VOV4.K’ho- Bộ Nông nghiệp mờ Phát triển Nông thôn pa bơyai lơh cribơyai pờ tơn tàm internet tàm tơrbŏ bal lơh gơlik mờ tăc bro phan lơh geh bơh sươn sre, phan bơna OCOP kơnhoàl ù tiah Tây Nguyên nam 2021. Ală anih tàm tơrbŏ tờm tus bal cribơyai, geh: Hà Nội, ƀòn dờng Hồ Chí Minh, 5 càr Tây Nguyên (Kon Tum, Gia Lai, Dăk Lăk, Dăk Nông mờ Lâm Đồng).

Cribơyai là anih tàm tơrbŏ nàng ală cau ătbồ, cau lơh sa kă bro, cau lơh broă sa cribơyai nàng kờñ tă bơsong ală bơta gơkòl, bơta kal ke tàm ală tŭ lam ătbồ, lơh gơlik, tam pà tăc bro phan lơh geh bơh sươn sre bơh kơnhoàl ù tiah do dê tàm bơat kòp dờng Covid-19 pơgồp bơnah tàm broă am lơh jăt dơ̆ hòi jà “Cau Việt Nam ngui sa lài phan Việt Nam”. Tàm dơ̆ cribơyai neh geh lơh dơ̆ kĭ hơ sră nggal cih kah, lơh broă bal đah ală mpồl lơh sa kă bro, mpồl lơh broă bal, hợp tác xã lơh gơlik phan lơh geh bơh sươn sre 4 càr: Gia Lai, Dăk Lăk, Dăk Nông mờ Lâm Đồng tus mờ ală siêu thị, drà tăc phan rah rài tàm Hà Nội mờ ƀòn dờng Hồ Chí Minh bè broă blơi jơh phan bơna.

Cau mblàng Lơ Mu K’Yến