VOV4.K’ho - Cơldŭ lơh broă Chính phủ pa geh sră nggal lam sồr jơnau đơng lam bơh Thủ tướng Chính phủ ồng Phạm Minh Chính bè broă pơn jờng, lam sồr ală mpồl cau, cau dùl nă să geh cồng nha jăk chài tàm broă rơcang sơndră mờ kòp Covid-19.

Jăt mờ hơ̆, tàm tơngai do, uă tiah lơh jăt pràn, ndrờm bal, bơceh lơh, geh cồng nha ală broă rơcang sơndră mờ kòp Covid-19. Kờñ di tŭ lam sồr ală mpồl cau, cau dùl nă să, mpồl lơh broă tàm tiah sơnrờp tam dră mờ kòp, Thủ tướng Chính phủ ồng Phạm Minh Chính sồr ală bộ, anih lơh broă ndrờm mờ bộ mờ UBND ală càr, ƀòn dờng di tŭ lam sồr, pơn jờng mờ geh jơnau pơn jờng gơwèt mờ ală mpồl cau, cau dùl nă să geh ală broă lơh bơceh pa, geh cồng nha jăk, geh pơnrơ tàm broă rơcang sơndră mờ kòp Covid-19. Mờ geh cơ chế, broă sền gròi bè phan bơna bal mờ nùs nhơm tus mờ mpồl cau lơh broă tàm tiah sơnrờp tam dră mờ kòp mờ cau mè, cau bèp neh kra, kòn gam dềt... bơh ală cau tus bal tàm tiah sơnrờp tam dră mờ kòp gơtờp.

Cau mblàng Ndong Brawl