VOV4.K’ho - Lơgar Việt Nam là lơgar geh uă cồng nha bè ring bal cau klao mờ cau ùr, ơm dơ\ 68 tàm 166 lơgar bè khà tơnguh bơtàu cau klao mờ cau ùr. Ală broă lơh ngan bơh lơgar Việt Nam neh geh mpồl bơtiàn dunia dờp, đơs là 1 tàm 10 lơgar lơh jăt niam ngan jăt jơnau kờ` sồ 5 bè broă chồl pràn ring bal cau klao mờ cau ùr mờ jào gơnoar ai jơh cau ùr, kơnòm ùr dềt tàm jơnau kờ` tơnguh bơtàu kơl jăp bơh Liên hợp quốc dê.

Nhai lơh broă tài ring bal cau klao mờ cau ùr nam do neh geh lam sồr tàm gùt lơgar mờ tơngu me “Tơn jơh tam lơh pù pờng gơwèt mờ cau ùr mờ kơnòm dềt” dùl dơ\ tai pà go\ broă lơh ngan bơh lơgar Việt Nam dê tàm broă sền gàr cau ùr mờ kơnòm ùr dềt tàm mpồl bơtiàn tu\ do.

Bơh uă nam do, Đảng mờ Dà lơgar he geh sền gròi tus mờ bơta ring bal cau klao mờ cau ùr, ai tơl bơta niam nàng cau ùr in geh tìp mờ tus bal tàm ală gah broă bè rài kis, lơh sa, mpồl bơtiàn. Bơh tu\ hơ\, tơn jơh bơta ờ ndrờm bal bè cau klao mờ cau ùr, tàm hơ\ uă ngan là tàm gah lơh broă, broă lơh, sền gàr bơta pràn kơl dang să jan, bơto bơtê mờ bơsram.

Bơta geh pơnrơ ngan tàm broă lơh jăt jơnau ring bal cau klao mờ cau ùr tàm lơgar Việt Nam tu\ do là broă lơh gơs adăt boh lam, ai tơl bơta niam nàng cau ùr in geh tìp mờ tus bal uă rơlao tàm rài kis chính trị, lơh sa, bơta chài rơgơi, mpồl bơtiàn.

Mùl màl bè khà cau ùr lơh sa kă bro geh rơlao 27% tàm nam 2017, uă ngan tàm tiah Đông Nam Á mờ ơm dơ\ 7 tàm khà ală lơgar geh uă cau lơh sa kă bro là cau ùr. Kuơ màng, tàm Quốc hội tơngai lơh broă tu\ do geh rơlao 27% kuang bàng là cau ùr, uă rơlao 19% tàm châu Á mờ 21% mờ bơta bè kờp bal gùt plau ù dê.

Mơya, tam lơh pù pờng tàm tơngu me cau klao mờ cau ùr gam là dùl bơta tơlòng dờng màng ngan tàm lơgar Việt Nam. Thứ trưởng Bộ Lao động, Thương binh mờ Xã hội mò Nguyễn Thị Hà đơs là, nàng bơsong broă ờ ndrờm bal cau klao mờ cau ùr, broă tơl^k ală broă lơh, adăt boh lam pal geh bal mờ kơnòl mờ broă lơh ngan bơh ală anih lơh broă geh gơnoar lơh jăt tàm mùl màl.

Bơdìh hơ\ tai, pal sền kuơ broă tam pà jơnau g^t wă, jơnau ngăc ngar mờ tơnguh gơnoar rơcang lài, niam bơh ală anih lơh broă yal tơng^t tàm broă tam pà, jòi geh broă dong kờl nàng bơsong broă tam lơh pù pờng, sơgràm aniai.

Broă ală anih lơh broă, mpồl lơh broă tàm lơgar bal mờ dunia geh uă broă lơh, uă bơta nàng wèt tus nhai lơh broă nam do geh sền bè dùl jơnau đơs pràn kơl dang ai jơnau hơ tus bal tơn jơh tam lơh, pù pờng gơwèt mờ cau ùr mờ kơnòm ùr dềt tàm lơgar he.

Mpồl cau ùr ală cấp neh lơh ăt uă broă lơh niam nàng lam sồr bè lơh jăt jơnau ring bal cau klao mờ cau ùr bè rơcang sơndră mờ tam lơh pù pờng hìu nhă tàm mpồl bơtiàn, bè “Mè bèp kơnòm bơsram rơcang sơndră mờ tam lơh pù pờng hìu nhă”, “Cau klao lam lài tàm broă rơcang sơndră tam lơh pù pờng gơwèt mờ cau ùr bal mờ kơnòm dềt”... hòi jà geh gal làng bol tus bal.

