VOV4.K’ho - Jơnau yal bè broă rơlao 500 nă cau pơruh tàm kơnhoàl Krông Păc, càr Dak Lak gơbàn geh jơnau yal tơnjơh hợp đồng ờ hềt gơmù jơh, ală jơnau yal kung ndrờm bal bè bơta do neh lơh mpồl bơtiàn tàm càr Gia Lai ờ su\k ơm ngan. Bơta krơi is là tàm tu\ càr Dak Lak tơn jơh hợp đồng tài jơnkah cau pơgru, den càr Gia Lai pal tơn jơh hợp đồng tàm tu\ ờ tơl cau pơgru uă ngan. Broă tơn jơh hợp đồng gam lơh hìu bơsram bal mờ cau pơgru gơbàn uă kal ke ngan.

Hìu bơsram cấp 1 Nguyễn Thị Minh Khai, xã Ia Tô, kơnhoàl Ia Grai là 1 tàm ală hìu bơsram pal tơn jơh hợp đồng mờ ờ uă cau pơgru bu\ lah gam ờ tơl cau pơgru bơto.

           Pơgru bơto tàm hìu bơsram mầm non 22 nhai 12 pal bơto 2 ơdu\ tơnơ\ mờ cau pơgru gơtìp tơn jơh hợp đồng

Jăt ồng Trần Văn Thanh, kuang atbồ hìu bơsram yal, lài mờ tu\ càr Gia Lai, kơnhoàl Ia Grai đơng lam tơn jơh hợp đồng, hìu bơsram neh ờ tơl 1 nă cau pơgru, tu\ do pal tơn jơh hợp đồng 6 nă cau pơgru tai, broă ờ tơl cau pơgru bơto sơlơ uă ngan. Uă cau pơgru pal bơto 2 ơdu\ mờ di lah cau pơgru gơbàn kòp, den kơnòm bơsram pal ơm bơsram. Ồng Trần Văn Thanh đơs là, broă tơmù hợp đồng tàm tu\ do là ờ di pal mờ pal geh kơlôi sơnơng wơl:

-Broă tơmù biên chế kờ` tơmù khà cau sa priă nhai dà lơgar tài gal ir, bơta do den a` ring nùs bal. Mơya broă rơndăp he in pal geh kơlôi sonơng, tài tàm gah bơto bơtê geh kơnòm dềt den pal geh ơdu\ bơsram, kung bè gah lơh sơnơm, geh cau kòp den pal geh bác sĩ. Tu\ do he rơndăp bè lơi kờ` tơl ơduh\ bơsram geh 1 nă cau pơgru, lời ờ tơl cau pơgru bè do den kal ke ngan.

Broă tơn jơh hợp đòng gơwèt mờ cau pogru gơbàn uă tàm càr Gia Lai bơh bồ nhai 1 nam 2018. Kal ke rơlao jơh mờ kung là kai bôsram geh khà cau pơgru gơbàn tơn jơh hợp đồng uă ngan càr Gia Lai là bơsram mầm non.

                                    Broă tơn jơh hợp đồng lơh uă hìu bơsram tàm càr Gia Lai gơbàn kal ke

Tàm uă hìu bơsram, tơnơ\ mờ tu\ tơn jơh hợp đồng, kiuang bàng đơng lam hìu bơsram pal l^k bơto, khà cau pơgru gam tai pal dờp tus 2 ơdu\ bơto.

Bè tàm hìu bơsram Mẫu giáo 22 nhai 12, xã Ia Tô, kơnhoàl Ia Grai, tơnơ\ mờ tu\ 7 nă cau pơgru gơbàn tơn jơh hợp đồng, 11 nă cau pơgru gam tai, tàm hơ\ kờp jơh kuang đơng lam hìu bơsram pal dờp 21 ơdu\ bơto. Bơta do lơh ală cau pơgru gơbàn kal ke mờ glar bòl ngan kờ` bơto jo\ jòng tàm hìu bơsram. Pogru Nguyễn Thị Tuyết Nhung, bơto tàm hìu bơsram Mẫu giáo 22 nhai 12 xã Ia Tô, kơnhoàl Ia Grai pà g^t:

-Bơsram kỳ 2 pa do den gơbàn tơn jơh hợp đờng. Lài ngan moăt jrùng ngan tus mờ ală cau pơgru hợp đồng. Dơ\ 2 là tơl nă cau pơgru gam tai pal dờp 2 ơdu\, a` gơlơh kal ke ngan. Lòt bơto jơh ngai hơ\ sồng mang rê cih jơnau rơcang bơto gơbàn ờ ru ngan. Kơnòm bơsram den gam dềt, bơsram ndang mờ nhơl ndang, pal lơh uă phan nhơl kờ` ngui tàm broă bơto pah ngai. Bơto 2 ơdu\, dờp bal den a` gơlơh kal ke ngan.

