VOV4.K’ho-17 nam là ùr đơng deh lơh broă tàm hìu sơnơm xã Ea Yiêng, kơnhoàl Krông Păch, càr Daklak, bi Nin, cau Sơdàng, neh ờ ngòt bòl glar kal ke bulah trồ tơngai halà trồ mìu, ngai halà mang bi kung ndrờm jơh nùs ngan tus dong pơlam nùs nhơm ai ală oh mi ùr in lài mờ tu\ tus ngai deh dùh, đơng deh ai ală cau mè deh kòn kal ke in, bơto pơlam broă sàu sa tơl pràn ai kòn se pa deh in…Tàm Pơrjum Cau ala mat gùt lơgar Mpồl cau lơh sơnơm kơnòm să Việt Nam dơ\ 3, tơngai lơh broă bơh nam 2015- 2020, bi Nin là dùl tàm 30 nă cau lơh sơnơm kơnòm să chờ hờp geh Pơrjum dờng jờng rơ là cau lơh sơnơm lơh broă tàm [òn lơgar pơnrơ jak geh cồng nha broă lơh jak ngan.

Nam 1999, tơnơ\ tu\ jơh bơsram hìu bơsram Trung cấp y tế càr Daklak, bi Nin rê lơh broă tàm hìu sơnơm xã Ea Yiêng. Do là xã r[ah ngan rlau jơh bơh kơnhoàl Krông Păch, càr Daklak dê, mờ uă ngan khà kờp làng bol là cau kòn cau. Xã r[ah, phan bơna kal ke, ngài mờ tiah tờm kơnhoàl rlau 30 kơi sồ. Kis tàm tiah sar lơgar ngài, kung lòt kal ke bòl glar, broă kham sơm kòp sền gàr pràn kơldang să jan, geh tu\ là màng kis làng bol dê kơnờm uă ngan tàm hìu sơnơm xã mờ ală ùr đơng deh [òn bè bi Nin.

Bi Nin ùr đơng deh lơh broă tàm Hìu sơnơm ntum Ea Yiêng, kơnhoàl Krông Pach, càr Daklak

Bơh uă nam lơh broă, bi Nin ờ gam kah tai là neh gi\t nđờ dơ\ dong klàs bơh bơta chơ\t ai gi\t nđờ nă cau ùr mờ kơnòm dềt in:

“A` đơng deh uă ngan, mơya a` kah ngan là geh 2 dơ\ đơng deh kal ke ngan. Bi hơ\ sơnđan là Y Đoan, lài mờ tu\ deh kòn, a` sền go\ bi hơ\ chơ\t yơh neh uă dơ\ ngan. A` jà hìu bơnhă mhar jun bi tus tàm hìu sơnơm kơnhoàl mơya ờ gơtùi. A` đơng deh mờ sền gàr kơria ngan, bơtuah ngan là cau mè neh kah wơl, kòn kung pràn sơl. Cau dơ\ bàr là cau mè sơnđan là Y Khuôn, hơ\ là dơ\ cau deh kòn sơlơ\u wơl. Sền go\ jơnau bè do là ngòt rơngơ\t ngan, a` bal mờ ală cau lơh sơnơm tùng cau mè pơndiang tềng rơndeh lơ òr nàng jun tus hìu sơnơm kơnhoàl, den ni sơna sền go\ gơ dô 2 nơm jơng đah bơdìh. A` neh đơng deh mờ dong klàs geh bơh bơta chơ\t ai jơh mè kòn ùr dềt hơ\ in”.

Bi Nin tàm hìu bi dê

Bơh ală broă lơh geh kơnòl uă ngan mờ bềng nùs kờn gơboh cau, bi Nin sùm geh làng bol ală kòn cau tàm xã Ea Yiêng pin dờn, kờn gơboh. Bi Y Sek, cau Sơdàng, pà gi\t:

“Broă đơng deh bơh bi Nin dê là a` sền dờng màng ngan. Bulah tàm [òn lơi, bulah trồ ngai halà trồ mang bi kung tus sơl. 2 nă kòn a` dê là bơh bi Nin đơng deh mờ sền gàr. Bulah deh kal ke halà bè ờs mơya bi ndrờm tus dong pơlam mờ dong kờl a`. Kơnờm geh bơta mờng chài, sền màng kis cau dê là dờng màng rlau jơh, bi Nin neh jak chài ngan tàm broă lơh. A` pin dờn ngan bi Nin…”

Bi A Mil, lài do là Kuang atbồ Hìu sơnơm xã Ea Yiêng, là cau sùm dong kờl bi Nin tàm broă lơh tàm uă nam do, pà gi\t:

“Lài do kal ke ngan, tàm [òn do ờ hềt geh ùr đơng deh. A` chờ hờp ngan hìu sơnơm xã geh dùl nă cau bè mlo\ Nin, ờ mìng jak tàm broă lơh mờ gam lơh broă jơh nùs ngan tai, geh kơnòl uă ngan nàng dong klàs bơh bơta chơ\t ai cau in. Tu\ do, hìu sơnơm xã kung neh geh dà lơgar bơcri priă lơh bàr pe bơta, pà phan ngui lơh broă, măy mok, geh cơldu\ kham kòp cau ùr; cau ùr tus kham bun ờs mờng. Jơh ală oh mi cau ùr deh kòn ờ go\ deh kòn tàm hìu is bè lài do tai”.

Tàm Pơrjum dờng dơ\ 3, tơngai lơh broă bơh nam 2015- 2020, bi Nin geh {ộ Y tế pà sră jờng rơ geh uă broă lơh jak ngan lơh geh sră jờng rơ cau lơh sơnơm kơnòm să lơh broă tàm [òn lơgar

Nhai 1 nam 2016, bi Nin chờ hờp geh {ộ trưởng {ộ Y tế pà Sră jờng rơ “Neh geh uă cồng nha lơh geh sră jờng rơ Cau lơh sơnơm kơnòm să lơh broă tàm [òn lơgar pơnrơ jak”. Gơ wèt mờ bi Nin, bơta chờ hờp dờng ngan rlau jơh là pơn jat tai lơh broă đơng deh [òn lơgar in, là dùl nă ùr đơng deh niam, kờn gơboh sền gàr niam ală rơnàng kơnòm dềt geh deh bơh tàm tiah sar lơgar ngài.                                                                                                 

Cau cih mờ yal tơngi\t- Lơ Mu K’ Yến