VOV4.K’ho – Pơrjum đah Thủ tướng Chính phủ mờ mpồl lơh sa kă bro nàng kờ` tă bơsong kal ke, chồl pràn lơh sa kă bro, bơtàu tơnguh wơl rài lơh sa neh geh lơh tàm poh lài. Pơrjum geh lơh jat broă lơh pờ tơlik tơn tàm internet, mờ bơta tus bal bơh mờr 900 rbô nă cau tàm ală anih pờ tơlik tơn. Thủ tướng đơs nền, do ờ di là pơrjum yal kal ke, yal bòl glar, mờ là tu\ nàng chồl pràn dùl nùs nhơm kờ` gơboh dà lơgar, “geh nùs nhơm lơh ngan den gơtùi lơh gơs” bơh jơi bơtìan Việt Nam dê, cơnđùa lòt brồ guh tàm tơngai pa.

Pơrjum geh lơh pờ tơlik tơn tàm internet mờ ală anih pờ tơlik tơn là tàm anih lơh broă Chính phủ, anih pờ tơlik tơn tàm [òn dờng Hồ Chí Minh, tàm [òn dờng Hà Nội, tàm Đà Nẵng. Tàm pơrjum, Bộ Kế hoạch mờ Đầu tư mờ ală bộ, gah broă lơh geh ală jơnau yal bè ală broă lơh dong kờl mpồl lơh sa kă bro; ală jơnau cribơyai bơh ală mpồl lơh sa kă bro, hiệp hội mpồl lơh sa kă bro jơh bal tàm lơgar mờ lơgar ndai dê. Ală mpồl lơh sa kă bro tus bal tàm ală anih pờ tơlik tơn do.

Thủ tướng Nguyễn Xuân Phúc đơs nền, mpồl lơh sa kă bro, làng bol geh bơngă kuơmàng ngan tàm broă bơtàu tơnguh, ai geh broă lơh, tàm jàu khoa học công nghệ. Broă sền gròi bơtàu tơnguh mpồl lơh sa kă bro là gùng dà dờng bơh Đảng, dà lơgar he dê. Thủ tướng kơp kờ` ală mpồl lơh sa kă bro, kuang bàng tus bal pơrjum tă pơ gồp jơnau đơs, jơnau bơceh mờ Chính phủ bè ală broă lơh chồl pràn bơtàu tơnguh, sơr lèt gan kal ke ờ go\ di là mìng yal ală kal ke:

“Dùl nùs nhơm bè hơ\ ờ di là a` lơh gơbàn kal ke bè do, a` sồr bè ne. Broă hơ\ ală bộ pal lam lơh ngan ngồn, ală tiah pal tă bơsong tơn mpồl lơh sa kă bro in. Dùl nùs nhơm tam gơl pa, lơh niam wơl, chồl pràn bơtàu tơnguh tàm tu\ bol he gơtìp kal ke. Dùl nùs nhơm khin sơ nơng, khin lơh, khin kong kơ nòl, nùs nhơm tam gơl pa, rơndap tap sèng wơl tàm bơtàu tơnguh. Dùl nùs nhơm kơ nờm tàm drà kă bro dờng ngan geh tus 100 tơlak nă làng bol. Dùl nùs nhơm chồl pràn tac phan hờ lơgar ndai. Mờ dùl jơnau kuơmàng ngan mờ làng bol kờ` iat, hơ\ là ờ tam gơl gơs tìs hình sự ală gơ rềng lơh sa mờ broă làng bol. Ờ lùp sền, sền sơ wì, lơh jat di Jơnau sồr sồ 20 bơh Thủ tướng Chính phủ dê. Mơya dilah lơh tìs adat boh lam, sa kuề sa kùa ndrờm bè broă CDC Hà Nội pa do den pal lơh glài”.

