VOV4.K’ho- Drim ngai 20/8, Thủ tướng Chính phủ neh tơlik Kơrnuat bè broă tă phe bơh bơnah rơcang gàr lài dà lơgar ai 24 càr, ƀòn dờng gơwèt dà lơgar in nàng dong kờl ai làng bol gơtìp kal ke in tài bơh kòp Covid-19.

Thủ tướng Chính phủ lơh nền sồr Bộ Tài chính tă ờ sa priă rlau 130 rbô tấn phe bơh bơnah rơcang gàr lài dà lơgar ai 24 càr, ƀòn dờng gơwèt dà lơgar in nàng dong làng bol gơtìp kal ke tài bơh kòp Covid-19 in, geh: Dăk Lăk, Dăk Nông, Đồng Tháp, Tây Ninh, Cà Mau, Vĩnh Long, Long An, Kiên Giang, Trà Vinh, Khánh Hòa, Bình Dương, Bến Tre, Bình Định, An Giang, Nghệ An, Đồng Nai, Bà Rịa- Vũng Tàu, Phú Yên, Đà Nẵng, Cần Thơ, Bình Thuận, Ninh Thuận mờ ƀòn dờng Hồ Chí Minh. Ủy ban Nhân dân ală càr, ƀòn dờng pa yal kong kơnòl bè bơta dipal bơh khà kờp jơnau yal mờ lam lơh dong kờl di tŭ, di cau, di khà jat jơnau sồr mờ dipal mờ broă lơh rơcang sơndră kòp tàm ù tiah hơ̆.

Cau mblàng K’Duẩn