VOV4.K’ho - Poh lài, tàm pơrjum bơh Ủy ban thường vụ Quốc hội dê, ală kuang bàng neh ai jơnau đơs bè 2, 3 tơngume bơh Jơnau rơcang cih Adat sền gàr tiah nhàr dà lơgar Việt Nam. Ủy ban Thường vụ Quốc hội sồr: kờp sền nền nòn ală jơnau cih bè kơnòl broă bơh mpồl ling sền gàr tiah nhàr dà lơgar dê di mờ bơta geh ngan, gơnoar broă bơh mpồl do dê là mpồl lơh broă sùm, là mpồl tờm ngan, lam lơh kơnòl broă sền gàr tiah nhàr dà lơgar, nàng kờ` sền gàr lơngap lơngai, ờ do ờ dă mờ lơh jat adat boh lam tàm tiah nhàr dà lơgar, mpồng nhàr dà lơgar.

Tàm pơrjum, ală kuang bàng ring bal mờ kơnòl broă bơh mpồl ling sền gàr tiah nhàr dà lơgar dê tàm broă bơt bơtàu mờ lơh jat broă rơndap lơh sền gàr tiah nhàr dà lơgar. Atbồ, sền gàr gơnoar tờm mờ tơl làm ù tiah, tiah nhàr dà lơgar; bơt bơtàu rài sền gàr tiah nhàr dà lơgar jơh gùt làng bol, mpồl sền gàr tiah nhàr dà lơgar jơh gùt làng bol tàm rài sền gàr dà lơgar gùt làng bol gơ jat bal mờ sền gàr lơngap lơgai làng bol; mờ rơcang tam lơh dră wơl bơta sơ gràm phà, tam lơh phàu crong. Bulah bè hơ\, ală jơnau đơs kung gam ờ suk bè bơta tam lơh, bơta ờ ring bal đah Adat sền gàr tiah nhàr dà lơgar mờ Adat Hải quan.

Chủ nhiệm Ủy ban Quốc phòng, An ninh, ồng Võ Trọng Việt đơs loh: “Bơta do ờ gơ tàm rơndil. Lik mờ mut hờ lơgar ndai là bơh gah sền gàr tiah nhàr dà lơgar dê. Tac mờ blơi phan bơh lơgar ndai là bơh Hải quan dê. Mơya nàng gàr niam broă lik mờ mut hờ lơgar ndai tàm bơta lơngap lơngai den geh bơta gơ tàm rơndil. Pơn yơu, geh jơnau yal dipal là phan hơ\ geh bơta ờ niam bè lơngap lơngai, dilah mpồl ling sền gàr tiah nhàr dà lơgar git go\, mpồl ling sền gàr tiah nhàr dà lơgar geh jơnau sồr den mpồl ling sền gàr tiah nhàr dà lơgar pal kong kơnòl tềng đap adat boh lam bè broă hơ\. Bè hơ\ sồr anih lơh broă sền gàr lơngap lơngai, tàm hơ\ dờp kơnòl tơn là mpồl ling sền gàr tiah nhàr dà lơgar pal kong kơnòl bơsong mờ dờp kơnòl bè broă do, ai broă tac mờ blơi phan bơh lơgar ndai pal sùm geh lơh niam”.

Ủy ban Thường vụ Quốc hội kung đơs, jơnau rơcang cih adat boh lam neh tam gơl tơl làm, ngan là jơnau cih bè kơnòl, gơnoar bơh mpồl ling sền gàr tiah nhàr dà lơgar dê; broă lơh sền gàr tiah nhàr dà lơgar neh bơ tơl tai bè kơnòl lơh broă bơh mpồl ling sền gàr tiah nhàr dà lơgar dê. Phó chủ tịch Quốc hội, ồng Đỗ Bá Tỵ đơs là: “Broă tam gơl do là dipal, lơh jat jơnau đơs bơh kuang bàng Quốc hội dê tàm broă lơh loh, đal git kơnòl broă bơh mpồl ling sền gàr tiah nhàr dà lơgar dê mờ ală mpồl ndai, bơ tơl bè broă dong kờl, chính sách gơ wèt tus mờ mpồl do. Bulah bè hơ\, pal pơn jat tai kờp sền, gàr niam bơta nền nòn, kờp sền nền ală jơnau cih bè kơnòl broă bơh mpồl ling sền gàr tiah nhàr dà lơgar dê di mờ bơta geh ngan, gơnoar broă bơh mpồl do dê là mpồl lơh broă sùm, là mpồl tờm, lơh jat adat boh lam tàm tiah nhàr dà lơgar, mpồng nhàr dà lơgar”.

Cau mblàng K’Duẩn