Thủ tướng kơp kờ` pơrjum chul chồl dùl nùs nhơm kac màng, kờ` gơboh dà lơgar bơh làng bol mờ mpồl lơh sa kă bro dê, ngan là tàm tu\ jơh gùt lơgar pa tơngkah pha lin dờng tam lơh ngai 30/4/1975, tơngklàs tiah đah jum, tơr gùm dùl dà lơgar. Pơrjum do kung đơs nền mờ dunia in go\ là, Việt Nam lơh ngan tàm bơta pa nàng lam dà lơgar bơtàu tơnguh:

“Pơrjum geh kuơ dờng màng ngan, hơ\ là dùl nùs nhơm kờ` gơboh dà lơgar bơh làng bol mờ mpồl lơh sa kă bro dê gơ wèt tus mờ bơta bơtàu tơnguh bơh dà lơgar dê. Dùl nùs nhơm lơh ngan rơndap tap sèng wơl nàng chồl pràn bơtàu tơnguh, lơh geh jơnau kờ` bơtàu tơnguh, lam lơh ròt bơta kuơ pa tàm tơngai tơ nơ\ kòp Covid-19. Pơrjum dơ\ do pal ai tơnggo\ broă tă bơsong kal ke nàng chồl pràn bơtàu tơnguh mờ kơnòl hơ\, bơdìh mờ bơta lơh ngan jơh nùs, rơcang lài bơh să tờm mpồl lơh sa kă bro mờ làng bol dê den kơ nòl bơh anih lơh broă dà lơgar, ală kấp, ală gah broă lơh là kuơmàng ngan. Pal sền gròi ua\ rlau tai nàng tă bơsong kal ke ai mpồl lơh sa kă bro in, geh bơta pin dờn mờ bơta lơh nền nàng bơtàu tơnguh”.

Lài hơ\, Thủ tướng đơng lam ală bộ, gah broă lơh, broă rơcang lài pal lơh jơh nùs, khoa học, nền nòn, sền dờng màng cau iat, ală jơnau đơs pal niam, cèng bơta bơt bơtàu nàng tơ nơ\ pơrjum do, Thủ tướng geh ai tơlik Nghị quyết halà broă lơh bơh Chính phủ dê. Tàm jơnau yal bơh ală bộ, gah broă lơh dê, Thủ tướng sồr pal loh làng, geh cồng nha, kuơmàng là pal đơs loh ală broă dong kờl lơi ndai gơ wèt tus mờ mpồl lơh sa kă bro ala mờ mìng đơs ală broă neh git bloh. Jat hơ\, pal yal ală broă lơh pa bè drà kă bro, cau lơh broă, tă dia, pria\ tă lơh broă, sền gàr lơngap lơngai ờ do ờ dă…

Bè broă lơh mblàng yal, Thủ tướng jàu Bộ Thông tin mờ Truyền thông lơh jơnau đơs lùp mờ hơ jơnau lùp halà tă bơsong kal ke ai mpồl lơh sa kă bro in tàm 2, 3 anih lơh [a\u; pal pơn jat tai yal bè ală krơh niam sơr lèt gan kal ke bơh làng bol mờ mpồl lơh sa kă bro dê. Thủ tướng pà git, geh ală mpồl lơh sa kă bro bơh cau ling sồt să, cau kuet kơlte dê mơya kung gam lơh ngan gàr tơl cau lơh broă, den ală mpồl lơh sa kă bro ndai kung pal geh nùs nhơm gàr wil tơl khà cau lơh broă, ala mờ bơ trơh khi.

Đơs nền ờ tu\ lơi Chính phủ lơh dùl pơrjum pờ tơlik tơn tàm internet dờng bè do, Thủ tướng đơs nền, pal ai tơnggo\ dùl nùs nhơm “geh nùs nhơm lơh ngan den gơtùi lơh gơs” bơh cau Việt Nam bol he dê, sơr lèt gan kal ke, bơta lòng, cơnđùa lòt brồ guh tàm tơngai pa. Ngan là tu\ niam gam tus, tu\ lơgar he gam hời rơ hời jơh kòp Covid-19.

Cau mblàng K’Duẩn