VOV4.K’ho - Poh lài, tàm càr Ninh Bình, Thủ tướng Nguyễn Xuân Phúc neh tus còp broă lơh phan tăc mờ lơgar bơdìh bơh Công ty Cổ phần phan sa tăc mờ lơgar bơdìh Đồng Giao, sền dơ\ tơl^k biăp, plai chi tăc sơnrờp ngan tus lơgar Nhờk bơh Công ty dê.

Đơs niam Công ty neh gờ` tus lơh broă wơl tơnơ\ mờ dơ\ ơm rơlô satềp, Thủ tướng sồr ală mpồl lơh broă tàm gùt lơgar tus mơ tàm broă lơh sa, gàr niam broă lơh sa kă bro bè ờs, ai broă lơh, tơnguh rài kis, pơgồp bal tàm broă lơh jăt kơnòl tàm 3 nhaib ồ nam bal mờ gùt nam 2019 jơh gùt lơgar dê.

Thủ tướng Nguyễn Xuân Phúc tus còp hìu măi lơh biăp, plai chi tăc mờ lơgar ndai bơh Công ty Cổ phần phan sa tăc mờ lơgar bơdìh Đồng Giao. Ală bơta biăp, plai chi ơn tàm hộp mờ biăp, plai chi ris bơh Công ty ờ mìng geh drơng broă kờ` ngui sa tàm lơgar mờ gam tăc tus mờr 40 lơgar, tàm hơ\ geh ală drà kă bro bè lơgar Mỹ, châu Âu, lơgar Nhờk.

Thủ tướng neh tus còp tiah tam phan bơh Công ty, còp să, lam sồr công nhân gam lơh broă tàm ală suơn. Mờ bă ù tam rơlao 4 rơbô 500 lồ, công ty do neh tam uă bơta biăp, plai chi nhiệt đới bè prìt sơkò, kroăc, bơlhông, gơ-àl, jràng, na, mre\, lạc tiên…

Boh bơr mờ kuang bàng, cau lơh broă tàm công ty, Thủ tướng Nguyễn Xuân Phúc đơs, Công ty neh tam gơl geh cồng nha bơh broă lơh nông trường tus công ty cổ phần, hòi jà bơta pràn mpồl bơtiàn kờ` tơnguh bơtàu. Bal mờ hơ\ là ngui broă gơguh jăk khoa học công nghệ bơh broă tam tus mờ broă lơh gơs phan ngui sa.

Lơh jăt broă pơgồp bal mờ ală hìu lơh sa, pơgồp bal mờ ală càr, [òn dờng tàm gùt lơgar kờ` tơnguh bơtàu ală phan là bơta pràn lơh sa suơn sre lơgar he dê, tàm hơ\ geh Tây Nguyên. Thủ tướng đơs niam Công ty geh ai ngui lơh broă dùl hìu măi lơh phan sa dờng tàm càr Gia Lai.

Bơdìh hơ\ tai, Công ty neh tơrgùm ù tiah jăt broă lơh pa geh cồng nha, gơnoar bơh làng bol geh gàr niam, gơnoar atbồ, ngui ù geh cồng nha tàm uă tiah.

Tàm dơ\ boh bơr, Thủ tướng pơn jăt tai đơs tòm tus mờ gơnoar kuơ màng bơh broă lơh sa suơn sre lơgar Việt Nam dê gơwèt mờ broă lơh sa, mpồl bơtiàn lơgar he dê, Thủ tướng đơs là, bal mờ broă lơh sa sồ, broă lơh sa suơn sre lơgar he geh lơh gơs “Bơta pràn” kuơ màng kờ` ai lơgar Việt Nam lơh gơs khà broă bal: gơs broă lơh sa geh rài kis bè ờs uă lài mờ nam 2035 mờ dùl mpồl bơtiàn ndrờm bal, ring bal, uă bơta niam chài rơgơi, kơl jăp bè tiah kis tàm broă lơh sa suơn sre [òn lơgar.

Thủ tướng đơs tòm, Chính phủ ai broă lơh sa suơn sre, làng bol lơh sa mờ [òn lơgar là gùng dà broă lơh dờng, geh gơdờp bal uă tus mờ bơta niam niam chính trị, lơh sa, là bơta tòm kuơ màng mpồl bơtiàn dê, gơrềng bal niam ngan tus mờ nùs nhơm pin dờn bơh làng bol tàm broă đơng lam bơh Đảng.

Đơs tòm tus mờ broă tăc phan geh lơh bơh broă lơh sa suơn sre mờ lơgar bơdìh lơgar Việt Nam dê bu\ lah gam ờ uă, mìng tăc phan gam bè ờs, khà phan geh lơh niam ờ uă, Thủ tướng đơs là, do là bơta ờ pràn, mơya kung là bơta niam kờ` tơnguh bơta niam phan geh lơh bơh broă lơh sa suơn sre lơgar Việt Nam dê:

-Nđan lah Công ty Đồng Giao lơh gơs phan niam mờ tăc mờ lơgar bơdìh niam mờ khà priă gơguh niam, do là kơnờm bơh broă lơh. Jơnau bơsram geh ai là bơh broă lơh sa suơn sre tus mờ broă lơh sa mờ măi mo\k lơh gơs phan sa là jơnau kờ` jơh ală he dê, pal kơlôi sơnơng kờ` tơnguh bơtàu broă lơh sa suơn sre lơgar Việt Nam.

Den tàng, broă lơh sa suơn sre sùm là bơta pràn tàm pơrlòng dờng màng ngan bơh lơgar Việt Nam dê. Den tàng, pal tơnguh bơtàu broă lơh sa suơn sre kơl jăp, tơnguh wơl rài kis niam ai broă lơh sa suơn sre lơgar Việt Nam in, dà, phan bơkah, ù tiah, trồ tiah. Mờ kuơ màng, lơh sa suơn sre lơgar Việt Nam pơgồp bal mờ broă lơh gơs phan ngui sa niam, phan lơh broă pa.

Kờ` geh cồng nha uă, Thủ tướng đơs là, lơh sa suơn sre lơgar Việt Nam pal ngui 5 gùng dà broă lơh bè công nghệ geh nùs nhơm di pal:

-A` sồr gah lơh sa suơn sre lơgar Việt Nam pal ngui pràn, hơ\ là dùl công nghệ lơh broă cảm biến, bàr là ro bot lơh is, rơndeh par ờ geh cau măi; pe là dữ liệu dờng, điện toán đám mây, dơ\ 4 là công nghệ in 3D; dơ\ 5 là internet vạn vận. a` sồr lơh sa suơn ste lơgar Việt Nam pal lòt jăt gùng dà ngui công nghệ pa.

Thủ tướng kung đơs tòm, lơh sa suơn sre công nghệ cao ờ mìng là công nghệ tam phan, lơh gơs phan ngui sa mờ gam là công nghệ atbồ kờ` tơnguh uă cồng nha.

Chờ hờp tu\ sền go\ geh uă tập đoàn lơh sa cau dùl nă să lơh is bơcri priă tàm broă lơh sa suơn sre công nghệ cao, Thủ tướng jào ală bộ, gah lơh broă ai geh uă broă lơh di pal mờ chồl pràn broă lơh sa kă bro tàm gah lơh sa suơn sre, lơh broă tàm broă lơh gơs phan ngui sa, ba` mìng gàr niam ờ do ờ dă ai cau ngui sa lơgar Việt Nam in mờ gam ai drà kă bro lơgar bơdìh dờng, uă bơta tai.

Cau mblàng Ndong Brawl