VOV4.K’ho – Tàm dơ\ pơrjum Thường trực Chính phủ iat jơnau yal bè jơnau sồr ai tơlik gùng dà broă lơh bơcri pria\ Broă lơh jơnau kờ` dà lơgar bơtàu tơnguh lơh sa – mpồl bơtìan tiah làng bol kòn cau mờ tiah kơh bơ nơm tơngai bơh nam 2021 tus nam 2030, Thủ tướng Nguyễn Xuân Phúc đơs là, do là dùl tàm 3 broă lơh jơnau kờ` dà lơgar dờng ngan, ai tơnggo\ nùs nhơm, kơ nòl broă gơ wèt tus mờ làng bol kòn cau, nàng làng bol kòn cau in geh rài kis phan bơna, nùs nhơm niam rlau.

Thủ tướng đơs loh jơnau sồr ờ ndrờm bal gơ wèt mờ 2 Broă lơh jơnau kờ` dà lơgar bè bơt bơtàu [òn lơgar pa mờ tơrmù r[ah kơ\ kơljap. Broă lơh pal tơr gùm tàm broă dong kờl broă lơh sa, bơtàu tơnguh rài kis bơh làng bol kòn cau dê in. Pal kờp sền nền nòn lài mờ tu\ tơlik kơrnuat bơcri pria\ gơ wèt tus mờ ală broă lơh bơt bơtàu phan bơna ndai bè ồs đèng, gùng lòt, hìu bơsram, hìu sơ nơm.. mìng bơcri pria\ ai ală broă lơh ngan ngồn kươmàng mờ ờ hềt geh tă pria\ lơh lài do.

Cau mblàng K’Duẩn