VOV4.K’ho- Tàm Hà Nội, Bộ Nông nghiệp mờ Phát triển Nông thôn mờ Broă lơh bơtàu tơnguh Liên hợp quốc neh kĭ sră nggal rơndap broă “Sơlơ tơnguh bơta pràn sơndră kong jai mờ bơta trồ prang dờng soat dà bơh broă lơh sa suơn sre dềt mờ gàr tơl dà tài tam gơl trồ tiah tàm Tây Nguyên mờ tiah đah jum tàm gùl lơgar”. Dơ̆ kĭ geh bơta tus bal pờ tơlik tơn tàm internet bơh kuang đơng lam ală càr tàm tiah lam lơh rơndap broă, geh: Dak Lak, Dak Nông, Khánh Hòa, Ninh Thuận, Bình Thuận. Rơndap broă geh lam lơh bơh tŭ do tus nam 2026, ngui priă dong kờl bơtàu tơnguh ngan ngồn bơh kes priă trồ tiah tơlir bơh Broă lơh bơtàu tơnguh Liên hợp quốc.

Rơndap broă pơgồp bơnah tơnguh bơta tam gơl broă lơh sa bơh hìu bơnhă lơh broă sa, lơh broă sa lơyah tơngai, cèng bơta tam dră gơs ală broă lơh cèng bơta tơrgùm bal bơh broă atbồ dà. Kờp jơh priă bơcri bơh jơh gùt rơndap broă dê là rlau 30 tơlak 200 rbô dolar Mỹ. Rơndap broă geh cèng wơl bơta kuơ ai 222 rbô 400 nă làng bol in, kuơmàng là cau ùr mờ cau jơi bơtiàn kòn cau dùl êt nă cau tàm ală càr Dak Lak, Dak Nông, Bình Thuận mờ Ninh Thuận.

Cau mblàng K’Duẩn