VOV4.K’ho – Di pơrjum cau ala mat gùt lơgar Mpồl tam klac ơruh pơnu Việt Nam dơ\ 8, tơngai lơh broă bơh nam 2019 tus nam 2024 geh lơh tàm poh lài, Thủ tướng Nguyễn Xuân Phúc neh tìp mat boh bơr mờ 1 rbô nă ơruh pơnu, ala mat ơruh pơnu gùt lơgar tus bal pơrjum. Tàm do, Thủ tướng sồr, ơruh pơnu pal geh bơta kơp kờ` tă pơ gồp bơt bơtàu dà lơgar pas sơm, pràn kơldang, ndrờm bal mờ ală lơgar dờng pràn tàm gùt dunia. “Tờ bơnơm mờ bồr dà lềng” te\. Là bơta niam chài crih crài lam lài te\ tàm broă lơh bơt bơtàu mờ sền gàr dà lơgar kờ` gơboh bol he dê.

Tàm dơ\ tìp mat boh bơr, ală ơruh pơnu neh lùp Thủ tướng bè ua\ broă bè sơn đờm mut lơh broă, tam gơl pa bơceh pa, dong kờl ơruh pơnu kuet kơlte, ơruh pơnu tus bal tàm broă bơtàu tơnguh lơh sa tiah kal ke, bơt bơtàu rơnàng ơruh pơnu bơtàu tơnguh tơl làm jơh ală bơta, ơruh pơnu mờ broă lơh sền gàr pràn kơldang să jan làng bol, bơta niam chài tàm ơruh pơnu…

Bi Ngô Thế Hòa, Bí thư Tỉnh đoàn, Chủ tịch Mpồl tam klac ơruh pơnu càr Thái Nguyên geh jơnau đơs :

“Ơruh pơnu Việt Nam tơngai bơh nam 2011 tus nam 2020 geh đơs jơnau kờ` ơruh pơnu Việt Nam bơtàu tơnguh tơl làm jơh ală bơta, bềng lìu nùs nhơm kờ` gơboh dà lơgar, geh nùs nhơm kac màng, bồ tơngoh git wă làng bol mờ geh nùs nhơm jat xã hội chủ nghĩa. Dà lơgar gam bơtàu tơnguh mhar, ơruh pơnu kung git ală jơnau yal, ală bơta đòm jat pa. Bơta hơ\ sồr bol he pal tam gơl pa tơngume, broă lơh tus bal dipal mờ tam gơl pa. Den tàng, rơnàng cau kơ nòm să kơp kờ` ngan tơngai tus, Chính phủ mờ ală Bộ, gah broă lơh geh broă lơh dong kờl ơruh pơnu in”.

Bi Nguyễn Văn Phong, Bí thư Tỉnh Đoàn Gia Lai den đơs bơta sền gròi bè rơndap broă lơh bal bơtàu tơnguh lơh sa – mpồl bơtìan tiah làng bol kòn cau mờ tiah kơh bơnơm, tiah geh broă lơh sa ua\ kal ke mờ Quốc hội pà ring bal bè do:

“Rơndap broă lơh do là bơta pơn jờng ai bơtàu tơnguh lơh sa mpồl bơtìan tiah làng bol kòn cau, tiah kal ke in. Den tàng, ơruh pơnu tàm rơndap broă lơh hơ\ geh gơ noar broă lơi? Ơruh pơnu geh mat tàm rơndap broă lơh hơ\ halà ờ mờ cơ chế gơ wèt tus mờ ơruh pơnu tàm rơndap broă lơh hơ\ là `chi”.

Đơs mờ ơruh pơnu, Thủ tướng Nguyễn Xuân Phúc pà git, bol he sùm đơs là ba` lùp dà lơgar neh lơh `chi he in mờ pal lùp là ơruh pơnu neh lơh `chi dà lơgar in, Thủ tướng pà git, dơ\ tìp mat boh bơr do là nàng kờ` iat, tă bơsong kal ke, dong ơruh pơnu gơtùi bơtàu tơnguh niam ngan rlau jơh. Thủ tướng kơp kờ` ơruh pơnu Việt Nam pal geh bơta kơp kờ`, lơh ngan brồ guh, tă pơ gồp dà lơgar in. Ală anih lơh broă geh gơnoar pal ai geh bơta [ươn nàng ơruh pơnu in dờng pràn să tờm dùl bă niam ngan rlau jơh. Mơya, bè broă mpồl coh plai cau ùr pa ai geh gai lòng bìang, ală cau pơr lòng neh pơr lòng mờ jơh bơta pràn he dê, mờ bồ tơngoh, plai nùs mờ jơh bơta chài cau kơ nòm să dê.

