VOV4.K’ho - Poh lài, tàm pơrjum dơ\ 32, cri bơyai bè ală broă gam geh jơnau đơs ờ ndrờm bal tàm rơndăp broă adăt bơto bơtê (tam gơl), Ủy ban Thường vụ Quốc hội sồr lơh loh broă rơwah sră măi; pleh mờ broă lơh gơbàn hoàc huơr tus mờ dà lơgar. Cri bơyai bè rơndăp broă adăt Kiến trúc, Ủy ban Thường vụ Quốc hội sồr bơtơl ờ uă bơta is bè bơta niam chài rơgơi kòn cau tàm broă lơh kiến trúc, mờ geh bơto sồr mờ bơto bơtê làng bol prăp gàr bơta niam chài rơgơi.

Ală kuang bàng sồr tơl^k loh rơlao ală kơrnoăt bè khà kờ`, tơngu me, broă lơh, sră măi bơto phổ thông, lơh geh cồng nha. Sồr broă lơh sră măi phổ thông là ring bal, bơ\t bơtàu dùl sră măi bal ai gùt lơgar in. Mờ lơh loh khà broă kờ` rơwah sră măi; ai mùl màl broă tơlòng sră măi pa tàm broă bơto bơtê mờ bơsram. Chủ tịch Hội đồng Dân tộc Quốc hội ồng Hà Ngọc Chiến sồr:

-Nghị quyết sồ 29 geh cih loh “sền sơwì sră măi, sră dong kờl bơto mờ bơsram di pal mờ tơl cau bơsram”. Bè hơ\, broă sền sơwì tai sră măi bal mờ ală sră ndai di pal mờ tơl cau. Ờ di là mẫu giáo, mầm non tus cấp 1, 2, 3 ndrờm lơh uă sră măi ai 1 nơm bơsram, bè hơ\ hoàc huơr.

Dơ\ 2 ờ hềt gơtùi tơwèt geh, uă ngan là tàm cấp 1, mầm non. Gam cấp 3 den wèt tus mờ broă lơh, mờ ai tơl bơta niam tàm broă bơto broă lơh, di gơlan geh uă pang sră kờ` bơsram di pal rơlao.

Phó Thủ tướng ồng Vũ Đức Đam đơs là: Sră măi bu\ lah cau lơi lơh, mơya ndrờm geh hội đồng dà lơgar sền mờ ai ngui mờ Bộ trưởng Giáo dục k^ ai ngui mờ dờp kơnòl. Lài do, tu\ lơh nghị quyết sồ 29 Dà lơgar geh 1 pang sră bơto bè hơ\ mờ jào ală tiah in lơh tai 20% môn bơsram bè 1 nơm dà dờng tàm pang sră bal, mơya dà dờng hơ\ lòt gan tàm tiah lơi mờ geh croh dềt den tiah hơ\ bơtơl tai.

Phó Thủ tướng đơs tòm, sră măi là broă mpồl bơtiàn sền gròi mờ cau rơ[ah den do là khà priă uă ngan den tàng pal lơh bè lơi ngui sră măi tềm pềr là kơnòl bơh Bộ trưởng Giáo dục tàm broă ai ngui sră măi lơh bè lơi ngui tềm pềr ai gùt mpồl bơtiàn in.

Kung tàm pơrjum dơ\ 32, cri bơyai bè rơndăp broă adăt Kiến trúc, geh ai bơta niam chài rơgơi kòn cau Việt Nam tàm broă lơh kiến trúc mờ prăp gàr, lơh broă kiến trúc geh bơta kuơ mơya ờ hềt geh rơndăp là phan tềl kah yau rài lài do – Bơta chài rơgơi là tơngu me geh uă jơnau đơs bơh kuang bàng sền gròi, ai pơgồp jơnau đơs. Ală kuang bàng sồr bơtơl kơrnoăt gơrềng bal tus mờ broă prăp gàr, tơnguh bơta kuơ kiến trúc ờs mờng ală jơi bơtiàn kòn cau Việt Nam dê.

Mơya, Chủ tịch Quốc hội mò Nguyễn Thị Kim Ngân, Phó Chủ tịch Quốc hội mò Tòng Thị Phóng đơs là: rơndăp broă adăt ờ gơtùi mblàng loh làng tơngu me bơta niam chài rơgơi kòn cau Việt Nam tàm kiến trúc kung bè bơta niam chài rơgơi tàm kiến trúc bơh tơl jơi bơtiàn kòn cau, tài do là ală bơta geh uă ngan.

Dan bơtơl dùl bơta is bè bơta niam chài rơgơi kòn cau tàm kiến trúc, tàm hơ\ geh ală bơta geh, bơta niam geh pơnrơ mờ bơta  geh is lơh gơs dùl bơta niam chài krơi is kiến trúc lơgar Việt Nam dê bè bơta geh is, lơh sa mpồl bơtiàn, bơta chài rơgơi, đơs crih tamya… Mờ geh bơto sồr, lam sồr mờ bơto bơtê làng bol gàr bơta niam chài rơgơi. Phó Chủ tịch Quốc hội mò Tòng Thị Phóng đơs:

-Kòn cau Bơnhàr is, Hìu jòng kòn cau Rơđê is, kiến trúc hìu Rông kòn cau Jarai is. Den tàng do là ală bơta pal sền kuơ. Cih tàm adăt bè hơ\ geh nùs nhơm chính trị là di pal. Geh ală broă tơnơ\ mờ hơ\ geh lơh jăt adăt boh lam rơhời, pleh mờ rồn bơklơn, lơh ờ di pal tàm broă lơh wơl, bơ\t bơtàu.

Ală kuang bàng kung đơs tòm, broă gờ` tơl^k adăt Kiến trúc kờ` drơng broă atbồ lơh broă bơh cau chài lơh hìu tàm lơgar bal mờ lơgar bơdìh, kuơ màng tàm tơngai lơgar Việt Nam gam tơnguh bơtàu, broă kờ` lơh hìu geh uă. Bơ\t bơtàu mờ ai ngui adăt Kiến trúc gam geh gàr niam kiến trúc tơnguh bơtàu tàm broă tàm pơrlòng niam, gàr niam ring bal, ring bal ală adăt ndai, bè adăt Đấu thầu, adăt ai khà rơndăp broă kiến trúc.

Cau mblàng Ndong Brawl