VOV4.K’ho-Tiah nhơl chờ Tơnau dà Tuyền Lâm tàm [òn dờng Dà Làc, càr Lâm Đồng pa geh Thủ tướng Chính phủ ai ngui Kuêt định dờp là Tiah nhơl chờ Dà lơgar bơh sơn rờp tàm lơgar he. Mờ bơta niam brê bơnơm geh is bơh yau, trồ tiah mrềt niam sàng kloh ờ [ơ\ [ơl mờ ală broă drơng ala niam bơne\ mờ lơh gơkờn ngan cau, Tiah nhơl chờ Tơnau dà Tuyền Lâm là anih tus niam bơne\ ngan bơh năc lòt nhơl bơh tàm lơgar mờ bơh dunia dê.

Ngai mờ tiah tờm [òn dờng Dà Làc pơgăp 6 kơi sồ rê hờ đah jum, Tiah nhơl chờ Dà lơgar Tơnau dà Tuyền Lâm geh ù tiah ơnàng kờp jơh mờr 3 rbô lồ, tàm hơ\ uă ngan là brê nho mờ tơnau dà. Mờ trồ tiah sàng kloh, ờ [ơ\ [ơl, mrềt niam ngan gùt nam sùm, ù tiah brê bơnơm niam bơne\ lơh gơkờn ngan cau mờ ù tiah ngềt ngơ\t ngan, Tơnau dà Tuyền Lâm geh bơta pràn lơh gơkờn gơ wèt tus mờ năc lòt nhơl.

Tơnau dà Tuyền Lâm geh bă ù ơnàng jơh ală là mờr 3 rbô lồ, tàm hơ\ uă ngan là brê nho mờ tơnau dà

Bi Trần Văn Long tus bơh [òn dờng Hồ Chí Minh, sền go\ bè do:

“A` tus mờ Dà Làc neh uă dơ\ ngan, mơya do là dơ\ sơn rờp lòt nhơl chờ bè do, gơ lơh he in kờn ngan mờ pa ngan, krơi ngan. Kuơmàng, să tờm a` gơlơh kờn ngan ù tiah brê bơnơm geh is, den tàng bè hơ\ tiah nhơl chờ do sơlơ lơh he in geh dùl jơnau kờn lòt sền nàng gi\t niam bơne\ ngan”.

Bal mờ ù tiah brê bơnơm geh is, tàm do neh geh ală phan bơna drơng broă ala nhơl chờ uă ngan mờ li la ngan, bè: lòt còp sền ù tiah brê bơnơm, ơm rlô pràn să pas sơm pơgồp bal mờ pơrjum- cribơyai, tàp pràn să jan ngòt rơngơ\t, ală cáp trượt- ding trượt, [làng golf, đìh plung, đìh ơhò lòt sền ù tiah tềng hơđang mat tơnau dà, lơh sàl pơgồp bal mờ chài rơgơi cing mồng mờ nhơl chờ pin dờn đah huêng…

Ù tiah niam ngan, Tơnau dà Tuyền Lâm là tiah ơm rlô să niam ngan

Lòt còp Thiền Viện Trúc Lâm geh lơh rềp tềng tơnau dà Tuyền Lâm tơn, bi Nguyễn Thị Tuyết Lan, năc lòt nhơl tus bơh càr Đồng Nai, sền go\ bè do:

“Hìu Phờk do niam ngan mơkung là ù tiah nhơl chờ lòt còp tiơng pơnrơ ngan bơh Dà Làc dê, pah tu\ tus tàm do sền go\ gơlơh ngềt ngơ\t ngan. Ndrờm bè jơh ală dơ\ lơi tus Dà Làc, den a` mờ hìu bơnhă kung ndrờm lòt còp lơm hìu phờk do. Mờ jat a` sơnơng do là anih lòt còp pin dờn đah huềng mờ jơh ală năc lòt nhơl kung ndrờm kơ\p kờn lòt tus tàm do”.

Ờ mìng gơ wèt mờ năc lòt nhơl bơh tàm lơgar lơm gời ờ, mờ uă ngan năc lòt nhơl là cau lơgar ndai kung gơtìp gơhòi gơ jà sơl tài bơh bơta niam krơi is ngan bơh tiah nhơl chờ dà lơgar do dê. Ồng Marine Van Der Beek, năc lòt nhơl tus bơh lơgar Hà Lan sền go\ gơlơh kờn ngan tềng đap ù tiah niam ngan mờ lơh gơkờn ngan cau bơh Tiah nhơl chờ dà lơgar tơnau dà Tuyền Lâm.

“Tiah nhơl chờ Tơnau dà Tuyền Lâm do niam ngan mờ lơh gơkờn ngan cau, geh brê nho glòm gùt dar tơnau dà sàng kloh tơlir niam ngan, lơh geh nùs nhơm niam ngan tu\ tus lòt tus tàm tiah do. Bol a` geh gam pơn jat tai lòt tus tàm tiah nhơl chờ do tàm tơngai tus, tài bơh đơs ngan là ală broă drơng ala tàm do ndrờm geh lơh niam ngan”.

