VOV4.K’ho - Pơn jăt tai yal bè tơngume Adăt gùng tam bau mờ hìu bơnhă nam 2014 neh geh Gơnuar ala mat dà lơgar kơnă 13 ring bal tàm pơrjum dơ\ 7, ngai 19/6/2014, jơnau do ngai do, bol a` yal ală jơnau cih tàm Adat gùng tam bau mờ hìu bơnhă nam 2014 bè tam pà jơtài phan bơna tu\ ùr bơklau tàm lời.

Tàm adat gùng tam bau mờ hìu nhă nam 2014, ală bơta bơh 59 tus 63 cih bè broă bơ song jơtài, phan bơna ùr bơklau dê tu\ lời bau. Jat mờ hơ\, kơrnuat bơ song jơtài, phan bơna ùr bơklau dê tu\ lời bau bè tơ nơ\ do:

- Broă bơ song jơtài, phan bơna bơh ală gah ringbal, dilah ờ ringbal den jat jơnau sồr bơh pơ ùr, bơklau dê halà jơh 2 nă ùr bơklau, anih cah rơ`a bơ song jat jơnau cih bơh adat do dê.

- Jơtài, phan bơna bal bơh ùr bơklau dê geh tam pà ringbal, mơya pal kờp tus ală bơta bè tơ nơ\ do:

a) Rài kis bơh hìu nhă pơ ùr, bơklau dê;

b) Dà kơl hề tă pơ gồp bơh pơ ùr, bơklau dê tàm broă lơh geh, sền gàr mờ bơtàu tơnguh jơtài, phan bơna bal. Broă lơh bơh pơ ùr, bơklau dê tàm hìu nhă geh sền bè lơh broă geh priă jền;

c) sền gàr bơta kuơ dipal bơh tơl gah dê tàm broă lơh sa, kă bro mờ broă lơh, nàng ală gah geh tai bơta buơn pơnjat tai lơh broă geh priă jền;

d) tìs bơh tơl gah dê tàm bơta lơh tìs gơnuar, kơ nòl ùr bơklau dê.

- Jơtài phan bơna bal ùr bơklau dê geh tam pà mờ phan geh ngan, dilah ờ gơtùi tam pà mờ phan geh ngan den tam pà jat bơta kuơ gơ dê, đah lơi dờp jơtài, phan bơna mờ phan geh ngan geh bơta kuơ dờng rlau khà he geh dờp, den pal tơm wơl khà lin đah ne in;

- Jơtài, phan bơna is pơ ùr, bơklau dê gơ wèt gơnuar ngui cau hơ\ dê, ờ kờp jơtài, phan bơna is neh tơmut tàm jơtài, phan bơna bal jat jơnau cih bơh adat do dê;

- Tu\ tơmut bal, tàm bơrlu\ bal đah jơtài, phan bơna is mờ jơtài, phan bơna bal mờ pơ ùr, bơklau geh jơnau sồr bè tam pà jơtài, phan bơna den geh tơm priă khà jơtài, phan bơna he tă pơ gồp tàm khà jơtài, phan bơna hơ\, ờ kờp tu\ ùr bơklau geh jơnau ringbal ndai.

- Sền gàr, gơnuar kuơ dipal bơh pơ ùr, kòn ờ hềt dờng, kòn neh dờng mơya ờ đal git broă lơh halà ờ geh tơl bơta pràn lơh broă mờ ờ geh jơtài, phan bơna nàng ròng is să tờm.

Broă tam pà jơtài phan bơna tu\ ùr bơklau kis bal mờ hìu nhă, jat kơrnuat bè tơ nơ\ do:

- Tu\ pơ ùr, bơklau kis bal mờ hìu nhă mờ lời bau, dilah jơtài phan bơna ùr bơklau dê tàm khà jơtài, phan bơna bal bơh hìu nhă dê ờ gơtùi đal git, den pơ ùr halà bơklau geh tam pà 1 bơnah tàm khà jơtài, phan bơna bal hìu nhă dê, jat bè dà kơl hề tă pơ gồp bơh pơ ùr mờ bơklau dê tàm broă lơh geh, sền gàr, bơtàu tơnguh khà jơtài, phan bơna bal, kung bè tàm rài kis hìu nhă dê. Broă tam pà 1 bơnah tàm khà jơtài phan bơna bal bơh pơ ùr bơklau ringbal mờ hìu nhă, dilah ờ gơtùi ringbal den anih cah rơ`a bơ song.

- Tu\ pơ ùr, bơklau kis bal mờ hìu nhă mờ jơtài, phan bơna bơh ùr bơklau dê tàm khà jơtài, phan bơna bal bơh hìu nhă dê gơtùi đal git jat bơnah den tu\ lời bau, bơnah jơtài, phan bơna pơ ùr, bơklau dê geh tă bơh khà jơtài, phan bơna bal hơ\ nàng tam pà jat jơnau cih bơh adat do dê.

Bơta 62 cih bè tam pà gơnuar ngui ù bơh ùr bơklau dê tu\ lời bau:

- Gơnuar ngui ù là jơtài, phan bơna is bơh đah lơi dê den tu\ lời bau gơ wèt hờ đah hơ\.

- Broă tam pà gơnuar ngui ù là jơtài, phan bơna bal bơh pơ ùr, bơklau dê tu\ lời bau geh mut lơh bè tơ nơ\ do:

a) Gơ wèt mờ ù lơh sa suơn sre tam chi tam pah nam, ròng tam phan tàm dà, dilah jơh 2 gah ndrờm geh jơnau kờ` mờ geh tơl bơta nàng ngui tờn ù, den geh tam pà jat jơnau ringbal bơh 2 gah dê, dilah ờ gơtùi ringbal den sồr anih cah rơ`a bơ song jat jơnau cih tàm bơta 59 adat do dê.

Tu\ mìng 1 gah geh jơnau kờ` mờ tơn bơta pal geh nàng ngui ù den đah hơ\ geh ngui tơn, mơya pal tơm priă đah ne in khà gơnuar ngui ù mờ khi geh dờp;

Tu\ pơ ùr, bơklau geh gơnuar ngui ù lơh sa suơn sre tam chi tam pah nam, ròng tam phan tàm dà bal mờ hìu nhă, den tu\ lời bau, bơnah gơnuar ngui ù bơh ùr bơklau dê geh tam cah is, mờ gah tam pà jat jơnau cih tàm sèng a, bơnah do dê;

Gơ wèt mờ ù lơh sa suơn sre tam chi tam jo\ sơnam, ù nàng tam brê, ù ơm, den geh tam pà jat jơnau cih tàm bơta 59 adat do dê.

Gơ wèt mờ bơta ù ndai den geh tam pà jat jơnau cih bơh adat boh lam bè ù tiah.

- Tu\ pơ ùr, bơklau kis bal mờ hìu nhă mờ ờ geh gơnuar ngui ù bal mờ hìu nhă, den tu\ lời bau gơnuar kuơ bơh đah ờ geh gơnuar ngui ù mờ ờ kis bal tơn mờ hìu nhă, geh bơ song jat jơnau cih tàm bơta 61 bơh adat do dê.

                                                            }au mblàng K’ Duẩn.