Pơnjat tai yal  tơnggit bè tơnggu me jơnau cih tàm adat ù tiah nam 2013, geh ai ngui ngan ngồn bơh ngai 01 nhai 07 nam 2014, jơnau ngai do, geh yal tai bè jơnau cih tơngai ngui ù.

Cau ngui ù geh ngui ù jo\ jòng tàm ală tu\ lơi.

Jat jơnau cih tàm bơta 125 adat ù tiah nam 2013, den cau ngui ù geh ngui ù jo\ jòng tàm ală tu\ tơ nơ\ do:

Ù ơm bơh hìu nhă, cau 1 nă să ngui;

Ù lơh sa suơn sre bơh bòn làng bol ơm kis ngui geh cih tàm sèng 3, bơta 131 adat ù tiah nam 2013;

Ù brê rơcang gàr bồ tô, ù brê kuơ màng, ù brê lơh broă sa là brê geh is;

Ù kă bro, lơh broă drơn ala, ù lơh anih lơh sa ờ di suơn sre bơh hìu nhă, cau 1 nă să gam ngui kơ\ kơljap mờ ờ di là ù geh dà lơgar jàu geh tơngai pơr gon, ai ơpah;

Ù lơh anih lơh broă, tàm hơ\ geh ù lơh anih lơh broă dà lơgar, mpồl lơh broă gùng dră bal, mpồl lơh broă gùng dră bal mpồl bơtiàn, ù lơh hìu lơh broă bơh mpồl lơh broă dà lơgar ờ hềt lơh tờm is bè priă jền, tàm hơ\ geh ù lơh ală broă lơh di ală gah mờ ală broă bè lơh sa, chài rơ gơi, mpồl bơtiàn, lơh sơ nơm, bơto bơtê mờ bơsram, tàp pràn să jan, khoa học công nghệ, tiah ơm kis, cribơyai broă mờ lơgar ndai mờ ală broă lơh ndai;

Ù gam ngui tàm jơnau kờ` sền gàr dà lơgar, sền gàr ngap lơngai;

Ù lơh hìu duh broă ỳang, hìu jum, tàm hơ\ geh ù di hìu phờk, hìu jum, hìu rac yàng, ù lơh hìu bơsram is gah jat ỳang dê, hìu lơh broă bơh mpồl jat yàng, ală anih ndai bơh gah jat ỳang dê geh dà lơgar ai gơnoar lơh broă.

Ù pin dờn.

Ù lơh gùng lòt, bơ tơt rơ bòng dà, ù geh tiah tềl kah yau, chài rơ gơi, tiah niam geh pơn rơ, ù lơh ală broă lơh ndai ờ di là kă bro.

Ù lơh blàng tơp bồ].

Ù mpồl lơh sa ngui tài tam gơl jơnau kờ` ngui bơh ù ờ di lơh sa suơn sre ngui kơ\ kơljap jo\ jòng gơs ù ờ di lơh sa suơn sre geh tơngai pơr gon, halà bơh ù ờ di lơh sa suơn sre ngui geh tơngai pơr gon gơs ù ờ di lơh sa suơn sre ngui kơ\ kơljap jo\ jòng mờ ù geh ngui jo\ jòng.

Tu\ lơi cih ù ngui geh tơngai pơr gon.

Jat bơta 126, adat ù tiah nam 2013, tơngai jàu ù, dờp gơnoar ngui ù lơh sa suơn sre tus mờ hìu nhă, cau 1 nă să lơh sa suơn sre tơn là 50 nam. Tu\ jơh tơngai, hìu nhă, cau 1 nă să lơh sa suơn sre tơn dilah geh jơnau kờ` den geh gơnuar pơnjat tai ngui ù jat tơngai geh cih tàm sèng do.

Tơngai ai ơpah ù lơh sa suơn sre tus mờ hìu nhă, cau 1 nă să ờ rlau 50 nam. Tu\ jơh tơngai ơpah ù, hìu nhă, cau 1 nă să dilah geh jơnau kờ` den geh dà lơgar sền sơ wì pơnjat tai ai ơpah ù;

Tơngai jàu ù, ai ơpah  ù tus mờ mpồl lơh broă nàng ngui tàm jơnau kờ` lơh sa suơn sre, brê bơ nơm, ròng tam phan tàm dà, lơh boh, mpồl bal, hìu nhă, cau 1 nă să nàng ngui tàm jơnau kờ` kă bro, lơh broă drơng ala, lơh anih lơh broă ờ di lơh sa suơn sre, mpồl lơh broă nàng mut lơh ală rơndap broă bơcri priă, cau Việt Nam ơm kis tàm lơgar ndai, mpồl lơh sa kă bro geh priă bơcri bơh lơgar ndai nàng mut lơh ală rơndap broă bơcri priă tàm lơgar Việt Nam geh sền sơ wì, tơlik kơrnuat bơh rơndap broă bơcri halà sră dăn jàu ù, ơpah ù mơya ờ rlau 50 nam.

Mờ rơndap broă geh priă bơcri uă mơya ai wơl priă bơcri lơyài, rơndap broă bơcri priă tàm tiah geh broă lơh sa mpồl bơtiàn kal ke, uă kal ke mờ kờ` geh tơngai jo\ rlau den tơngai jàu ù, ai ơpah ù ờ rlau 70 nam; mờ rơndap broă kă bro hìu ơm nàng tac halà nàng tac pơ gồp bal mờ ai ơpah, halà nàng ai ơpah blơi, den tơngai jàu ù  cau tờm bơcri priă in geh dờp git jat tơngai bơh rơndap broă dê, cau blơi hìu ơm gơ jat mờ gơnoar ngui ù geh ngui ù jo\ jòng;

Tu\ jơh tơngai, cau ngui ù dilah kờ` ngui tai, den dà lơgar sền tơngai ngui ù mơya ờ rlau mờ tơngai geh cih tàm sèng do.;

Tơngai ai ơpah ù di ù lơh sa suơn sre ngui nàng drơng bơta kuơ mpồl bơtiàn bơh ntum, sơnah bòn, bòn drà là rlau 50 nam.

Tơngai jàu ù, ai ơpah ù geh kờp bơh ngai geh kơrnuat jàu ù, ai ơpah ù bơh anih lơh broă geh gơnoar dê.

                                                                        Cau mblàng K’ Duẩn.