Tiah nhơl chờ do neh gơhòi gơ jà 37 rơndăp broă lơh bơ cri priă

Ngan ngồn mu\t lơh broă bơh nam 2004 lài do, tus tu\ do, Tiah nhơl chờ Dà lơgar Tơnau dà Tuyền Lâm tàm Dà Làc neh gơhòi gơ jà geh 37 rơndăp broă lơh bơcri priă, tàm hơ\ geh 10 rơndăp broă lơh neh ai ngui lơh broă kă bro mờ kờp jơh priă bơcri lơh là rlau 2.400 tơmàn. Tàm hơ\, Kông ti cổ phần Đầu tư mờ Phát triển Sacom là dùl tàm 10 nă cau bơcri priă geh rơndăp broă lơh gam lơh broă geh cồng nha. Jat ồng Đỗ Văn Trắc, Tổng giám đốc Chủ tịch Hội đồng quản trị Kông ti cổ phần Sacom- Tuyền Lâm, đơs: jơh ală 11 tiah lơh broă tàm rơndăp ù tiah tàm Tiah nhơl chờ Dà lơgar Tơnau dà Tuyền Lâm neh geh rơndăp tăp sèng, ai lơh niam ngan đah gơnoar broă ơm rlô pràn să mờ lòt còp, ơm rlô pràn să mờ nhơl chờ, lơh rài bồ tơngoh mờ ală broă drơng ala nhơl chờ jat khà tờm mờ ala tàm tơl bơnah bă ù mờ tàm tơl rơndăp broă lơh bơnah.

“Jat a` den gùng dà bal bơh gah nhơl chờ dê, kuơmàng là gơ wèt mờ năc lòt nhơl ờ mìng tàm Việt Nam lơm gời ờ mờ gam tàm tiah do mờ tàm dunia dê tai den khi ngai sơlơ kờn ngan ơm rlô pràn să pơgồp bal mờ pơrjum halà nhơl tàp pràn să jan. Tàm tu\ lòt nhơl tàm ală [òn dờng, den tiah lơi kung ndrờm gơ\p lơm, den tàng bè hơ\, jat a` kơlôi là, khi geh lòt nhơl tàm ală tiah geh ù tiah brê bơnơm niam bè Tơnau dà Tuyền Lâm”.

Mờ Kuêt định dờp Tiah nhơl chờ Tơnau dà Tuyền Lâm Dà Làc là Tiah nhơl chờ Dà lơgar, Thủ tướng Chính phủ sồr Ủy ban Nhân dân càr Lâm Đồng geh kơnòl mu\t lơh broă lam lơh, atbồ, ngui, bơtàu tơnguh tiah nhơl chờ dà lơgar bơh sơn rờp bơh lơgar Việt Nam dê jat di rơndăp ù tiah geh ki\ ai, mờ jat qui cê atbồ mờ bơto pơlam bơh {ộ Văn hoá, thể thao mờ du lịch dê.

Uă broă drơng ala nhơl chờ

Ồng Nguyễn Xuân Thành, Giám đốc Mpồl atbồ Tiah nhơl chờ tơnau dà Tuyền Lâm Dà Làc, pà gi\t:

“Ủy ban Nhân dân càr kung neh geh jơnau sồr sền sơ wì wơl bè bơta gơhòi gơ jà bơcri priă, rwah gờn ală cau bơcri priă nàng lơh bềng ală tiah gam wơl. Nàng lơh bè lơi bol he bơcri geh cồng nha, ngui bă ù geh cồng nha mơya kung sền gàr geh tiah ơm kis tai, lơh bè lơi chul chồl geh tiah nhơl chờ tơnau dà Tuyền Lâm mờ nhơl chờ bơh Dà Làc dê bơtàu tơnguh rlau tai. Bơta ndai, bơh tu\ do tus tơnơ\ do, càr kung geh ngui ală bơta pal jat, jat di adat boh lam sồr, geh lời te\ ală cau bơcri priă ờ geh bơta pràn jak, lơh broă ờ pràn”.

Pah nam, Tiah nhơl chờ Tơnau dà Tuyền Lâm gơhòi gơ jà pơgăp 2 tơlak nă năc lòt nhơl bơh tàm lơgar mờ năc bơh dunia tus còp, ơm rlô să; lơh geh broă lơh ai 1 rbô nă cau lơh broă in mờ tă pơgồp tàm kes priă dà lơgar in pơgăp 20 tơmàn priă. Mờ broă Thủ tướng Chính phủ geh kuêt định dờp Tiah nhơl chờ Tơnau dà Tuyền Lâm là Tiah nhơl chờ dà lơgar bơh sơn rờp, gah nhơl chờ Dà Làc, càr Lâm Đồng gam ơm tềng đap dùl tu\ tơngai niam bơtàu tơnguh pa!

Cau cih mờ yal tơngi\t- Lơ Mu K’ Yến