VOV4.K’ho - Bal mờ broă lơh jăt gơnoar, kơnòl gùng dră bal, mpồl kuang bàng tàm Gơnoar ala măt dà lơgar càr Dak Nông neh sền gròi uă ngan tus mờ broă sền gròi lơh jăt adăt gùng lòt ù gờl tus mờ ală anih lơh broă geh gơnoar bal mờ làmg bol tàm càr do. Broă lơh do neh pơgồp bal tàm broă càr niam ờ do ờ dă tàm gùng lòt, tơmù rềs àr tàm gùng lòt mờ sền gàr broă lơh gùng.

Tàm ală dơ\ tìp mờ cau te\ khà tàm tơngao pa do, mpồl kuang bàng tàm Gơnoar ala măt dà lơgar càr Dak Nông neh sền kuơ broă lơh jăt adăt gùng lòt ù gờl bơh ală anih lơh broă geh gơnoar mờ làng bol tàm càr do dê. Do geh sền là broă pal lơh tềng đăp mờ rềs àr tàm gùng 14 tơnguh mờ broă lơh tàm ală anih k^ `jơ\ rơndeh pơn diang phan lòt tàm gùng tàm càr Dak Nông gơl^k geh kal ke. Bè broă do, tàm dơ\ tìp mờ cau te\ khà ntum Tâm Thắng, kơnhoàl Cư\ Ju\t pa do, cau te\ khà Nguyễn Thị Hoài geh jơnau đơs: “Cau te\ khà bol a` dan mờ mpồl kuang bàng tàm Gơnoar ala măt dà lơgar càr kung bè mpồl duh broă al amăt làng bol ală kơnă pal sền gròi nền nòn broă lơh jăt adăt boh lam niam ờ do ờ dă tàm gùng lòt tàm ală gơl gùng, tàm hơ\ uă ngan là tàm gùng 14. Tài lài ngan, là gàr niam ờ do ờ dă tàm gùng lòt. Dơ\ 2 tai là gàr broă lơh g^t nđờ tơmàn priă dà lơgar bơcri, pal sền gròi nền nòn ba` ai rơndeh pơn diang phan `jơ\ ir lơh tơrlah gùng do. Cau te\ khà bol a` den g^t là, tơl nă cau ndrờm lơh jăt broă lòt tàm gùng di mờ adătboh lam, ờ di là ngòt lơh glài mờ kuơ màng ngan là gàr niam ờ do ờ dă să tòm in tu\ lòt tàm gùng”.

Yal mờ mpồl kuang bàng sền gròi, ồng Trần Thế Quang, kuang atbồ anih duh broă làng bol ntum Tâm Thắng, kơnhoàl Cư\ Ju\t pà g^t, ntum do g^t là ntum bơh sơnrờp mu\t càr Dak Nông dê, mờ rơlao 5 kơi sồ gùng14 lòt gan, gùng lòt gơl^k uă kal ke den tàng lơh broă lam sồr, yal, bơto bơtê adăt boh lam ờ bơta niam ờ do ờ dă tàm gùng lòt mờ uă broă lơh. Ồng Trần Thế Quang đơs: “Gơwèt mờ ntum do, neh lam sồr bơh tàm ală loa pờ tơl^k jơnau đơs, hơ\ sồng bơh ală dơ\ pơrjum làng bol [òn lơgar, broă lơh ală mpồl lơh broă dê, ală gah lơh broă kờ` tơnguh broă lam sồr làng bol lơh jăt nền nòn adăt boh lam bè niam ờ do ờ dă tàm gùng lòt ù gờl. Sền kuơ ală mpồl cau di gơlan gơtìp tìs tàm gùng lòt sùm, bè klao pơnu, kơnòm pa tào, kơnòm bơsram kờ` lam sồr, kơnờm mờ hơ\, broă lòt tàm gùng làng bol dê kung neh niam. A` g^t là tu\ do, làng bol lòt tàm gùng neh g^t tàm broă lòt gùng, broă ndao sơgơn gàr bồ neh tam gơl uă ngan, ală cau lòt rê lơyaì, ờ hoan lòt jờl, lòt ờ di gùng, bơta chài rơgơi gùng lòt neh niam”.

