VOV4.K’ho – Jat Kơrnoat sồ 306 bơh Kuang gơs gơnăp gơnoar atbồ hơđang rlau jơh dà lơgar dê bè tơnguh khà priă ai càn gơ wèt tus mờ hìu bơnhă lơh sa, kă bro tàm tiah kal ke pa geh Kuang gơs gơnăp gơnoar atbồ hơđang rlau jơh dà lơgar dê ki\, bơh ngai 15/03/2016, khà priă ai càn gơ wèt tus mờ dùl hìu bơnhă lơh sa, kă bro uă ngan rlau jơh là 50 tơlak priă ala tài lài do geh càn uă ngan rlau jơh là 30 tơlak priă.

Tàm bàr pe nă cau ngan ngồn, khà priă càn bơh dùl hìu bơnhă dê digơlan gơguh tus rlau 50 tơlak priă, Kuang gơs gơnăp gơnoar atbồ hơđang rlau jơh dà lơgar jàu Anih priă jền dong kờl cau r[ah in jat tàm pràn jak priă jền, jơnau kờn bơcri priă mờ pràn jak tơm dồs bơh hìu lơh sa, kă bro dê nàng ai khà priă càn ngan ngồn, mơya ờ go\ di uă rlau ir 100 tơlak priă.

Bơdìh mờ ală bơta pal geh, là: Cau càn priă pal geh rơndăp broă lơh halà broă rơndăp lơh sa, kă bro geh Anih duh broă làng bol ntum tiah mu\t lơh rơndăp broă lơh halà broă rơndăp lơh sa, kă bro dê ki\; cau càn priă pal geh pràn jak lơh broă làng bol wil tơl; cau càn priă mùl ơm kis dipal mờ adat boh lam tàm tiah mu\t lơh rơndăp broă lơh halà broă rơndăp lơh sa, kă bro, gơ wèt mờ ală hìu bơnhă lơh sa, kă bro geh jơnau kờn càn priă rlau 50 tơlak, gam pal: Geh priă geh is (tàm hơ\: Priă phan bơna, gơnoar ngui ù, cau lơh broă mờ priă jền bơcri lơh sa) lơh bal e\t ngan rlau jơh ndrờm mờ 20% kờp jơh jơnau kờn priă lơh broă bơh rơndăp broă lơh halà broă rơndăp lơh sa, kă bro dê; hơ pơrgon ngui priă jền geh bơh priă càn nàng lơh priă jền hơ dồs tơm priă càn.

Kơrnoat kung tơnguh khà priă ai càn cih tàm Bơta 10, Kơrnoat sồ 31 bơh Kuang gơs gơnăp gơnoar atbồ hơđang rlau jơh dà lơgar dê ki\ ngai 05/03/2007 bè priă ai càn gơ wèt tus mờ hìu bơnhă lơh sa, kă bro tàm tiah kal ke. Mùl màl, cau càn priă tus 50 tơlak priă ờ duh pal lơh jơnau hơ pơrgon tơm dồs priă càn. Cau càn priă bơh rlau 50 tơlak priă pal mu\t lơh tơl jơnau hơ pơrgon tơm dồs priă càn mờ priă jền lơh geh bơh priă càn jat jơnau cih bơh adat boh lam dê bè càn priă hơ tơm jơh dồs.

Kơrnoat ngui ală bơnah priă càn geh ki\ sră càn pa kờp bơh ngai 15/03/2016, ờ mu\t lơh ai càn bơtơl gơ wèt tus mờ dồs priă càn lài do bơh sră càn neh ki\ lài mờ tơngai tơnguh khà priă ai càn jat kơrnoat do dê.

Cau cih mờ yal tơngi\t- Lơ Mu K’ Yến