VOV4.K’ho – Tu\ gam kis, Chủ tịch Hồ Chí Minh là cau ờ kờ` bơta pơnhừ să, Bác Hồ đơs lah krà` ngan bơta lơh broă ờ ngan ngồn bơh kuang bàng, cau geh đảng dê kung bè mpồl lơi geh bơta bè do. Gơwèt mờ srơh tàm pơr lòng kờ` gơboh dà lơgar kung bè hơ\ sơl. {uơn go\ ngan tu\ do ală srơh tàm pơr lòng tàm ală kấp uă tu\ gam cèng bơta ờ ngan ngồn, kung gam bơta dră wơl mờ broă “lam lơh mơya ờ lơh jat ngan ngồn”, “lơh broă ờ tus gùng tus dà”. Kuơ màng, gam geh ờ uă kuang bàng, công chức gam geh uă bơta pơ hề pơ hà, ờ lơh krơh mờ ờ geh kơnòl mờ làng bol. Den tàng, tàm pơr lòng lơh jat niam chài tàm anih lơh broă, nùs nhơm lơh broă, jơh nùs jơh tồr drơng broă làng bol in, drơng broă dà lơgar in là dùl tàm ală jơnau sồr, kơnòl tàm tơngai tu\ do.

Jat nùs nhơm sơnơng bơh Hồ Chí Minh dê, tàm pơr lòng là broă lơh kuơ màng nàng bơt bơtàu kòn bơnus pa mờ pal geh lơh sùm pah ngai. Tàm pơr lòng kờ` gơboh dà lơgar gơ jat bal mờ pà khà jờng dipal là bơta pràn dong bơtàu tơnguh dà lơgar. Lơh jat jơnau hòi jà bơh Bác Hồ dê, 71 nam do, uă srơh tàm pơr lòng kờ` gơboh dà lơgar neh pơn jờng, bơtàu tơnguh nùs nhơm kờ` gơboh dà lơgar, bồ tơngoh jak bơh cau Việt Nam dê. Bulah lơh geh uă cồng nha kuơ màng, mơya tàm uă tiah, tàm pơr lòng gam gơtìp gơ rềng tài bơh nùs nhơm sền ờ sơp, tam cah mpồl, ờ hềt lơh gơlik bơta pràn pơn jờng nùs nhơm mờ bơta pràn tàm bơrlu\ bal, tàm pơr lòng ờ hềt ngan ngồn gơ gơs bơta kuơ màng nàng lam lơh kơnòl bơtàu tơnguh lơh sa - mpồl bơtìan. Phó Giáo sư, Tiến sỹ Lê Quốc Lý, Phó Kuang atbồ Học viện Chính trị dà lơgar Hồ Chí Minh đơs là: pah tu\ tơngkah ngai tàm pơr lòng kờ` gơboh dà lơgar là tu\ nàng gùt Đảng, gùt ling klàng mờ gùt làng bol he tam gơl wơl, sền sơwì, sền gròi di nàng ờ geh jơnau “ pơr lòng tàm pơr lòng”, “pơr lòng cồng nha”: Dilah bol he lơh tus gùng tus dà mờ sền gròi nền nòn mờ cồng nha tàm pơr lòng hơ\ pal lơh gơlik cồng nha lơi, phan bơna lơi, gơtùi đo was ngan ngồn, ờ di là bơta bal bal, ờ loh làng, ờ di là ală jơnau yal tàm sră. Mờ pal go\ tàm pơr lòng cèng wơl mpồl bal in ală bơta lơi. Cèng wơl làng bol in ală bơta lơi. Dùl tiah đơs tàm pơr lòng niam den tiah hơ\ pal pas sơm, pal bơtàu tơnguh, làng bol pal chờ hờp rlau, mpồl bơtiàn ờ geh cau tìs, ờ geh broă lơh tìs. Tu\ do tàm pơr lòng mơya mpồl bal hơ\ kung gam ờ pràn, ờ bơtàu tơnguh, kung ờ geh bơta lơi tam gơl den ndrờm mìng là jơnau đơs lơm.

Lơh jat jơnau bơto sồr Bác Hồ dê, tơngai lài, mpồl công chức, viên chức ngai sơlơ lơh gơs mờ wèt tus bơta mờng chài, bơta chài boh bơr neh geh ală bơta tam gơl loh làng ngan. Mơya ngan ngồn kung gam tàm tiah lơi hơ\ 2, 3 nă kuang bàng, công chức gam uă nùs nhơm pơ hề pơ hà, ờ geh kơnòl mờ làng bol, geh jơnau đơs, broă lơh ờ niam, ờ ki ngàm cau atbồ, ờ ring bal mờ cau kấp hơ đơm, lơh gơbàn ờ suk tàm làng bol. Bơta do ai go\, tàm pơr lòng lơh jat niam chài tàm anih lơh broă, nùs nhơm lơh broă, jơh nùs jơh tồr drơng làng bol, drơng dà lơgar in là jơnau sồr, kơnòl tàm tơngai tu\ do. Phó Giáo sư, Tiến ỹ Phạm Văn Tình, Kuang atbồ mpồl gơnoar crih Mpồl bơsram dà đơs Việt Nam đơs tờm: Lơh broă hành chính, công chức pal geh niam chài bơh bơr gơ in dipal, tài do là 1 bơta ai go\ bồ tơngoh bơsram sră, nùs nhơm kung bè bơta chài boh bơr, lơh broă bơh dùl nă cau ala mat anih lơh broă dà lơgar dê. Ală bơta niam chài boh bơr bè tàm sơnđan tu\ boh bơr, niam chài đơs gơwèt mờ ală cau ơm tàm bơta ndrờm bal. Sùm den dùl nă cau geh mờng chài pal lơh jat: pơn yơu bè tu\ lùp còp pal đơs bè lơi, geh bơta ki ngàm mờ đơs di mờ bơta tàm broă lơh; tàm tu\ bơh bơr den sồr pal geh bơta niam chài đơs dipal.

