VOV4.K’ho- Pa do, tàm Hà Nội neh geh lơh Pơrjum kuang bàng gùt lơgar tơn jơh broă lơh bơyai lơh Pơrjum dờng Đảng bộ ală kấp tơngai lơh broă bơh nam 2020- 2025. Đơs tàm pơrjum, ồng Nguyễn Phú Trọng Tổng Bí thư, Chủ tịch lơgar đơs nền, Pơrjum dờng Đảng bộ ală kấp tơngai lơh broă bơh nam 2020- 2025 neh lơh geh cồng nha niam bơne\. Bơh bơta mờng chài mờ jơnau bơsram ai geh, tơl nă kuang bàng, đảng viên pal pơn jăt tai lơh krơh, gàr niam nùs nhơm bồ tơngoh, muh mat bơngă bơh cau kuang bàng kăc màng dê pơn jăt tai tă pơgồp jơnau nùs ai bơta cồng nha lơh geh bơh Pơrjum dờng cau ala măt gùt lơgar dơ\ 13 bơh Đảng dê.

Jơnau đơs pơndu\t Pơrjum, ồng Nguyễn Phú Trọng Tổng Bí thư, Chủ tịch lơgar đơs sùm, tàm tu\ tơngai broă gơlik geh bal tàm dunia, tàm kơnhoàl ù tiah do mờ lơgar he tàm nam 2020, mơya bal mờ bơta lơh ngan jơh nùs chính trị uă ngan, pơđơl pràn ngan, geh kơnòl bơh jơh ală anih lơh broă chính trị dê neh bơyai lơh geh cồng nha Pơrjum dờng Đảng bộ ală kấp jăt di tơngai, broă rơndăp lơh jơnau kờ` neh ai tơlik, gàr niam ờdo ờdă ngan, tềm pềr mờ lời wơl uă tềl kah, nùs nhơm jrô ơnàng, niam bơne\ tàm kuang bàng, đảng viên mờ làng bol.

Jơnau yal bơh jơh ală kấp ủy dê neh đơs dipal, song dơ pă, tơl làm sền song tàm bơta geh ngan, đơs di bơta geh ngan. Kuơmàng là neh mblàng sền jrô ơnàng ngan tu\ tơngai [ươn mờ bơta lòng bơta pràn, bơta ờ jak, bơta pràn krơi is, tu\ tơngai niam uă ngan mờ bơta [ươn tàm pơrlòng bơh [òn lơgar dê, kơnòl broă gùng dà broă lơh dipal mờ bơta geh ngan gơcèng bơta gơtùi lơh jăt ngan ngồn ai tơngai lơh broă tus in, geh tu\ là ai jơh bal gùt tu\ tơngai tus nam 2030 in, mờ wèt sền tus nam 2045. Ồng Nguyễn Phú Trọng Tổng Bí thư, Chủ tịch lơgar đơs: Bơta pơnrơ bơh ală Jơnau yal chính trị dơ\ do dê là ndrờm đơs uă tus gơnoar broă đơng lam bồ tơl làm bơh Đảng dê; lơh jrô ơnàng, wil tơl rlau broă lơh bơ\t bơtàu, lơh niam wơl Đảng, broă lơh tam dră rơcăng sơndră sa kuề sa kùa, pơhì pơhà, ờ niam. Jơnau yal sền tìs di bơh ală kấp ủy dê neh tơngo\ nùs nhơm chính trị, bơta tam lơh, nùs nhơm sền tìs di is mờ sền tìs di, sòl pơnđàng is, lơh tam gơl is, gi\t wa\ kờ` tam gơl niam, song dơ pă, pơndềt să, dòn song, geh kơnòl, ờ huan geh uă bơta duh rơngòt ir, pleh.

Tổng Bí thư, Chủ tịch lơgar ồng Nguyễn Phú Trọng đơs tàm Pơrjum

Broă lơh kuang bàng pơrjum dờng geh uă tam gơl. Kuang bàng geh rơcăng nền nòn tàm jơh ală broă, pơgồp bơnah tơnguh uă bơta niam kuang bàng kấp ủy ală kấp mờ rơcăng ai kuang bàng kấp dà lơgar in. Ală jơnau mpờl go\ hòi jà, jòi sră pồ sền bal geh bơsong, bơta tăc blơi gơnoar broă ờ niam, [òn lơgar, bơta kuơ mpồl neh gơmù uă ngan. Broă lơh bơyai lơh pơrjum dờng geh lơh niam, dờng màng, geh uă tam gơl pa, di jơnau sồr, di mờ bơta geh ngan, tơngo\ nùs nhơm jơh nùs tă pơgồp jơnau đơs, tam klăc bal.

