Tây Nguyên geh rlau 1.400 tơnau dơng dà hìu ma\y pờ tơlik ồs đèng, bơtơt rbòng dà dờng mờ dềt. Tơngai lài, tu\ ala\ dơ\ tơrlah tơnau dơng dà hìu ma\y pờ tơlik ôs đèng gơlik geh, neh lơh làng bol kis đah jum bơt do ờ suk ngan bè ờ do ờ da\ phan bơna, màng kis he dê, ngan la tu\ kàl mìu geh tus.

Pơgăp mờ do rơlao 10 ngai, tàm drim ngai 01/8, bơtơ\t hìu măy pờ tơl^k ồs đèng Ia Krêl 2 tàm kơnhoàl Đức Cơ, càr Gia Lai gơtìp tơrlah tai. Do là tiah pơgăp mờ do rơlao 1 nam lài kung neh gơtìp tơrlah sơl. Broă gơtìp tơrlah dơ\ 2 ờ lơh aniai tus mờ kòn bơnus, mơya jơnau ờ su\k ơm geh uă rơlao jơh. Lài jơh là ờ su\k ơm bè bơta khin bơrna` bơh cau tòm bơcri priă lơh, ai màng kis bal mờ phan bơna làng bol tam dră mờ trồ tiah. Dùl broă lơh hìu măy pờ tơl^k ồs đèng 5,5MW, khà dờng tơnao dà g^t nđờ tơlăk khối mờ lơh ờ d jăt mờ broă geh ai, tơmù jơh ală khà broă lơh kuơ màng bè bêtông sơndră mờ gơmu\t dà. Geh tu\, tu\ bơtơ\t tòm neh tơrlah, den bơ\t bơtơ\t ndai kờ` kơrian dà tàm kàl mìu Tây Nguyên dê, ờ sền jơnau sồr bơh anih lơh broă geh gơnoar mờ gơnoar atbồ tàm do. Ồng Lê Vinh gơnoar atbồ gah bơ\t bơtàu càr Gia Lai mblàng:“Anih lơh sa do lơh ờ di là tàm broă do. Ngòt tu\ lơh bơtơ\t tòm neh gơs den tàm tơnao ờ geh dà, kàl mìu jơh den ờ geh dà kờ` ai măy lơh broă. Tu\ bơtơ\t lơh gơs den pal geh dà lài tàm tơnao, hơ\ là ală cau do kờ` là pal bơ\t dà mờ ờ ai dà hòr, mơya tài jơnau kơlôi sơnơng ờ di, kờ` geh dà lài ờ uă”.

Broă gơtìp tơrlah bơtơ\t hìu măy pờ tơl^k ồs đèng Ia Krêl 2 ờ mìng geh ală nùs nhơm ờ niam tàm broă lơh sa bơh cau tòm bơcri priă ờ geh, mờ phan bơna làng bol bal mờ rơlao 400 lồ phan tam gơtìp dà cò pơrdô.

Ờ mìng hìu măy pờ tơl^k ồs đèng Ia Krêl 2 mờ tàm ală nam pa do, broă gơl^k geh rềs àr bơh hìu măy pờ tơl^k ồs đèng dềt tàm Tây Nguyên neh gơl^k geh sùm, nam 2011, hìu măy pờ tơl^k ồs đèng Đạm Bol, càr Lâm Đồng gơtìp bơcah ding dà lơh 1 nă cau chơ\t mờ 4 nă cau sồt să; nam 2013, hìu măy pờ tơl^k ồs đèng Đak Mek 3, tàm kơnhoàl Đak Glei, càr Kon Tum gơtìp tơrlah mờr 100 thơ\k, lơh hoàc huơr uă ngan mờ ờ gơtùi bơtơl tai.

Bơdìh mờ broă ờ tơl niam, ờ do ờ dă tus mờ tiah đah jum ală broă lơh hìu măy pờ tơl^k ồs đèng dê, den uă broă lơh bơtơ\t rơbòng dà tàm Tây Nguyên kung sùm gơl^k gơs bơta ờ niam. Bè tàm càr Dak Lak, mờ g^t nđờ rơhiang broă lơh dềt, `hoa ờ tus 12 thơ\k, bơta dờng tơnao dơng dà dềt rơlao 3 tơlăk khối gam tàm broă sền gàr ờ nền nòn bơh ală ntum, geh tu\ là [òn den sơlơ ngòt rơngơ\t ngan. Mìng tàm kàl mìu nam lài, bơtơ\t rơbòng dà Ea Drăng gơtìp tơrlah, ală tiah đah jum bơh Ea H’leo tus Ea Su\p ndrờm gơtìp gơbam, lơh 11 nă cau chơ\t, g^t nđờ rơbô lồ phan tam gơtìp sơbì gời. Kung tàm tơngai do nam lài, 3 broă lơh bơtơ\t rơbòng dà ndai tàm càr Dak Lak kung pal tờ bơtơ\t kờ` yuh dà, pleh mờ broă gơtìp tơrlah. Mờ bơta ngòt rơngơ\t do gam geh sùm tàm kàl mìu nam do.

Ồng Lê Gia Dậu gơnoar atbồ anih lơh sa kă bro sền gàr bơtơ\t rơbòng dà càr Daklak đơs là: kờ` tơl kơl jăp bơtơ\t dơng dà, pal geh broă sền gàr ndrờm bal, tam pà dà tàm tiah ring niam: “Broă kuơ màng ngan là ală tơnao dà sùm geh tàm 1 croh dà, hơ\ là geh pơn jăt bal, den broă sền gàr bè lơi kờ` tơl niam ờ do ờ dă là broă kuơ màng ngan, tài tu\ gơl^k geh rềs àr den gơl^k geh bal ală broă lơh tàm 1 croh dà bal mờ lơh gơl^k hoàc huơr tus mờ tiah đah jum Broă là ală cau sền gàr pal geh bơta ngăc ngar tàm broă lơh mờ g^t bè broă lơh. Geh ờ uă broă lơh dờng, geh jàu [òn in, ha là mpồl lơh sa in ròng ka sền gàr, den tàng ală broă mờ lời dà hòr lìu bơtơ\t ờ di là ngòt rơngơ\t”.