Jăt Trung tá Hoàng Văn Hùng, kuang jăt jơng atbồ gah kuang àng kơnhoàl Cư\ Ju\t yal, rềs àr tàm gùng lòt geh tơmù ờ uă ngan di lah tơl nă làng bol ndrờm g^t lơh jăt nền nòn adăt gùng lòt ù gờl. Trung tá Hoàng Văn Hùng ai cơng tàng là, tàm ală dơ\ rềs àr tàm gùng lòt gơl^k geh ndrờm geh tìs mờ adăt boh lam bè bơta niam ờ do ờ dă tàm gùng lòt. Bè nùs nhơm, kơnòl mpồl cảnh sát sền gàr gùng lòt tàm broă lơh jăt kơnòl, Trung tá Hoàng Văn Hùng đơs: “Bơdìh mờ broă chồl pràn broă lam sồr, tơnguh jơnau g^t wă làng bo, in, den mpồl kuang àng kơnhoàl tơnguh broă sền gròi, lơh glài nền nòn ală cau lơi tìs, ală tìs mờ di gơlan gơl^k geh rềs àr tàm gùng lòt bè bơ`ul `ô, lòt jờl ir mờ ală tìs ndai tai lơh gơl^k geh rềs àr. Bơh tàm broă pơgồp bal bơh lam sồr mờ broă lòt sền gròi, lơh glài tàm kơnhoàl dê, neh tơnguh jơnau g^t wă tàm làng bol kung bè tơmù rềs àr tàm gùng lòt. Bơh bồ nam tus tu\ do, kơnhoàl Cư\ Ju\t mìng rơ\p gơl^k geh 3 dơ\ rềs àr, lơh 2 nă cau chơ\t, 4 nă cau sồt să. Gơmù 1 dơ\ 2 nă cau chơ\t jăt mờ nam lài”.

Bơta mờ ală kuang bàng tàm Gơnoar ala măt dà lơgar càr Dak Nông bal mờ ală cau te\ khà sền gròi ngan là broă lơh jăt adăt gùng lòt ù gờl geh nền nòn lah ờ tàm ală anih k^ rơndeh dờng pơn diang phan `jơ\ ir tàm gùng 14. Tài kờ` rơndeh pơn diang phan `jơ\ ir lòt gan anih k^ ờ mìng lơh gơtìp rềs àr tàm gùng lòt tơnguh, mờ broă lơh gùng 14 jơh g^t nđờ rơbô tơmàn priă bơh dà lơgar dê mhar gơtìp tơrlah. Cau te\ khà tơl^k nùs nhơm ờ su\k ơm bè broă tàm nam 2014, ală tìs bè dờp priă sa kuề mờ gàr ai rơndeh pơn diang phan `jơ\ ir lòt gan anih k^ sồ 56 mpồl kuang bàng lơh broă lùp sền gùng lòt càr Dak Nông. Thiếu tá Nguyễn Công Long, kuang jăt jơng atbồ anih lơh broă cảnh sát sền gàr gùng lòt, kuang àng càr Dak Nông pà g^t, càr Dak Nông gam lơh niam wơl broă do: “Tơnơ\ mờ tu\ lơh jăt nền nòn broă lơh glài rơndeh pơn diang phan `jơ\ ir den broă tìs bè rơndeh pơn diang phan `jơ\ ir neh gơmù uă ngan jăt mờ tơngai. Mùl màl lài do, khà tìs bơh 10 tus 20%. Mơya tu\ do, bol a` k^, khà rơndeh tìs bơh 5 tus 10% khà tìs mơ. Kuơ màng rơlao tai, lài do, tàm broă lơh, geh ờ uă rơndeh tìs, tơrgùm tàm 2 bồ anih k^ kờ` lòt gan gơs jăt mpồl. Mơya tu\ do, bol a` lơh jăt nền nòn ngan broă k^ rơndeh do, bu\ lah ală rơndeh sơlèt bol a` kung pal lơh glài”.

Sền gròi broă lơh jăt adăt boh lam đơs bal, lơh jăt adăt gùng lòt ù gờl đơs is là broă geh kuơ màng ngan mờ mpồl kuang bàng tàm Gơnoar ala măt dà lơgar càr Dak Nông gam sền kuơ. Broă lơh do neh mờ gam pơgồp bal tàm broă càr niam ờ do ờ dă tàm gùng lòt càr Dak Nông dê.

Cau cih mờ yal tơng^t Ndong Brawl