VOV4.K’ho – Sền gàr kloh niam tiah kis là broă lơh kờ` pơgồp bal tàm broă sơndră mờ kòp tê jê să, sền gàr bơta pràn kơl dang să jan làng bol in. Broă mờng chài bơh ntum Tâm Thắng, kơnhoàl Cư\ Jut, càr Dak Nông dê là bal mờ broă bơcri priă bơh dà lơgar dê, làng bol ală kòn cau pal kah tus mờ broă sền gàr kloh niam bơh tàm ală broă lơh dềt ngan tàm rài bè sào sa pah ngai. Kơnờm mờ broă lơh jăt bơta niam bè pơs wàs kloh niam [òn lơgar, ntum Tâm Thắng neh ờ gơbàn kòp prơm gơl^k mhàm kung bè ală kòp gơtòp ndai gơbàn, pơgồp bal tàm broă ring niam rài kis, tơnguh bơtàu lơh sa, tơn jơh jơgloh, tơmù rơ[ah, tơrgùm lơh jăt mờ lơh gơs ală khà geh ai tàm broă bơ\t bơtàu [òn lơgar pa.

Pah ngai, tơnơ\ mờ tu\ neh rê lơh broă, lo\ H’Linh Byă kis tàm ntum Tâm Thắng, kơnhoàl Cư\ Jut, càr Dak Nông ai uă tơngai pơs wàs hìu đam mờ sền gàr oh kòn. Lo\ pà g^t, pal sền gàr kloh niam hìu đam mờ lơh jăt broă sào sa kloh niam hơ\ sồng bơta pràn kơl dang să jan ală cau tàm hìu nhă. Tàm hơ\ uă ngan là tus mờ kòn dềt den sơlơ pal sền gàr niam kờ` kòn ba` gơbàn kòp ha là jòr, rơgai. Lo\ H’Linh Byă đơs: “A` geh 2 nă kòn, 1 nă kòn ùr mờ 1 nă kòn klao. Kòn ùr lài neh dờng, gam bơsram ơdu\ 7; kòn klao dềt rơ\p 3 sơnam. A` sền gàr kòn nền nòn, ai sào sa tơl mờ um tu kloh niam sa jan oh kòn in”.

Broă ơm kis mờ sào sa kloh niam neh gơs bơta niam tàm rài kis làng bol [òn Buôr, ntum Tâm Thắng dê. Sền gàr kloh niam bal, làng bol neh g^t lơh hìu jă brê, lơh wàng ròng phan ngài mờ hìu ơm; bơyai lơh pơs wàs kloh niam tiah kis tàm ngai dơ\ 7 pah poh. Bèp Rin, kuang atbồ [òn Buôr pà g^t: “Làng bol kis tàm [òn Buôr do gam sùm lơh jăt broă pơs wàs kloh niam [òn lơgar. Geh ờ uă hìu ngui măy piah kòi, tơngời, rơhe ală bơta tơl^k lềng làng lơh gơbàn [ơ\ tàm gùng dờng; bơdìh suơn bơh ờ uă hìu làng bol geh ờ uă phơng kơnrồ, phơng sur lơh [ơ\ tiah gùt dar, bol a` sùm sồr làng bol pal gàr kloh niam [òn lơgar kờ` sơndră mờ kòp tê jê să”.

Kơnờm mờ ală tam gơl niam tàm nùs nhơm kơlôi sơnơng, broă lơh làng bol dê, den tàng ờ mìng tàm [òn Buôr, 19 [òn tàm ntum Tâm Thắng ndrờm neh geh dờp là [òn chài rơgơi. Ồng Y Dút Byă, kuang jăt jơng atbồ anih duh broă gah tề lam gùng dră bal ntum Tâm Thắng pà g^t, làng bol 12 jơi bơtiàn kòn cau kis bal tàm ntum do tam klăc bal, pơlòng bơ\t bơtàu rài kis pa. Mờ broă gàr niam tiah kis, tơnguh bơta pràn kơl dang să jan, ală mpồl lơh broă gùng dră bal, ală gah, mpồl lơh broă bal mờ làng bol lơh jăt bal. Gah lơh sơnơm sùm drơng gàr bơta pràn kơl dang să jan làng bol in, bè c^t sơnơm vaccine sơndră mờ kòp cau ùr in, kơnòm dềt hờ đơm 6 sơnam, 1 nam 2 dơ\ tram kơmùng tàm dà sơnơm kờ` sơndră mờ sơmăc làng bol in, bal mờ lam sồr ală dơ\ gơsơ\t sơmăc… ală anih lơh broă kung sùm tus kham, sơm kòp ờ sa priă, bơto sồr làng bol tàm broă sào sa, ơm kis kloh niam. Mờ broă lam sồr sùm bơh ală gah, mpồl lơh broă dê, broă pơlòng bơh ală [òn, mờ jơnau g^t wă bơh làng bol dê bè broă kloh niam tiah kis, drơng gàr bơta pràn kơl dang să jan, sơndră mờ kòp tê jê să neh geh tơnguh. Ồng Y Dút Byă pà g^t: “Lài do, tu\ ờ hềt geh dà măy ngui sa, làng bol mờng ngui dà bơh tàm dà dờng, dà croh mờ đơ dà mìu kờ` ngui sa. Tu\ do, neh geh broă lơh jăt khà dà lơgar bè dà sàng kloh niam neh lơh tus tơl hìu, làng bol neh g^t ngui dà măy sàng kloh niam kờ` ngui sa pah ngai, niam ờ do ờ dă mờ [uơn rơlao. Làng bol neh hùc dà duh ha là blơi dà hùc bơh tàm hìu tăc, kờ` tơl niam ờ do ờ dă tus mờ să jan”.

Tu\ do, tu\ ală tiah ndai gam pal gơbàn kòp prơm gơl^k mhàm lơh aniai, den tàm ntum Tâm Thắng mìng gơbàn ờ uă tàm 2, 3 nă cau gơbàn kòp. Tiah kis kloh niam, bơta pràn kơl dang să jan làng bol geh gàr niam neh pơgồp bal tàm broă dong kờl ntum Tâm Thắng ring niam tàm broă tơnguh bơtàu lơh sa, rài kis tơl nă cau geh kờp tàm nam 2015 lài do tus mờr 30 tơlăk priă, tơmù khà hìu rơ[ah jăt khà pa gam hờ đơm 6%. Uă nam tơn ntum Tâm Thắng sùm di pal ngan mờ khà ntum chài rơgơi càr Dak Nông dê. Mờ ntum Tâm Thắng gam lơh ngan tus lồi nam do, geh càr Dak Nông dờp neh lơh gơs khà bơ\t bơtàu [òn lơgar pa.

         Cau cih mờ yal tơng^t Ndong Brawl