VOV4.K’ho – Đơs tàm Pơrjum pờ tơlik tơn tàm internet tàm gùt lơgar Tơn jơh broă lơh lam sồr làng bol mờ sền sơ wì cồng nha lơh jat “Nam lam sồr làng bol gơ noar atbồ” 2019, lam lơh jat kơ nòl broă nam 2020 geh lơh tàm lồi poh lài, Thủ tướng Nguyễn Xuân Phúc đơs nền, làng bol git, kờ` Đảng, dà lơgar, mơya ală kấp gơ noar atbồ pal đơs di, bơsong dipal ală broă bơh làng bol dê, ờ di là ngui jơnau sồr pal lơh jat. Ờ ơm ngài làng bol, ờ pơ hề pơ hà, ờ rồn bơ klơn, mờ pal hơ, lơh loh di gùng di dà nàng làng bol in git, kờ` gùng dà broă bơh bơh Đảng, dà lơgar.

Jat jơnau yal tàm pơrjum, nam lài, geh rlau 478 rbô dơ\ làng bol tus anih lơh broă hành chính dà lơgar yal yă, yal khài, yal jơnau dan, jơnau đơs, gơguh 4,3% pơn drờm mờ nam 2018. Ală anih lơh broă hành chính dà lơgar neh bơsong geh 86% broă gơlik geh di mờ gơ noar broă. Bơh broă bơsong jơnau yal yă, yal khàu, neh dan ai wơl dà lơgar in, tơm wơl mpồl bal, cau dùl nă să in rlau 205 tơmàn pria\, 24 lồ ù, lơh wơl, gàr niam gơ noar kuơ ai mờr 1 rbô 890 mpồl bal, cau dùl nă să, jàu anih lùp khàu in 20 broă gơlik geh.

Kung kơnờm broă lơh lam sồr cau Việt Nam tàm lơgar ndai, nam lài, khà pria\ bơh lơgar ndai pơyua rê hờ lơgar gơguh mhar, geh mờr 16 tơmàn 700 tơlak dolar Mỹ, ua\ ngan rlau jơh bơh lài tus tu\ do, Pơgap 3 rbô mpồl lơh sa kă bro cau Việt Nam tàm lơgar ndai bơcri pria\ tàm lơgar Việt Nam. Pah nam, mờr 500 dơ\ cau geh bồ tơngoh jak, cau jak chài tàm ua\ gah broă lơh rê wơl hờ lơgar tus bal ală broă lơh, rơndap broă khoa học công nghê, bơ to bơtê mờ bơsram.

Đơs tàm pơrjum, Thủ tướng Nguyễn Xuân Phúc đơs niam ală tiah, bộ, gah broă lơh geh ua\ broă lơh pa, bơceh pa, geh cồng nha tàm Nam lam sồr làng bol gơ noar atbồ 2019 mờ đơs là, ua\ broă lơh là jơnau đòm jat niam nàng lam lơh ua\ tàm tơngai tus. Đơs wơl cồng nha geh pơn rơ bơh dà lơgar dê tàm nam lài, bal mờ bơtàu tơnguh lơh sa mờ broă gàr tơl niam rài kis mpồl bơtìan geh lơh niam, ngan là khà tơmù r[ah, tơnguh niam rài kis bơh làng bol dê, Thủ tướng đơs nền, làng bol đơs niam cồng nha do mờ nùs nhơm chờ hờp, pin dờn tàm Đảng, dà lơgar:

“Tàm broă lơh ngan bơh jơh mpồl lơh broă chính trị dê, tềng đap bơta đơng lam bơh Đảng dê, den ờ gơtùi ờ đơs tus gơ noar broă bơh broă lơh lam sồr làng bol dê. Geh làng bol kờ`, lơh jat den hơ\ sồng lơh geh cồng nha. A` kờ` đơs nền, jơh gùt làng bol mờ jơh gùt ling klàng he dê, ơm ngkời bơta lơh ngan bơh jơh mpồl kuang bàng lơh broă chính trị dê tàm broă rơcang sơndră sa kuề, sa kùa, lơh broă mờ lơgar ndai mờ kơ\ dơn lơh broă sền gàr ngap lơngai is gơ noar tờm tềng đap ală gơlik geh kal ke tàm dà lềng tiah đah mat tơngai lik, mờ nùs nhơm ring lơngai, sền dờng màng adat boh lam dunia mờ lơh bơ yô. Ală cồng nha tơl làm bè lơh sa, mpồl bơtìan, sền gàr dà lơgar, sền gàr lơngap lơngai, lơh broă mờ lơgar ndai ai tơnggo\ tàm nam lài là nam bềng bơta tam gơl, bơta hơ\ kung đơs là “[uơn rbô dơ\ mờ ờ geh làng bol kung pal sang, kal ke rbô dơ\ geh làng bol kơ lôi rơcang kung lơh gơs”.