Tàm dơ\ lam lơh Srơh tàm pơr lòng “Kuang bàng, công chức, viên chức tàm pơr lòng lơh jat niam chài tàm anih lơh broă” pa geh lơh, Thủ tướng Nguyễn Xuân Phúc, Chủ tịch Hội đồng tàm pơr lòng – pà khà jờng dà lơgar neh sồr kuang bàng, công nhân viên chức ờ go\ di sang broă, ờ go\ di sơ mờm tơl giây, tơl phuk, tơl kak priă dia bơh làng bol dê. Lơh jat ngan ngồn lơh broă jơh jiơ, lơh broă, sang te\ bơta mờng quèng “Àng drim ìa zu lòt, mho ìa rê wơl”. Thủ tướng đơs tờm “Kờ` pal sang te\ mơ bơta mờng quèng ờ git ntrờn, bơta mờng quèng tu\ dà guh tih tus tềng jơng hơ\ sồng sơn đoh, bơta mờng kơp pal tơngkah den hơ\ sồng lơh, ờ tơngkah kung ờ lơh sơl mơya lơh lơyài tàm broă bơsong ală kơnòl geh jàu mờ làng bol, anih lơh broă gam kơp gơn”.

Jat Bí thư Tỉnh ủy Đồng Tháp, ồng Lê Minh Hoan đơs, tơl nă cau tu\ neh là kuang bàng, công chức dà lơgar den pal tam gơl is să tờm he dê gơ gơs là cau lam lài, bơceh pa, sùm jơh nùs tài bơta kuơ bơh làng bol, bơh mpồl lơh sa kă bro dê. Tàm tơl gơ noar broă mờ bơta lơh broă he dê, pal sùm lơh ngan lơh gơs kơ nòl broă geh jàu, lơh gơlik bơta pin dờn mờ rềp mềr bơh kuang đơng lam bồ mờ cau lơh broă bal mờ làng bol. Kuơ màng, bơta mờng chài tàm anih lơh broă ai go\ tàm bơta mờng chài boh bơr, lơh broă mờ at bồ, cau lơh broă bal mờ cau kấp hơ đơm, git bè bơta chài lam lơh broă mờ lơh gơs broă geh jàu. Ồng Lê Minh Hoan đơs là: Niam chài tàm anih lơh broă ờ gơtùi rồn bơ klơn mờ kơrnuat lơh broă hành chính ờs mờng mờ ală jơnau cih, jơnau sồr tàm anih lơh broă. Niam chài tàm anih lơh broă pal geh tơr gùm, gơ rề tàm kuang đơng lam bồ bơh anih lơh broă hơ\ dê. Là jơh tu\ tơngai kơ\ dơn, bơt bơtàu, bơtàu tơnguh nàng tơl nă kuang bàng công chức git tơl làm mờ rơcang lài lơh jat. Nàng ală bơta kuơ niam, gơguh jak bơh niam chài tàm anih lơh broă dê hời rơ hời gơ mut tàm tơl nă cau, tơl anih bơh mpồl kuang bàng công chức dê. Kờ` gơtùi lơh jat mờ cèng bơta kơ\ kơljap den cau atbồ anih lơh broă pal git loh tơl làm ală bơta kuơ mờ git mblàng wơl tus tơl nă cau in nàng git lơh jat is.

Niam chài tàm anih lơh broă ờ gơtùi đo, was, kờp tơn, mờ geh lơh gơs bơh tàm jơnau git wă tơl nă cau dê, lơh gơlik bơta pin dờn, bơta kuơ, bơta pràn chul chồl, niam chài boh bơr, lơh broă bơh tơl nă cau dê. Lơh gơs niam chài boh bơr, lơh broă bơh cau kuang bàng công chức mờng chài, jơh nùs, lam lài bơceh pa tài làng bol mờ drơng lơh. Lam lơh niam srơh kuang bàng, công chức, viên chức tàm pơr lòng lơh jat niam chài tàm anih lơh broă kung là lơh jat jơnau bơto sồr bơh Bác Hồ dê bè “Tryăng tryồng - tềm pềr – sàng kloh – song dơpă”.

Cau mblàng K’Duẩn