VOV4.K’ho- Jăt jơnau cih ai tơl khà rƀah uă gah tơngai bơh nam 2021- 2025 tàm Kơrnoăt sồ 07 bơh Cíñ phủ dê, khà tơl khà rƀah bơh tiah ƀòn lơgar dê gơguh bơh 700 rbô đong tus 1 tơlak 500 rbô đong dùl nhai, jăt mờ hơ̆, khà Dà lơgar dong kờl tă blơi is Bảo hiểm Xã hội mờ priă tă blơi is Bảo hiểm Xã hội êt ngan rlau jơh nam 2022 kung gơguh jăt bal sơl. Jăt jơnau cih ai bơh Adat Bảo hiểm Xã hội dê, khà priă tă blơi is Bảo hiểm Xã hội pah nhai ndrờm mờ 22% khà priă lơh geh pah nhai bơh cau blơi is Bảo hiểm Xã hội dê săc rwah.

Bè hơ̆, bơh ngai 01/01/2022, khà priă tă blơi is Bảo hiểm Xã hội lơyah ngan rlau jơh là 330 rbô đong dùl nhai. Gơguh 176 rbô đong dùl nhai pơndrờm mờ khà priă tă blơi is Bảo hiểm Xã hội bơh nam 2021 dê. Mờ khà dong kờl priă tă blơi bơh Dà lơgar dê gơwèt mờ cau blơi is Bảo hiểm Xã hội kung gơguh jăt bal sơl. Jăt mờ hơ̆, gơwèt mờ cau blơi là cau hìu rƀah, priă dong kờl gơguh bơh 46 rbô 200 đong tus 99 rbô đong dùl nhai, khà priă dong kờl hìu mờr ndrờm bè hìu rƀah gơguh bơh 38 rbô 500 đong tus 82 rbô 500 đong dùl nhai. Cau ndai geh priă dong kờl gơguh bơh 15 rbô 400 đong tus 33 rbô đong dùl nhai.

    Cau mblàng Lơ Mu K’Yến