Mpồl đoàn ơruh pơnu kung tus bal nền nòn ngan. Bi Lê Quốc Phong Bí thư dơ\ dùl Đoàn ơruh pơnu Cộng sản Hồ Chí Minh Dà lơgar đơs: Đoàn mpồl tam klăc ơruh pơnu lơgar Việt Nam sùm sền kuơ broă tus bal tàm bơta ring bal cau klao mờ cau ùr là kơnòl tòm.

Tàm ală broă lơh, bơh đoàn, mpồl dê ndrờm geh wèt tus mờ broă tơnguh broă lam sồr tơnguh gơnoar bơh ală cau ùr đoàn viên ơruh pơnu, dong kờl cau ùr ơruh pơnu uă tiah tàm gùt lơgar, tàm hơ\ uă ngan là ală kơnòm ùr dềt kis tàm tiah sar lơgar ngài. Mờ pơgồp bal mờ ală anih lơh broă bơyai lơh ală broă nàng tơnguh uă jơnau g^t wă bè ring bal cau klao mờ cau ùr. Bi Lê Quốc Anh pà g^t:

-Bol a` bơyai lơh ală dơ\ cri bơyai nàng bol a` gơtùi đơs tus mờ ală jơnau kơlôi anih lơh broă geh gơnoar nàng lơh gơs ală cơ chế broă dong kờl ală kơnòm dềt in. Bol a`  kung tus bal tàm broă lơh bơh Uỷ ban dà lơgar kơnòm dềt Việt Nam tàm broă lơh jăt sồ 111 mờ sền broă lơh đoàn tàm ală tiah là dùl tàm ală anih geh go\ mhar di tu\ jơh ală cau gơrềng bal tus mờ broă sơgràm aniai kơnòm dềt.

Mờ bơta tu\ do, kờ` lơh geh jăt mờ jơnau kờ` ring bal cau klao mờ cau ùr, mò Nguyễn Thị Hà, Thứ trưởng Bộ Lao động,Thương binh mờ Xã hội đơs là:

-Nàng lơh geh jơnau kờ` ring bal cau klao mờ cau ùr, mùl màl là dùl broă lơh jo\ jòng den tàng pal lơh ngan uă rơlao tai jơh ală mpồl chính trị bal mờ mpồl bơtiàn. Tàm hơ\, broă tơl^k ală broă dong kờl adăt boh lam pal geh bal mờ kơnòl bal mờ broă lơh ngan bơh anih lơh broă geh gơnoar tàm broă lơh jăt adăt boh lam mùl màl tus tàm rài kis.

Bơdìh hơ\ tai, pal sền kuơ tus mờ gơnoar niam, rơcang lài bơh ală anih lơh broă yal tơng^t tàm broă tam gơl nùs nhơm ờs mờng, ală jơnau ờ niam gơrềng tus mờ bơta ring bal cau klao mờ cau ùr bal mờ tam lơh pù pờng cau klao mờ cau ùr. Kuơ màng rơlao, să tòm cau ùr bal mờ kơnòm dềt pal rơcang tàm broă tam pà broă jòi geh broă dong kờl nàng bơsong ală broă tam lơh pù pờng, sơgràm aniai.

Nhai lơh broă tài bơta ring bal cau klao mờ cau ùr bal mờ rơcang sơndră mờ tam lơh, pù pờng tàm tơngu me cau klao mờ cau ùr nam do geh lơh jăt mờ bơta kuơ là dùl broă lơh yal tơng^t cấp dà lơgar nàng tơnguh uă jơnau g^t wă, hòi jà broă tus bal, rơcang lài, ndrờm bal bơh ală anih lơh broă, mpồl lơh broă bal mờ ală làng bol.

Kuơ màng, cau klao  pal là mpồl cau lam lài, mpồl cau tờm, rơcang lài nàng bal mờ ală anih lơh broă geh gơnoar bal mờ mpồl bơtiàn tàm broă rơcang sơndră mờ tam lơh pù pờng gơwèt mờ cau ùr mờ kơnòm dềt, tàm hơ\ uă ngan là cau ùr mờ kơnòm dềt kis tàm tiah kơh bơnơm, tiah `hoa,  tiah làng bol kòn cau.

Cau mblàng Ndong Brawl