VOV4.K’ho- Ală ngai tơnơ\ dơ\ sa tềp, tàm càr Dak Lak gam mờ pơn jat tai geh uă broă lơh nhơl bồ sơnam pa mờ dơ\ lơh chờ duh hồl, niam bơne\, tơngo\ nùs nhơm tam klac mờ bềng uă rài kis niam chài is jơi bơtiàn dê.

Bal mờ dơ\ lơh chờ tă chi gơnơng bơh làng bol kòn cau Mường dê tàm hìu duh khuai Thịnh Lang, xã Hoà Thắng, [òn dờng Buôn Ma Thuột, tàm thôn 6, xã Hoà Sơn, kơnhoàl Krông Bông, càr Dak Lak kung geh lơh sơl dơ\ lơh chờ sơnđờm tă bal mờ uă jơnau nhơl bơh rài yau bơh cau Mường dê.

Lơh chờ pơrlòng was plung tàm kơnhoàl Krông Ana

Tàm ală ngai do, tàm Dak Lak kung neh geh lơh sơl uă dơ\ lơh chờ, pơnrơ ngan, bè: chờ pơrlòng was plung tàm kơnhoàl Krông Ana, ngai chờ niam chài kòn cau Mông tàm xã Chư\ Pui, kơnhoàl Krông Bông, lơh chờ Lồng tồng tàm kơnhoàl Chư\ Mgar.

Tơngai mờr tus, geh dơ\ lơh chờ niam chài ù tiah [òn lơgar Việt Bắc tàm xã Ea Tam, kơnhoàl Krông Năng mờ dơ\ lơh chờ tam pơ\t ờs mờng bơh yau tàm xã Vụ Bổn, kơnhoàl Krông Pach. Ală dơ\ lơh chờ chờ hờp bồ sơnam pa geh lơh tàm nùs nhơm chờ hờp chờ hờn ngan, tơngo\ bơta tam klac bal mờ bềng uă rài kis niam chài is bơh 47 jơi bơtiàn kòn cau oh mi ơm kis bal tàm ù tiah càr Dak Lak dê.

Dơ\ lơh chờ sơnđờm tă chi gơ nơng tàm kơnhoàl Krông Bông

Tàm Thị xã Gia Nghĩa, càr Dak Nông bơyai lơh broă chờ nam pa Mậu Tuất 2018 mờ tơngu me “Bơta niam nam pa tàm tiah kơh bơnơm Mnông”.

Chờ nam pa geh hòi jà di pơgăp 400 nă cau chài, cau pràn, đoàn viên, ơruh pơnu bal mờ g^t nđờ rơbô nă làng bol tàm do tus bal. Mang mu\t lơh chờ neh bơyai lơh ală dơ\ đơs crih tamya niam bơne\ ngan, geh uă bơta niam chài rơgơi ờs mờng ală kòn cau kis bơh yau tàm do.

Cơl du\ ràng tơlik phan ồi àu yau kòn cau M'nông- Dak Nông dê

Mờ tơngu me “Bơta niam nam pa tàm tiah kơh bơnơm Mnông”, Chờ nam pa geh lơh wơl dơ\ lơh yàng duh khoai kờ` geh bơta pràn să jan kòn cau Mnông dê. Do là dơ\ lơh yàng geh lơh tàm bồ nam pa kờ` răc dan mờ yàng, mò pàng, ồng pàng lài do ai oh kòn in sùm pràn kơl dang, rài kis [òn lơgar geh lơngăp lơngai, gơboh gơbài. Bơdìh hơ\ tai, chờ nam pa gam geh 14 hìu ràng tơl^k phan kờ` yal bè bơta pràn nhơl chờ càr dê.

Geh pơnrơ ngan bè phe [òn Choah, kơnhoàl Krông Nô, [ùm lô lơgar Nhờk kơnhoàl Tuy Đức; tiêu Dak Song, gar điều Dak Rlấp, kơphe kơnhoàl Dak Mil…

 Kơnhoàl Dà Teh, càr Lâm Đồng bơyai lơh dơ\ pơrlòng was plung ờs mờng bơh yau tàm tơnau dà Dà Hàm, xã An Nhơn. Dơ\ pơr lòng was plung tàm tơnau dà Dà Hàm geh kơnhoàl Dà Teh bơyai lơh bồ sơnam pa mờ tus tu\ do neh lơh sùm 13 nam do, lơh geh nùs nhơm chờ hờp wa\ rò sơnam pa ai làng bol in mờ lơh hô hơng nùs nhơm tàp pràn să jan mờ tàm pơrlòng lơh sa.

Lâm Đồng bơyai lơh dơ\ pơrlòng was plung ờs mờng bơh yau tàm tơnau dà Dà Hàm

Kơno yal, tơnau dà Dà Hàm là dùl tàm ală tơnau dà dờng tàm kơnhoàl do, drơng dà tuh ai 500 lồ kòi in. Tơnau dà Dà Hàm geh gơdờp kuơ ngan tàm broă mu\t lơh ală broă lơh lơh broă sa sươn sre ngui công nghệ cao bè bơ\t bơtàu sươn lam lơh lài dờng, crơng gơs tiah sùm tam mbar quýt dùl phan pơnrơ is ngan neh geh dờp mat phan kă bro bơh kơnhoàl Dà Teh dê.

Cau mblàng mờ yal tơngi\t- Lơ Mu K’Yến mờ Ndong Brawl