VOV4.K’ho - Tàm broă lơh Pơrjum dơ̆ 2 bơh Ủy ban Thường vụ Quốc hội (UBTVQH), UBTVQH neh sền wơl jơnau sền gròi bơh Hội đồng Dân tộc bè broă wah tiah kơh bơnơm, tiah ñhoa tàm broă atbồ Dà lơgar tŭ do.

Bộ trưởng, Chủ nhiệm Ủy ban Dân tộc ồng Hầu A Lềnh pà gĭt: Tŭ Quốc hội tơlĭk Nghị quyết sồ 88 kĭ broă lơh rơndăp tơrgùm bal broă tơnguh bơtàu lơh sa mpồl bơtiàn tiah làng bol kòn cau mờ tiah kơh bơnơm tơngai bơh nam 2021 tus 2030, Thủ tướng Chính phủ neh tơĭk kơrnoăt sồ 33 bè khà broă wah tiah làng bol kòn cau mờ tiah kơh bơnơm jăt bơta ngăc ngar tơnguh bơtàu tơngai bơh nam 2021 tus 2025, tàm hơ̆ geh ai, ală xã tàm tiah kơh bơnơm mờ tiah ñhoa ndrờm geh tàm khà măt broă lơh do, mơya bè adăt boh lam ờ hềt geh Nghị quyết ala. Ủy ban Dân tộc sồr UBTVQH jào Hội đồng Dân tộc, Ủy ban Dân tộc mờ ală bộ, gah lơh broă dà lơgar gơrềng bal sền wơl bè đah adăt boh lam, sền wơl broă wah tiah kơh bơnơm, tiah ñhoa nền nòn rơlao nàng bơtơl broă wah ală xã di jăt bơta ngăc ngar tơnguh bơtàu.

Cau mblàng Ndong Brawl