Iat jơnau đơs bơh ală ơruh pơnu dê tàm dơ\ tìp mat boh bơr, Thủ tướng Nguyễn Xuân Phúc đơs niam ală jơnau đơs ai tơnggo\ nùs nhơm lơh ngan, dipal, ai tơnggo\ bơta kơp kờ` mờ nùs nhơm brồ guh is, bơsong kal ke, pơ gồp bơnah bơt bơtàu [òn tờm, dà lơgar. Đơs tus ală bơta lòng tu\ do gơ wèt tus mờ bơta bơtàu tơnguh bơh dà lơgar dê, Thủ tướng sồr Mpồl tam klac ơruh pơnu Việt Nam pal hòi jà jơh ơruh pơnu tàm lơgar mờ lơgar ndai, tam klac bal tàm pơr lòng, lơh ngan lơh jat jơnau đơs “Ơruh pơnu Việt Nam kờ` gơboh dà lơgar, bơceh pa, lơh broă dong kờl is, mut gơ rờm bal, bơtàu tơnguh”. Thủ tướng sồr:

“Lài ngan ơruh pơnu Việt Nam pal geh nùs nhơm dipal. Bè hơ\ tàng, ală bơ yô pal geh bơta pin dờn tàm dà lơgar, tàm Đảng, tàm rài atbồ bol he dê. Ờ geh bơta pin dờn den ờ tu\ lơi lơh geh cồng nha. Ơruh pơnu pal geh bơta kơp kờ` tă pơ gồp bơt bơtàu dà lơgar pas sơm, pràn kơldang, ndrờm bal mờ ală lơgar dờng pràn tàm làm gùt dunia. “Tờ bơnơm mờ bồr dà lềng” te\. Là bơta tơr gùm niam chài crih crài lam lài te\ tàm broă lơh bơt bơtàu mờ sền gàr dà lơgar kờ` gơboh bol he dê. Là Ánh Viên te\ tu\ ai geh 6 gai lòng bìang, nđờ gai lòng trà hơ\ sồng tu\ rê wơl hờ cơldu\, kung gam hòr dà mat sơl. Tài Ánh Viên neh lùp is là `chi bơh tài he ờ sơr lèt rlau mờ khà he neh lơh geh. ~chi bơh tài dùl mpồl coh plai cau ùr să jan dềt mờ lơyah, mơya coh plai rlau 100% bơta pràn. Ală bơta bè do là kươmàng ngan, dùl nùs nhơm brồ guh, dùl bơta kơp kờ` bơh ơruh pơnu bol he dê”.

Tàm tơngai lơh broă dơ\ 8 bơh Mpồl tam klac ơruh pơnu Việt Nam dê, Thủ tướng kơp kờ` ală srơh bơh Mpồl dê là bă tiah niam, là bơta pin dờn nàng bơsram mờ pơlam tàp bơh ơruh pơnu sơn đờm bơsram, lơh geh cồng nha, pơn jat tai lơh ngan lơh jat ală jơnau kờ` neh ai tơlik; git jơnau kờ`, gơ noar broă, tơnguh bơta pràn, bơ tòm tơr gùm, tam klac ơruh pơnu.

Đơs sùm, Chính phủ mờ Thủ tướng Chính phủ sùm dong kờl, ai geh bơta niam nàng ơruh pơnu in bơtàu tơnguh, dờng pràn. Thủ tướng Nguyễn Xuân Phúc đơs nền tai:

“Chính phủ mờ Thủ tướng Chính phủ geh pơn jat tai lòt bal mờ ơruh pơnu Việt Nam tàm tơl gah broă lơh, tàm tơl bă tiah, nàng tă pơgồp, dong ală cau tờm tơnơ\ do bơh dà lơgar dê lơh ngan gơ gơs là cau khin cha jak chài, cau chài rơ gơi, geh nùs nhơm niam tàm tơngai tam gơl pa. Ală gùng dà broă lơh, bơta dong kờl bè ơruh pơnu geh Chính phủ mờ Thủ tướng Chính phủ pơn jat tai đơng lam lơh jat nàng kờ` lơh gơlik bơta [ươn ơruh pơnu in, dong mpồl, đoàn lơh broă geh cồng nha niam rlau. Chính phủ sùm kơp kờ`, pin dờn tàm rơnàng ơruh pơnu kờ` gơboh dà lơgar tu\ do mờ sùm sùm tơnơ\ do tai”.

Cau mblàng K’Duẩn