VOV4.K’ho-Ală nam do, bal mờ lơh jat niam kơnòl broă lơh broă lơh sa, lơh niam broă sền gàr dà lơgar mờ bơta lơngăp lơngai tàm ù tiah nhàr lơgar gơ wèt kơnhoàl Tuy Đức, càr Dăk Nông, Trung đoàn 720 gơ wèt Binh đoàn 16 neh pơgồp bơnah kơ\ kơl jăp rài kis ai gi\t nđờ rhiang hìu làng bol kòn cau Mông in. Tus tu\ do, jơh ală làng bol ndrờm geh hìu đam, ù lơh sa, broă lơh geh sùm, oh kòn geh lòt bơsram niam, să jan geh sền gàr niam, lơh geh bơta bơtàu tơnguh bè jơh ală bơta ai kơnhoàl ù tiah nhàr lơgar bơh Dà lơgar dê in.

Nam 2002 lài do, bi Giàng A Vảng bal mờ hìu bơnhă ntrờ` ơm kis bơh tiah đah tô dà lơgar mu\t tàm [òn Sín Chải, xã Đăk Ngo, kơnhoàl Tuy Đức, càr Dăk Nông nàng ơm kis lơh broă sa.

                             Trung đoàn 720 dong làng bol tam kơphê cèng wơl cồng nha uă

Tơngai sơnrờp ờ geh hìu ơm, ờ geh ù lơh sa, mờr jơ\t nă cau tàm hìu bơnhă mìng kơ\p kơnờm jơh lơm tàm broă lòt brê jòi phan sa mờ lòt lơh broă apah…

Rài kis hìu bơnhă bi Vảng dê sơnđờm tam gơl kờp bơh nam 2004, geh kuang bàng mờ cau ling tàm Trung đoàn 720 jà rê ơm kis tàm tiah lơh sa- sền gàr dà lơgar Bản Sín Chải, xã Dăk Ngo, kơnhoàl Tuy Đức, càr Dăk Nông. Hìu bơnhă bi geh pà 2 lồ ù lơh sa, 4 sàu ù ơm mờ ù sươn nàng geh anih ơm lơh sa kơ\ dùl bă tiah. Trung đoàn gam dong kờl priă lơh sa, pà sơntìl kơphê, tờm điều sơntìl mờ pơlam bơta chài nàng hìu bơnhă gơtùi sơrlèt gan brồ guh is tàm rài kis…

Tơnơ\ uă nam geh dong kờl, bơto pơlam jơh ală bơta, bi Vảng tu\ do neh gơ gơs là cau lơh broă sa jak, bal mờ sươn kơphê lơh geh mờr 4 tấn kơphê gar tàm dùl lồ dùl nam. Bi Giàng A Vảng, yal.

Hìu bơnhă a` mờ làng bol cau Mông bol a` mu\t tàm do bơh ală nam 2002 mờ rài kis bòl glar kal ke ngan, mơya neh geh cau ling tàm Trung đoàn 720 pà ù mờ bơto bơta chài lơh sa, sơngka sền gàr ală tờm chi tam, tờm điều, tờm kơphê den tàng rài kis làng bol bol a` dê tam gơl uă ngan, geh bàr pe hìu bơnhă den lơh hìu mờ blơi geh rơndeh ô tô, geh rài kis bè tu\ do bol a` ưn ngài ngan Trung đoàn 720.

Đại tá Nguyễn Đình Tụ, Kuang atbồ Trung đoàn 720 pà gi\t: Tus tu\ do Trung đoàn 720 neh lam lòt rồ ù tiah, tam pa rlau 1 rbô lồ chi jo\ nam; rơndăp tăp sèng, ai ơm kis mờ lơh geh broă lơh sùm ai rlau 1 rbô hìu bơnhă làng bol in, tàm hơ\ geh 449 hìu bơnhă là làng bol kòn cau ơm kis bơh yau dùl bă tiah, làng bol kòn cau Mông ntrờ` ơm kis bơh ală càr đah tô mu\t. Tiah do neh gơ gơs 12 [òn làng bol ơm kis pơgồp bal mờ ală mpồl lơh sa, gàr tơl niam rài kis làng bol in, gàr kơ\ bơta lơngăp lơngai chính trị, rơndăp tăp sèng ờdo ờdă gùt mpồl bơtiàn.

Cồng nha dờng ngan rlau jơh bơh rơndăp broă lơh Trung đoàn 720, Binh đoàn 16 dê là kơnòl rơndăp tăp sèng ai ơm kis kơ\ kơl jăp làng bol in tàm ù tiah dờng màng tàm tiah sar lơgar ngài, tiah làng bol kòn cau. Lơh jat gùng dà broă lơh ờ tu\ lơi tam gơl bơh Đảng dê tàm tu\ đơng lam, jơnau sồr mpồl ling klàng lơh sa pơgồp bal mờ sền gàr dà lơgar tàm ù tiah kuơmàng, tus tu\ do rài kis làng bol dê tàm tiah rơndăp broă lơh kơ\ kơl jăp, lơh sa bơtàu tơnguh, rài kis phan bơna mờ nùs nhơm ngai sơlơ geh tơnguh uă tai.

                              Ală cau ling dong làng bol lơh gùng

Bal mờ broă dong kờl làng bol bơtàu tơnguh lơh sa, broă sền gàr pràn kơldang să jan làng bol in kung sùm geh Trung đoàn 720 sền gròi uă ngan. Pah nam, Trung đoàn neh pơgồp bal mờ Hìu sơnơm ling klàng làng bol lơh bal 16 bơyai lơh kham kòp, pà sơnơm ờ sa priă, pà phan ai ală hìu bơnhă chính sách, làng bol kòn cau geh rài kis kal ke in…Mơkung geh broă lơh mblàng yal bè gùng dà broă lơh bơh Đảng dê, kơrnoat boh lam Dà lơgar dê; mblàng yal rài kis niam chài pa; sền gàr kloh niam, rcăng sơndră ală kòp bơtờp…Đại úy, bác sĩ Nguyễn Văn Đăng, Hìu sơnơm ling klàng làng bol lơh bal 16 gơ wèt Binh đoàn 16 pà git.

Rài kis làng bol tàm do den kung kal ke ngan sơl, bơta nàng geh tus kham sơm kòp là ờ huan geh ngan, tu\ kham sơm kòp ai làng bol kòn cau in kung bè hìu bơnhă chính sách in kung sền bè là dùl dơ\ nàng kham sơm kòp ờs mờng pah dơ\ ai làng bol in.

Ờ mìng jak tàm gah tề lam bơtàu tơnguh lơh sa- mpồl bơtiàn, dong làng bol tơn jơh jơgloh tơrmù r[ah lơm, ală nam do, kuang bàng, cau ling Trung đoàn 720, Binh đoàn 16 gam lơh niam ngan broă lơh pơlam tàp broă ling klàng mờ mpồl ling rcăng gàr is; rcăng lòt làm bă tiah sền gàr ală broă kuơmàng geh jàu; rơndăp tăp sèng gơ gơs ală anih, ală tiah gàr niam ù tiah [òn lơgar kuơmàng nàng lơh sa mơkung rcăng tam lơh sơl…Bal mờ bơta geh mat bơh Trung đoàn dê, kềng gah nhàr lơgar Dăk Ngo, Tuy Đức, Dăk Nông gam gơ gơs là dùl sèng tiah nhàr lơgar brê bơnơm, kơ\ kơl jăp bè lơh sa, kơ\ kơl jăp bè sền gàr lơngăp lơngai tiah nhàr lơgar bơh dà lơgar dê.

Cau mblàng Lơ Mu K’Yến