Ồng Lê Gia Dậu kung pà g^t 1 broă lơh mùl màl, broă yal lài dà tih tu\ do tàm càr Dak Lak kung lơyaì ngan jăt mờ mùl màl. Tài anih lơh broă dềt, bơta kơh dà dờng geh uă, den tàng tơngai tơrhùm dà tàm ală broă lơh bơtơ\t mìng di pơgăp bơh 3 tus 7 jơ tơnơ\ mờ mìu. Mơya tu\ do, sră nggal geh anih lơh broă yal lài bè trồ tiah ai geh tơngai là 12 jơ, den tàng ờ gơtùi ngui kờ` tam pà dà tài dà tih neh tus.

Jăt ồng Mai Trọng Dũng, kuang atbồ đah lơh bơtơ\t rơbòng dà càr Dak Lak yal, càr do tu\ do geh 140 tơnao dơng dà gơtìp tơrlah, ờ kơl jăp, khà priă kờ` lơh wơl di gơlan tus 700 tơmàn priă. Mơya càr do mìng geh hòi jà 20 tơmàn priă. “Càr neh đơng lam gah lơh sa mờ tơnguh bơtàu [òn lơgar kung bè ală mpồl lơh broă gơrềng bal mờ ală kơnhoàl pal pơgồp bal, geh ală gùng dà broă lơh ing kờ` bơtơ\t ờ gơtìp tơrlah. Bè tàm bồ kàl mìu pal lòt sền gròi tàm ală bơtơ\t, tàm hơ\ uă ngan là ală bơtơ\t neh gơtìp ờ kơl jăp, kờ` geh broă pơgồp bal lơh niam wơl, hơ\ sồng ală tiah kung tă ờ uă priă rơcang lài kờ` lơh niam ing, hơ\ sồng ai bơh tàm ală khà priă, bè khà priă sơndră mờ trồ prang, kờ` lơh niam wơl ală bơtơ\t neh gơtìp tơrlah mhar. Mờ kuơ màng ngan là ală broă lơh lơi gơtìp tơrlah uă den ba` bơ\t dà, bè nam 2013 là geh 3 nơm bơtơ\t pah yuh dà nàng ba` gơtìp tơrlah”.

Tàm Tây Nguyên tu\ do geh di pơgăp 1 rơbô 400 nơm bơtơ\t rơbòng dà mờ hìu măy pờ tơl^k ồs đèng. Tàm hơ\ geh uă tơnao dà ờ hềt gơtìp tơrlah, tàm hơ\ uă ngan là ală hìu măy pờ tơl^k ồs đèng di mơ mờ dềt. Ồng Hoàng Văn Thắng kuang jăt jơng atbồ gah lơh sa mờ tơnguh bơtàu [òn lơgar dà lơgar đơs la:“Kơl jăp bơtơ\t dơng dà ờ mìng là tơnguh ală bơtơ\t, tơnao dà mờ gam pal tơnguh bơta pràn sền gàr. Ală broă do gơtùi lơh mơ. Den tàng, kung kơ\p kờ` ală gah lơh sa mờ tơnguh bơtàu bòn lơgar ală càr tơnguh tàm broă sền gàr bơtơ\t tàm nam do. Tài bơta kơl jăp bơtơ\t tàm nam lài neh gơl^k geh uă ngan”.

Hìu măy pờ tơl^k ồs đèng, tàm hơ\ kuơ màng ngan là ală broă lơh bơtơ\t rơbòng dà neh cèng wơl bơta kuơ màng uă ngan tus mờ broă tơnguh bơtàu lơh sa, ring niam rài kis g^t nđờ tơlăk nă cau lơh sa suơn sre tàm Tây Nguyên in. Bu\ lah bè hơ\, do kung là bơta gơl^k geh hoàc huơr uă ngan tus mờ phan bơna, màng kis kòn bơnus tàm tiah đah jum. Rềs àr do di gơlan gơtùi pleh tu\ geh 1 khà priă di tu\ mờ ờ uă kơrnoăt tàm broă sền gàr nền nòn bơh tàm broă sền lài, lơh kung bè lơh broă geh kơnòl. Tài bè hơ\ mờ tàm dơ\ lơh broă mờ anih duh broă càr Gia Lai tơnơ\ mờ tu\ gơl^k tơrlah bơtơ\t hìu măy pờ tơl^k ồs đèng Ia Krêl 2, ồng Vũ Huy Hoàng kuang atbồ gah kă bro dà lơgar neh sồr pal lơh loh kơnòl ală ală cau, ală mpồl lơh broă gơrềng bal, pal ngui ală broă lơh adăt boh lam di lah lơh gơl^k hoàc huơr uă:“Bu\ lah broă lơh dềt, mơya kung pal geh sền gròi mùl màl kờ` tơl kơl jăp broă lơh jăt adăt boh lam nền nòn. Ală tìs tàm broă lơh hìu măy pờ tơl^k ồs đèng, tàm hơ\ uă ngan là ală broă lơh ờ niam, lơh aniai tus tiah kis, lơh hoàc huơr tus làng bol den pal lơh glài nền nòn mờ mhar, kờ` ală anih lơh sa kă bro ndai in sền do mờ bơsram bal”.

                                                                         Cau mblàng  Ndong Brawl