Bulah gam bàr pe bơta ờ hềt pràn jak, mơya sền bal gơtùi đơs nền Pơrjum dờng ală kấp tơngai lơh broă bơh nam 2020- 2025 neh lơh geh cồng nha niam bơne\, lơh geh jơnau kờ` neh ai tơlik, lời wơl ală tềl kah pơnrơ mờ nùs nhơm niam bơne\ tàm kuang bàng, đảng viên mờ làng bol. Nàng lơh geh cồng nha hơ\, ngan là neh geh bơta đơng lam, sồr lam tơl làm bơh Bộ Chính trị, Ban Bí thư dê gờ` ai ngui kơrnoat sồr sồ 35 bal mờ dùl ròt sră nggal sồr lam, bơto pơlam di tu\, dùl ròt bal. Ồng Nguyễn Phú Trọng đơs nền, bơta kuơmàng ngan hơ\ là bơta tam klăc bal, tơrgùm bal pràn, dùl nùs bal bơh jơh gùt Đảng, gùt ling klàng, gùt làng bol mờ ală anih lơh broă chính trị dê, bơta pin dờn dùl nùs bal bơh kuang bàng, đảng viên mờ làng bol gùt lơgar dê.

Jăt ồng Nguyễn Phú Trọng Tổng Bí thư, Chủ tịch lơgar đơs, cồng nha lơh geh bơh pơrjum dờng ală kấp tơngai lơh broă lài dê hơ\ là bơta pràn, bồ tơngoh jak bơh jơh gùt đảng, gùt làng bol, gùt ling klàng mờ bol he neh rơcăng lài jơh nùs ngan mờ lơh sùm tàm mờr dùl tơngai lơh broă pa do, đòm jăt ală mờng chài kuơmàng bơh ală tơngai lơh broă lài. Pơrjum dờng dơ\ 13 bơh Đảng dê mờr tus rềp, nam 2020 mờr jơh, broă gam uă, dờng ngan, kơn jơ\ mờ kal ke gơ sồr bol he pal lơh ngan pơđơl pràn rlau tai, jơh nùs mờ lơh broă krà` cê, geh cồng nha rlau tai. Ồng Nguyễn Phú Trọng, đơs: Mờ bơta mờng chài mờ jơnau bơsram ai geh bơh broă lơh rơcăng bơyai lơh pơrjum dờng Đảng bộ ală kấp bal mờ cồng nha bơh Pơrjum gùt lơgar dơ\ do dê, ală kấp ủy, mpồl đảng pal kơlôi sơnơng, cribơyai jrô ơnàng, mblàng yal, bơto yal làm uă nàng pơgồp bơnah lơh gơs, tơnguh uă cồng nha lơh broă bơh kấp ủy dê, mơkung là bơnàng jă nàng ai ală tơngai lơh broă pơn jăt tai in, ală rơnàng kuang bàng đơng lam bồ tơnơ\ in lùp bơsram đòm jăt, tàm pơdờn mờ bơtàu tơnguh nàng lơh broă lơh do ngai sơlơ niam rlau.

Tổng Bí thư, Chủ tịch lơgar ồng Nguyễn Phú Trọng đơs pơndu\t Pơrjum

Đơs sùm bơta kuơmàng bơh Pơrjum dờng dơ\ do dê bal mờ bơta tus bal bơh ală kuang bàng đơng lam tờm bơh Đảng, Dà lơgar dê, kuang bàng đơng lam bồ ală sở, gah sơnah lơh broă dà lơgar, ală tiah, ală kuang bàng đơng lam bồ tờm kuơmàng bơh mpồl ling, kuang àng dê, Tổng Bí thư, Chủ tịch lơgar sồt tơl nă cau pal tơnguh uă nùs nhơm geh kơnòl tềng đăp Đảng, tềng đăp dà lơgar, tềng đăp làng bol bơh bơta lơh krơh mờ mờng chài bơh pơrjum dờng ală kấp, jơh nùs kơ\ dơn nùs nhơm tam dră jơnau jòi tu\ tơngai niam, hòi jà is, đah mpồl, bơta kuơ mpồl tàm broă lơh kuang bàng, bơsong ală mpồl cau, cau dùl nă să lơh tìs, kơrhia ngan mờ jơnau jòi kai kơrmơi kờ` lơh aniai bơh bol gơjra` kơuềng mờ tu\ tơngai [ươn chính trị dê.    

Cau cih VOV 1- Cau mblàng Lơ Mu K’Yến