VOV4.K’ho - Tàm Tây Nguyên, kòp dun neh geh tu\ là kòp ngòt rơngơ\t ngan bơh làng bol kis tàm ală [òn dê. Ală cau gơbàn kòp dun ndrờm gơbàn cau ndai sền ngòt gơtòp mờ tam cah is mờ mpồl bơtiàn. Mơya tu\ do, kơnờm mờ broă rơcang sơndră mờ kòp dun lơh geh cồng nha, ală cau neh geh tu\ gơbàn kòp dun neh gơtùi kis bal mờ [òn lơgar. Kơnhoàl Cư\ Sê, càr Gia Lai là dùl tàm ală tiah lơh jăt niam broă sơndră mờ kòp dun bơh tàm ală tiah.

Ồng Đinh Gác, kòn cau Bơnhàr, kis tàm [òn Quái, xã Bờ Ngoong, kơnhoàl Cư\ Sê, càr Gia Lai nam do neh rơlao 80 sơnam. Ồng gơbàn kòp dun rơlao 50 nam lài mờ gơbàn làng bol tàm [òn tam cah is, pleh ngài, tàm g^t nđờ jơ\t nam tơn. Tơnơ\ mờ tu\ dà lơgar geh tơnklàs, ală nam nhai gơbàn tam cah is hơ\ sồng tơn jơh tu\ ồng geh ală y bác sĩ tàm [òn sơm bời kòp ngòt rơngơ\t do.

Bu\ lah bơta kòp tê jê să gam gơbàn, mơya ồng neh gơtùi kis chờ hờp, tơrgùm bal mờ mpồl bơtiàn, jòi bao, deh kòn. Tus tu\ do, ồng gam sùm geh ală y bác sĩ tàm xã mờ kơnhoàl tus còp, kham, pà sơnơm sùm, den tàng bu\ lah sơnam neh kra, mơya să jan ồng gam pràn niam:

-A` ưn ngài ală y bác sĩ uă ngan. Kơnờm mờ ală y bác sĩ mờ a` neh sơm bời kòp mờ gam geh còp să, kham kòp mờ pà sơnơm sùm. Dà lơgar kung geh broă dong kờl priă pah nhai, rài kis a` dê nam pa do niam, bơta pràn kơl dang să jan niam. Mờ kơ\p kờ` geh dong kờl uă rơlao bè sơnơm.

{òn Jri, xã Bờ Ngoong gam geh sơnđan là [òn dun, tài tàm [òn do neh geh tu\ là geh uă ngan cau gơbàn kòp do. Kung bè uă [òn dun ndai, lài do làng bol gơbàn tam cah is, pleh ngài, mơya tu\ do den ală cau neh gơtùi kis tơrgùm bal tu\ neh geh sơm bời kòp.

Rơlao 10 nă cau ùr dờng sơnam kis tàm [òn kung gam gơbàn ală bơta kòp tê jê să, geh cau lu\t jơh nao tê, nao jơng, roh jơh muh, bu\ lah bè hơ\, mờ broă sền gròi bơh gơnoar atbồ, gah lơh broă geh gơnoar bal mờ mpồl bơtiàn, ală cau do gam kis chờ hờp, niam.

Mò Đinh Hok, kis tàm [òn Jri pà g^t, ală broă dong kờl bơh dà lơgar ai làng bol kòn cau, ai cau koe\t kơl te, cau gơbàn kòp dun neh geh dong kờl làng bol niam tàm rài kis:

-A` gơbàn kòp dun bơh dềt mờ gơbàn jroă ngan, hơ\ sồng geh ală y bác sĩ sơm, sơm ờ sa priă, ờ roh priă dùl đông lơi. Tus tu\ do ndrờm neh bời kòp, mờ geh Dà lơgar dong kờl tàm broă lơh sa tai, bol a` ndrờm kis niam. Ưn ngài ală y bác sĩ, ưn ngài Dà lơgar neh dong kờl cau kòp bè bol a`.

Ồng Phạm Đình Liện, kuang atbồ hìu sơnơm xã Bờ Ngoong, kơnhoàl Cư\ Sê, càr Gia Lai pà g^t, kòp dun tàm xã neh sơm bời mờ neh kơrian geh. Bu\ lah bè hơ\, gah lơh sơnơm gam pal sền ngăc rơcang lài. Tàm 2 “{òn dun” xã dê, broă lam sồr mờ kham rơwah gam geh bơyai lơh sùm kờ` gờ` go\ mờ sơm kòp aia lă cau gơbàn kòp in:

-Bol a` bơto pơlam jơh ai ală mpồl, gah lơh broă tàm [òn in bè kuang atbồ [òn, kra [òn, cau lơh sơnơm [òn, cau lơh sơnơm xã in g^t bè bơta tơngo\ kòp dun kờ` geh rơcang sơndră niam. Bol a` kung pơgồp bal mờ anih rơcang sơndră mờ tam dră mờ kòp mpồl bơtiàn càr bal mờ hìu sơnơm Tuy Hoà, pah nam kung tus kham rơwah jơh gùt làng bol kờ` go\ gờ` cau kòp dun.

Jăt ồng Nguyễn Đức Bảy, Phó kuang atbồ hìu sơnơm kơnhoàl Cư\ Sê, càr Gia Lai yal, bơh broă kham rơwah, pah nam tàm kơnhoàl go\ tai 2, 3 nă cau gơbàn kòp dun. Geh broă rơcang lài, lơh ngan den tàng ală cau gơbàn do ndrờm geh go\ gờ` mờ mhar geh sơm bời. Bơh tu\ hơ\, mpồl bơtiàn ờ gam ngòt kòp do tai, ai tơl bơta niam kờ` cau neh geh tu\ gơbàn kòp do kis tơrgùm bal:

-Ală nam 1980, 1990 rê hờ lài, cau gơbàn kòp dun mờng gơbàn tam cah is, sồr l^k ơm kis hờ bơdìh suơn ha là tàm brê ờ go\ di bè tu\ do neh bè ờs. bơh broă lam sồr bè kòp dun là dùl bơta kòp geh sơm bời, kal ke kờ` gơtòp, ờ hoan gơtòp, tàm mùl màl kal ke ngan kờ` gơtòp den tàng broă tìp bal mờ cau kòp dun tu\ do geh bal tàm hìu nhă kung đềt mềr bè ờs.

Broă sơndră mờ tam dră mờ kòp dun tàm kơnhoàl Cư\ Sê, càr Gia Lai neh geh lơh niam bơh tàm [òn lơgar. Kòp dun neh ờ gam là bơta kòp ngòt rơngơ\t mờ ală [òn kòp dun kung neh rơhời gơs ù tiah niam kờ` ală cau tus ơm kis mờ lơh broă sa. Oh kòn tàm ală [òn kòp dun geh bơsram sră niam mờ geh bơta niam kờ` ơm kis mờ lơh broă kung bè g^t nđờ cau ndai tàm mpồl bơtiàn.

Cau mblàng Ndong Brawl