VOV4.K’ho- Tàm nhai 09/2021, Bộ trưởng, Kuang ătbồ Ủy ban Jơi bơtiàn kòn cau neh geh 2 kơrnoat tă 1 tơmàn 358 tơlak đong dong kờl ai làng bol jơi bơtiàn kòn cau rƀah mờ cau bơsram dờng Hìu bơsram rơcăng mŭt Đại học ƀòn dờng Hồ Chí Minh in bơtờp kòp Covid-19.

Tŭ do, Cơldŭ lơh broă ala măt Ủy ban Jơi bơtiàn kòn cau tàm ƀòn dờng Hồ Chí Minh gam jơh nùs bơto pơlam ală tiah tàm tiah ring đah jum măt tơngai lik dà lơgar bơyai lơh dong kờl di cau, di khà, di tŭ pơndờm pơnđiang làng bol tàm tŭ kal ke tài bơh kòp bơtờp. Kờp tus jơh nhai 9, ală càr tiah ring đah jum măt tơngai lik dà lơgar geh 10 rbô 864 nă cau jơi bơtiàn kòn cau dùl êt nă cau bơtờp kòp Covid-19. Mpồl Jơi bơtiàn kòn cau ală càr tàm tiah do neh jơh nùs hòi jà dong kờl mờ lơh uă broă lơh sền gròi ai cau jơi bơtiàn kòn cau dùl êt nă cau in tàm ală tiah geh kòp, pơgồp bơnah sền gàr ờdo ờdă rài kis mpồl bơtiàn tàm tiah do in. Mìng is tàm càr Đồng Nai, Mpồl Jơi bơtiàn kòn cau càr đơng lam, hòi jà tă pơgồp geh 3 tấn phe pơgồp bơnah bal mờ càr sền gròi rài kis ai làng bol jơi bơtiàn kòn cau dùl êt nă cau tàm tiah gơtìp wàng se in.

Cau mblàng Lơ Mu K’Yến