VOV4.K’ho - Jat kơrnuat geh cih bè kòn geh deh mờ bơta bơtờp tàm ống nghiệm mờ broa\ ai bun kơnờm tài broa\ lơh dong kờl kòn bơnus den ala\ ùr bơklau ờ gơtùi deh kòn geh gơnuar kơnờm cau ndai geh bun ngò tài bơta dong kờl kòn bơnus.

Kơnờm bun bà tài jơnau kờn lơh broă niam geh mu\t lơh tàm bơta pal jăt lơh is. Ùr bơklau jà cau kơ nờm bun bà, cau kơnờm bun bà, kơ nòm kòn se geh deh kơ nờm bơh kơ nờm bun bà geh sền gàr ờdo ờdă bè rài kis is, bơta ndơ\p ndơr is, ndơ\p ndơr hìu bơnhă mờ geh adăt boh lam sền dờng màng mờ sền gàr.

Kung jăt kơrnuat do sơl, anih kham sơm kòp geh gơnuar mu\t lơh bơta chài măi mok kơ nờm bun bà tài jơnau kờn lơh broă niam pal lơh geh tơl ală bơta pal geh tơ nơ\ do: Geh rlau dùl nam mờng chài tàm broă mu\t lơh bơta chài măi mok tơn deh kòn tàm ống nghiệm mờ kờp jơh dar tơngai tơndeh kòn tàm ống nghiệm tàm nam ê\t ngan la bơh 300 dơ\; ờ hềt lơh tìs kơrnuat boh lam tàm broă kham sơm kòp gơ rềng tus broă mu\t lơh bơta chài măi mok tơn deh kòn tàm ống nghiệm; lơh geh jơnau kờn mờ lơh geh bơta bươn tus làng bol in.

Kơrnuat kung cih loh 3 anih kham sơm kòp geh tơl bơta pal geh nàng mu\t lơh tơn bơta chài măi mok kơ nờm bun bà tài jơnau kờn lơh broă niam là Hìu sơnơm gah deh kòn Dà lơgar, Hìu sơnơm dờng Dà lơgar Huế; Hìu sơnơm gah deh kòn Từ Dũ, [òn dờng Hồ Chí Minh.

Tơ nơ\ dùl nam mu\t lơh kơrnuat do, jăt tàm ală bơta pal geh, geh cih, Kuang atbồ Gah Lơh sơ nơm dà lơgar geh ai kơrnuat bơtơl anih kham sơm kòp neh geh Gah Lơh sơnơm dà lơgar dờp geh mu\t lơh bơta chài măi mok tơndeh kòn tàm ống nghiệm geh gơnuar mu\t lơh bơta chài kơnờm bun bà tài jơnau kờn lơh broă niam bơdìh mờ pe hìu sơ nơm pa yal.

Kơrnuat cih, nàng geh mu\t lơh broă lơh do, ală ùr bơklau kơnền ờ gơtùi deh kòn pơyua sră dan mu\t lơh bơta chài măi mok kơnờm bun bà tài jơnau kờn lơh broă niam tus mờ anih kham sơm kòp geh gơnuar mu\t lơh bơta chài măi mok do.

Ală anih kham sơm kòp geh gơnuar mu\t lơh bơta chài măi mok geh sền sơ wì bơta dipal mờ adăt boh lam bơh sră dan anih kham sơm kòp mu\t lơh bơta chài măi mok kơnờm bun bà. Dilah gơjal ngan, gơtùi sền sơ wì sră tờm, sồr bơ tơl ală sră geh gơ rềng ndai, lùp tơn halà dan anih lơh broă kuang àng dong kờl bà, mơkung ko\ng kơnòl bè bơta dipal mờ adăt boh lam bơh sră nggal dê mờ bè broă lơh mờng chài, măi mok bơh anih he dê mu\t lơh.

Kơrnuat kung cih loh, ùr bơklau jà cau kơnờm bun bà mờ cau kơnờm bun bà kờn pal geh dong pơlam bè sơ nơm tơm ba, kơrnuat boh lam mờ nùs nhơm.

Bơta geh ngan ai go\, geh ală cau mè ờ gơtùi geh bun tài bơh uă jơnau mơya, kung gam geh sơl tăp mờ geh jơnau kờn deh kòn; geh ală cau geh bơta kòp tàm hìu kòn mờ ờ gơtùi geh bun, geh bal neh geh dong kờl deh dùh mờ kung dilah geh bun là gơtìp aniai ờ niam lơh gơklăc mhàm…

Broă bơ tơl kơrnuat cih bè broă kơ nờm bun bà tài jơnau kờ` lơh broă niam tơngo\ bơta bơ\t bơtàu bơto tơngkah kòn bơnus uă ngan, lơh geh jơnau kờn lơh mè lơh bèp dipal bơh ùr bơklau mờ cau pơ ùr ờ gơtùi geh bun mờ deh kòn bulah neh geh tu\ ngui bơta chài măi mok dong kờl deh dùh.

                                                }au mblàng Lơ Mu Kơ Yến.