VOV4.K’ho - Tây Nguyên geh bơta pràn bè lơh sa suơn sre, mơya bơta pràn hơ\ ờ hềt geh tơnguh tài phan lơh gơs ndrờm geh tăc tu\ ờ hềt lơh gơs phan bơna. Mơya broă ai ală phan lơh gơs tăc tàm anih kă bro gơtìp uă ngan kal ke tài gơrềng tus uă bơta, tàm hơ\ geh kơl dung ơn phan, bơka bơdìh kơl dung ơn phan, măt sơnđan phan kă bro…ndrờm là ală bơta mờ làng bol bal mờ anih lơh sa kă bro tàm Tây Nguyên ờ sền gròi. Den tàng, uă phan geh lơh gơs Tây Nguyên dê neh gơtìp kơ`ao măt sơnđan, den tàng kal ke ngan tu\ kờ` tơnguh uă anih kă bro. Bơta mùl màl do tus bơh broă ală anih lơh sa kă bro ờ hềt sền gròi di pal tus mờ adăt sền gàr măt phyan geh lơh gơs.

 Tàm càr Gia Lai tu\ do geh rơlao 3 rơbô anih lơh sa kă bro, mơya mìng rơ\p geh 165 anih lơh sa kă bro geh ai sră dờp sền gàr khà măt kă bro; 10 anih lơh sa dan bè bơta niam lơh sa mờ măy mo\k, ờ geh gal cau 1 nă să, mpồl lơh broă dan sền gàr gơnoar bơceh, broă lơh geh kuơ.

Ồng Trần Đông Lâm, kuang atbồ gah sền gàr broă lơh, Gah Khoa học mờ Công nghệ càr Gia Lai đơs là, ală anih lơh sa kă bro mìng sền kuơ tus broă prăp gàr khà kă bro là tài ờ hềt g^t loh bè adăt ngui sền gàr gơnoar ngăc ngar phan lơh geh jăk chài mờ nùs nhơm ngòt kal ke tàm broă lơh sră nggal, priă tă… Geh ờ uă anih lơh sa kă bro gam sền ờ sơ\p broă do tài ờ hềt g^t lài ală kal ke mờ anih lơh sa kă bro gơtìp tàm broă kă bro tu\ ờ dan sră ngui gơnoar ngăc ngar jăk chài, kung bè ờ hềt wă loh ală gơnoar mờ anih lơh sa kă bro geh dờp tu\ gơnoar sền gàr khà kă bro geh dờp. Geh uă anih lơh sa kă bro mờng kơ\p tus tu\ phan geh lơh gơtìp đòm, lơh ờ ngan tàm anih tăc den broă dan geh gơnoar prăp gàr hơ\ sồng mùl màl sền gròi, mơya tus tàm tu\ hơ\, anih lơh sa kă bro neh gơtìp hoàc huơr uă.

Ờ mìng cau 1 nă să is, anih lơh sa kă bro ờ g^t wă, ờ sền gròi tus mờ broă dan khà măt phan kă bro mờ tàm hơ\ geh bal càr Gia Lai kung gam ờ kah mờ lơh hoàc huơr is ală phan geh lơh kuơ màng tàm tiah do dê. Gia Lai là càr geh bơta kuơ mờ uă bơta phan geh lơh bơh broă lơh sa suơn sre geh khà niam bè: tiêu Cư\ Sê, kơphe Gia Lai, dà lơwe Gia Lai, bùm lô Lệ Cần, jrào Krông Pa… mơya tus tu\ do, boă lơh khà măt phan kă bro bal gam uă bơta kal ke. Tu\ do, tàm càr Gia Lai mìng rơ\p geh “Gar tiêu Cư\ Sê” geh dờp khà măt phan kă bro bal, gam “Jrào Krông Pa” gam tàm broă lơh gơs sră nggal kờ` dờp. Bu\ lah neh geh ală jơnau bơsram khà măt priă jền bè broă lời roh khà măt phan kă bro mìng tài lơyaì dan gơnoar ngui bơta ngăc ngar tàm ờ uă càr bè: khà măt phan kă bro kơphe Buôn Ma Thuột gơtìp geh tàm lơgar Lo, sơnơm yau Ama Kông gơtìp sơgràm ngui khà măt phan kă bro, tăc lềng làng tàm anih kă bro.

Mùl màl, broă dan geh sră gàr khà măt phan kă bro ờ mìng dong kờl anih lơh sa kă bro iang nùs bơcri priă lơh sa, tơnguh niam bơta kuơ phan kă bro tàm anih kă bro mờ gam dong kờl cau ngui sa pin dờn rơlao tu\ rơwah di phan mờ ờ ngòt phan ờ ngan, phan đòm. Kờ` pơgồp bal tàm broă tơnguh uă broă lam sồr, pơlam ngui bơta ngăc ngar bè gah ngui sền gàr gơnoar ngăc ngar lơh sa mờ măy mo\k, mờ dong kờl ală anih lơh sa kă bro, cau 1 nă să in wă rơlao bè ală sră nggal kuơ màng tu\ dan geh gơnoar ngui khà măt kă bro, Gah Khoa học mờ Công nghệ càr Gia lai neh l^p gơs sră bơto sồr bè broă dan khà măt kă bro, bơta niam lơh sa, broă bơceh, broă lơh geh kuơ. Bơdìh hơ\ tai, gah lơh broă do kung gam lơh sră nggal pơlam anih duh broă làng bol càr Gia Lai in tơl^k kơrnoăt bè broă dong kờl ală anih lơh sa kă bro, mpồl lơh broă, cau 1 nă să is neh geh ai sră dờp sền gàr geh dong kờl bơh 50% tus 100% khà priă dan lài ngan.

Cau mblàng Ndong Brawl