VOV4.K’ho - Lồi poh lài, Thủ tướng Chính phủ, ồng Nguyễn Xuân Phúc neh đơng lam dơ\ lơh broă bơh Thường trực Chính phủ mờ mpồl đơng lam dà lơgar rơcang sơndră kòp Covid 19. Thủ tướng sồr pal pơn jat tai jơh nùs rơcang sơndră kòp,mơkung rơcang lài di tu\ nàng tam gơl tàm quý 2 tus.

Tơnơ\ tu\ ală Bộ, Gah broă lơh đơs, đơs pơn dut pơrjum, Thủ tướng đơs loh, bol he neh lơh geh ală cồng nha kuơmàng bơh sơn rờp, 16 nă cau bơ tờp kòp ndrờm neh rê bơh hìu sơnơm. Chính phủ neh lơh jơh pràn ală bơta mờ nùs nhơm ua\ ngan rlau jơh tàm broă sền gàr pràn kơldang sận mờ màng kis làng bol dê, neh geh broă lơh dipal, krà` cê tam cah is ală cau bơ tờp kòp. Ală broă lơh geh bơta ring bal bơh dà lơgar tus kấp hơ đơm. Ală broă lơh bơh lơgar Việt Na dê geh dunia đơs niam ngan.

Tơngai tus, Thủ tướng sồr krà` cê pal tam cah is ală cau bơh tiah geh kòp mut tàm lơgar Việt Nam. Ală mpồl lơh broă pal pơn jat tai ală broă rơndap lơh rơcang lài, nàng sơndră mờ ală bơta ờ niam digơlan gơlik geh:

“Dilah bol he lời jơh bal cau Việt Nam mờ cau lơgar ndai tàm tiah geh kòp mut tàm lơgar Việt nam den dilah bơ tờp ua\ tus tàm mpồl bơtìan hơ\ là bơta he pal wèr ngan rlau jơh, mờ jơnau bol he ai geh là broă lơh kơryan bơ tờp tàm mpồl bơtìan. Bol he neh lơh niam bơta sền gròi bơh Đảng, dà lơgar, ling klàng dê tus mờ cau tam cah is. Bol he pơn jattai dong cau tam cah is in geh rài kis bè ờs. Dilah bol he ờ tam cah is lơh gơbàn nùs nhơm sơ nơng là tu\ rê hờ Việt Nam den geh rê mờ mpồl bơtìan, geh rê tàm hìu nàng rlô den bơta bơ tờp digơlan gơlik geh tàm ua\ càr, [òn dờng. Mờ dilah kòp bơ tờp den ngòt rơ ngơt ngan, bol he ờ gơtùi sền gròi”.

Thủ tướng kung sồr pơn jat tai ờ tơr gùm ga cau, ờ lơh ală dơ\ pơrjum dilah ờ kươmàng. Đơs wơl broă sơndră kòp bơh càr Vĩnh Phúc dê, Thủ tướng pà git, càr ờ mìng sơndră kòp mờ gam chồl pràn broă lơh sa geh cồng nha, gơguh lơh sa 2 nhai bồ nam ờ mìng ờ gơmù mờ gam gơguh rlau 10% pơn drờm mờ bal tu\ nam lài.

Bè ală bơta gơlik geh bơh kòp dê tàm tơngai tus, Thủ tướng  Thủ tướng Nguyễn Xuân Phúc đơs ngan:

“Jat a` sơ nơng den ală bơta gơlik geh bơh kòp Covid-19 dê gam kal ke, 2, 3 lơgar neh geh tiah gơbàn kòp pa, mơya bol he geh bơta pin dờn là kòp gơtùi kơryan mờ tam gơl niam tàm quý 2 mờr tus. Lơh sa dunia digơlan geh tam gơl niam. Lơh sa lơgar Mỹ gam gơguh niam, 2, 3 rài lơh sa dờng tàm dunia, kờp bal mờ lơgar geh kòp ngan là geh tam gơl, ai wơl khà bơtàu tơnguh. A` đơs bơta do nàng ală bộ, gah broă lơh geh jơnau kờp du\ lài broă rơndap lơh, rơndap tap sèng cau lơh broă, kờp bal mờ mpồl cau lơh broă mờ phan bơna drơngbroă lơh de in. Den tàng, ală bộ, gah broă lơh, ală tiah bơh tu\ do tơn, pal geh jơnau kơ lôi sơ nơng tam gơl broă rơndap lơh mờ broă lơh nàng nam 2020 pơn jat tai là nam geh cồng nha bè lơh sa, kơ\ kơljap bè mpồl bơtìan, lơh gơs tơl làm jơau kờn mờ Đảng, dà lơgar, làng bol jàu”.  

 Thủ tướng sồr Ngân hàng dà lơgar Việt Nam pơn jat tai yal loh làng rlau broă lơh pria\ jền cèng bơta dong kờl rài lơh sa, bè tơrmù pria\ cồng ai càn, tơn jo\ tơngai tơm dồs. Rlau mờ tu\ lơi jơh, Thủ tướng sồr Bộ Tài chính yal Thủ tướng Chính phủ in broă lơh tơn jo\ tơngai, ơm ing, lơyài tong pria\ dia, geh tu\ là tơmù pria\ tă lơh logistics, tơn jo\ tơngai tong pria\ blơi bảo hiểm y tế, bảo hiểm xã hội nàng lơh gơlik bơta pơn jờng ai ală mpồl lơh sa kă bro in. Ală jơnau cih lơi gơ wèt gơ noar bơh Quốc hội dê den yal Quốc hội mờ Thường vụ Quốc hội in. Tàm hơ\, pal sơlơ tơnguh tă dơ\ ngui ai broă gàr tơl niam rài kis mpồl bơtìan in, ngan là dong kờl làng bol tiah gơtìp kòp lơh aniai.

Pà git, rơcang geh 1 Chỉ thị bơh Thủ tướng dê nàng chồl pràn lơh sa, kă bro, geh bơta rơcang lài nàng bơtàu tơnguh mhar tàm tơngai tus, mơkung jờng rơ Bộ Văn hóa-Thể thao mờ Du lịch neh sồr Thứ trưởng tus lơgar Anh nàng jòi drà kă bro nhơl chờ. Bộ Công thương kung neh pơrjum nàng geh broă lơh ờ lơh aniai tus ròt broă lơh sa, jòi phan drơng brơ lơ sa in mơ tàm nhai 3 do…

Cau mblàng K’Duẩn