Bulah bè hơ\, jat Thủ tướng đơs, broă lơh lam sồr làng bol kung gam ua\ bơta ờ niam, bè ua\ anih lơh broă mờ cau atboò ờ hềt geh ua\ bè gơnoar broă bơh broă lơh lam sồr làng bol dê, ờ geh bơta jòi git bè bơta ring bal, tam klac bal bơh làng bol dê tàm broă lam lơh jat ală gùng dà broă lơh dà lơgar dê mờ tàm broă bơyai lam lơh jat kơ nòl broă. Gam geh bơta kơldang nùs, pơ hề pơ hà,  ờ niam, ờ huan iat, ờ huan git jơnau đơs bơh làng bol dê. Ờ ua\ kuang đơng kang đơng lam bồ, kuang bàng, công chức ờ hềt lơh krơh, lơh tìs adat boh lam. Broă lơh wă làng bol tàm ua\ tiah ờ hềt di jat jơnau sồr, gam cèng bơta mìng đơs mờ ờ lam lơh ngan ngồn. Jat Thủ tướng đơs, cau wă làng bol ơm tàm gơ noar broă bơh cau cih sră yal yă, yal khài dê den hơ\ sồng gơtùi git bơta kơp kờ` bơh làng bol dê.

Bè kơnòm bơh broă lơh lam sồr làng bol nam 2020, Thủ tướng đơs là, do là nam mờ dà lơgar geh ua\ broă kuơmàng, den tàng broă lơh lam sồr làng bol pal lơh jat nghị quyết bơh Chính phủ dê bè kơ nòl, broă lơh bơtàu tơnguh lơh sa – mpồl bơtìan mờ jơnau đơs lơh broă là “Jat jơrnuat, song dơpă, lơh broă, geh kơ nòl, bơceh pa, geh cồng nha”. Gơnoar atbồ ală kấp pal kơlôi hờ làng bol, sền gròi làng bol in, pal ơm rềp làng bol, bơsong di bơta gơ rềng đềt mềr đah làng bol mờ anih lơh broă dà lơgar.

Thủ tướng kung đơs loh, broă lơh lam sồr làng bol ờ di mìng là broă bơh Ban Dân vận dê, mờ là bơh jơh ală kấp, ală gah broă lơh, ală anih lơh broă, mpồl lơh broă dê. Dân vận ờ mìng là lam sồr làng bol lơh jat mờ gam pal tơnguh bơta niam, cồng nha drơng broă làng bol, lơh broă tài bơta kuơ làng bol dê, sền gròi pràn kơldang nùs nhơm mờ phan bơna làng bol in. Lam sồr làng bol pal ngan ngồn, jơh nùs, là boh bơr geh niam chài, là nùs nhơm kac màng bơh kuang bàng, cau geh đảng dê. Den tàng, bơh broă lơh kup tê tus boh bơr ndrờm pal sơn đờm bơh nùs nhơm, niam chài kac màng, niam chài boh bơr. Hơ\ là bơta gơ hòi gơ jà ngan rlau jơh gơ wèt mờ làng bol.

Thủ tướng đơs nền, broă lơh lam sồr làng bol niam mơya pal gàr kơ\ kơrnuat pal jat, adat boh lam dà lơgar, làng bol lơh tờm niam mơya kung gam pal gàr kơ\ kơrnuat pal jat. Ờ go\ di lời bơta roh làng bol lơh tờm, mơya kung ờ go\ di lời gơlik geh tung lơtang, ngan là 2, 3 nă cau dùl nă să, 2, 3 mpồl cau gơtìp bol ờ niam bơ chồt. Kuơmàng, Thủ tướng sồr ba` sền ờ dơp ală bơta dềt rơ hền, tài ua\ bơta dềt den gơguh gơs bơta dờng, mờ bol he pal bơh broă lơh lam sồr làng bol nàng làng bol in git mờ ring bal.

Cau mblàng K’Duẩn