Ồng Phạm Văn Đại, kuang atbồ Phòng Giáo dục mờ Đào tạo kơnhoàl Ia Grai pà g^t, tơnơ\ mờ tu\ lơh jăt broă tơn jơh hợp đồng gơwèt mờ ală cau pơgru, ală hìu bơsram tàm kơnhoàl Ia Grai tu\ do gơbàn ờ tơl rơlao 150 nă cau pơgru.

             Di lah cau pơgru gơbàn kòp den kơnòm bơsram tàm hìu bơsram cấp 1 Nguyễn Thị Minh Khai pal ơm tàm hìu

Broă pal tơn jơh hợp đồng gơwèt mờ ală cau pơgru, lơh broă bơto tàm ală hìu bơsram gơbàn uă ngan kal ke:

-Broă ờ tơl cau pơgru, ờ geh cau pơgru bơto den tàng 1 nă cau pơgru pal bơto 2 ơdu\. Geh uă hìu bơsram cấp 1 mờ mầm nòn den ală phó kuang atbồ hìu bơsram kung pal l^k bơto, den tàng kung lơh gơbàn ờ niam ngan tus mờ broă atbồ bal hìu bơsram dê. Broă tơn jơh bè do, mờ tơngai ờ jo\, bơh tu\ do tus lồi nam gam 3 nhai tai kung là kal ke ngan gah bơto bơtê mờ bơsram bal mờ ală cau pơgru dê. Jơnau kơ\p kờ` kung dan mờ gơnoar atbồ ai hợp đồng kờ` tơmù kal ke, kung bè gàr niam bơta pràn kơl dang să jan cau pơgru dê tai.

Jăt ồng Huỳnh Minh Thuận, kuang atbồ Sở Giáo dục mờ Đào tạo càr Gia Lai yal, tus tàm ngùl nhai 3, neh geh 8 kơnhoàl, thị xã tàm càr do lơh gơs broă tơn jơh hợp đồng cau pơgru, mơya ờ hềt g^t khà mùl màl cau pơgru gơbàn tơn jơh hợp đồng. Jăt jơnau jòi sền kờ` g^t bơh cau ai jơnau tơng^t dê, mìng 2 kơnhoàl là Ia Grai mờ Cư\ Pưh, khà cau pơgru gơbàn tơn jơh hợp đồng neh tus rơlao 350 nă. Di lah kờp jơh gùt càr Gia Lai, di gơlan g^t nđờ rơbô nă cau pơgru neh jơh bơto.

Mblàng bè broă tơn jơh hợp đồng lài mờ tơngai gơwèt mờ cau pơgru gùt càr Gia lai dê, ồng Huỳnh Minh Thuận pà g^t, hơ\ là càr Gai Lai lơh jăt jơnau đơs du\t ndơl sồ 17 bơh Ban Bí thư mờ Nghị quyết sồ 19 bơh pơrjum dà lơgar 6 bè broă rơndăp wơl, tơmù biên chế. Di gơlan broă lơh bơh ală kơnhoàl tàm càr Gia Lai geh bơta lơi ờ di pal:

-Tơngu me kờ` lơh jăt jơnau đơs du\t ndơl sồ 17 kung bè Nghị quyết sồ 19 hơ\ là ai wơl, rơndăp wơl hìu bơsram, ai cau pơgru lơh bè lơi di pal mờ ngui geh cồng nha, pơn jăt tai tơnguh niam broă atbồ, bơto bơsram. Bè hơ\, broă lơh jăt pal geh rơndăp broă, tơngai lơh broă lài. Rơndăp broă lơh bè đah sở GD mờ ĐT neh pơlam ai càr Gai lai in ală broă lơh. Di gơlan ală kơnhoàl lơi lơh ờ di pal den geh g^t mờ ngui kờ` lơh jăt bè lơi di pal, gàr niam khà rơndăp broă jơnau đơs du\t ndơl sồ 17 kung bè Nghị quyết sồ 1 bơh Dà lơgar dê.

Broă lơh jăt ală jơnau đơng lam bơh dà lơgar tàm broă rơndăp wơl, tơmù biên chế là geh ngan. Mơya, mờ broă lơh gah bơto bơtê mờ bơsram tàm càr Gia Lai tu\ do, g^t nđờ rơhiang nă cau pơgru gơbàn roh broă ni sơna, tàm tu\ hơ\ g^t nđờ rơhiang hìu bơsram kung gơbàn ờ su\k ơm tài ờ tơl cau pơgru. Hìu bơsram bal mờ cau pơgru ndrờm kơ\p kờ`, gah bơto bơtê mờ bơsram bal mờ gơnoar atbồ ală kơnă tàm càr Gai Lai gờ` sền wơl, lơh niam wơl kờ` di pal.

Cau cih mờ yal tơng^t Ndong Brawl