih cah rơ`a bơ song ai lời bau.

Bè tơngai tơn jơh gùng tam bau, gơ rềng gùng tam bau tơn jơh kờp bơh ngai kơrnuat lời bau bơh anih cah rơ`a dê geh ngui.

Anih cah rơ`a neh bơ song lời bau den pal pơyua kơrnuat lời bau neh geh ai ngui ai anih lơh broă neh lơh sră kup bau cih tàm sră cih mat cau tàm hìu nhă, 2 gah lời bau, cau 1 nă să, anih lơh broă, mpồl ndai jat jơnau cih bơh adat sră nggal lah yă broă làng bol mờ ală adat boh lam geh gơ rềng ndai.

                                                            }au mblàng K’ Duẩn.