VOV4.K’ho – Tàm pơrjum dơ\ 37, Ủy ban Thường vụ Quốc hội neh ai jơnau đơs bè rơndap lơh adat ơruh pơnu (tam gơl). Tàm dơ\ cribơyai, ală kuang bàng sồr lơh loh kơnòl broă bơh ơruh pơnu dê, ală bơta nàng dong ơruh pơnu lam lơh gơnoar mờ kơnòl broă he dê tềng đap mpồl bơtìan jat jơnau cih bơh sơnua boh lam dê.

Ală jơnau đơs ring bal mờ bơta kuơmàng pal tam gơl Adat Ơruh pơnu. Mơya, pal  tam cah loh làng gơnoar mờ kơnòl bơh ơruh pơnu dê. Bè broă lơh dong kờl ơruh pơnu sơn đờm mut lơh broă, ală jơnau đơs đơs là, do là broă lơh pa, gơ jat bal mờ gùng dà broă lơh sơn đờm mut lơh broă bơceh pa bơh ơruh pơnu dê. Tu\ do, broă do kung gam ờ hềt geh bơnàng jă adat boh lam tơl làm sơl, den tàng broă cih tàm jơnau rơcang cih là kuơmàng ngan. Bulah bè hơ\, kung sồr mpồl rơcang cih kơlôi sơnơng nền nòn ală broă gơ rềng tus sơn đờm mut lơh broă bơceh pa nàng pơn jờng, chồl pràn srơh ơruh pơnu sơn đờm mut lơh broă.

Bè ală broă lơh ndai bơh dà lơgar dê gơ wèt tus ơruh pơnu in, ală kuang bàng đơs là: gơwèt mờ ơruh pơnu bơh 16 tus hơ đơm 18 sơnam: do là mpồl ơruh pơnu rơcang dờng pràn, gam geh bơta tam gơl uă ngan bè să jan, nùs nhơm, đal git nùs tồr, [uơn gơ rềng, den tàng pal geh ală broă lơh sền gròi, sền gàr dipal. Mơya, ală broă lơh geh cih tàm jơnau rơcang cih Adat dê bơh sơn rờp là ală broă lơh bal lời ai tơl mpồl ơruh pơnu in. Sồr kơlôi sơnơng nàng geh ală broă lơh krơi is lời ai is mpồl cau do in.

Kuang atbồ Ủy ban Tư pháp bơh Quốc hội dê, mò Lê Thị Nga đơs là: dilah rơndap lơh adat Ơruh pơnu (tam gơl), cih broă lơh krơi is ai ơruh pơnu in là ờ dipal. Tài do là mpồl cau pràn ngan rlau jơh, ờ di là mpồl cau ờ pràn, rlau mờ hơ\ tai, digơlan lơh gơbàn tàm rơndil mờ ală dat ndai. Kuang atbồ Ủy ban Pháp luật bơh Quốc hội dê, ồng Nguyễn Khắc Định den đơs là: ơruh pơnu tu\ do gam ờ niam bè jơnau git wă lơh jat kơrnuat lơh broă, adat do bơsong ală bơta ờ niam hơ\. Mơkung sồr sền sơ wìl wơl bơta lam lài bơh ơruh pơnu dê: “Pa do, bol he neh ring bal Adat rơcang sơndră bơta aniai bơh ơlak bìer dê. Tàm hơ\, làng bol bè ờs tu\ ma\i rơndeh neh ờ geh `ô ơlak  bìer, mờ tàm do mìng cih là “Ơruh pơnu ờ geh `ô ơlak bìer. Loh làng là bơta niam, bơta lam lài bơh ơruh pơnu dê ờ hềt geh. Làng bol bè ờs neh ờ geh `ô ơlak bìer tu\ ma\i rơndeh, bơta do sồr pal sền wơl bơta lam lài, bơta niam bơh ơruh pơnu dê pal geh tơnggo\ tàm rơndap lơh adat do”.

Tàm dơ\ pơrjum, Chủ tịch Quốc hội, mò Nguyễn Thị Kim Ngân đơs là: Ală broă lơh dà lơgar dê gơ wèt mờ mpồl ơruh pơnu gam đơs bal, ờ hềt loh làng, gơ rơndil mờ uă broă lơh ndai neh geh cih tàm ală adat ờs mờng bè : Lơh broă, broă lơh, bơto bơtê mờ bơsram, niam chài tàp pràn să jan, khoa học công nghệ, sền gàr dà lơgar… Sồr cih loh bè gơnoar, kơnòl bơh ơruh pơnu dê, kuơmàng là lơh loh jơnau cih bơh sơnua boh lam nam 2013 dê bè ală bơta nàng dong ơruh pơnu tàm broă bơsram sră, lơh broă, nhơl `o\ lơh rài bồ tơngoh, bơtàu tơnguh pràn kơldang să jan, bồ tơngoh, sền gàr bơhìan jơi bơtiàn mờ jơnau git wă làng bol: “Bơta pal đơs là ờ mìng tàm broă ơruh pơnu geh gơnoar lơi, kơnòl lơi, mờ kuơmàng là ơruh pơnu pal geh ală bơta dong kờl lơi nàng ơruh pơnu in gơtùi lam lơh jat gơnoar mờ kơnòl he dê tàm mpồl bơtìan jat jơnau cih bơh sơnua boh lam dê. Kuơmàng, bơto bơtê, pơlam nùs nhơm, bơhìan jơi bơtìan, jơnau git wă làng bol tàm tơngai tu\ do. Tàm tơngai mờ làng bol ngui mạng xã hội nàng git jơnau yal, đơs bơta sơnơng he dê tàm internet…den sang te\ jơh bơhìan jơi bơtìan, jơnau git wă làng bol, kơnòl broă tềng đap mpồl bơtìan. Tàm tơngai bè tu\ do krơi mờ nđờ jơt nam lài, do là bơta kal ke bơh broă lơh ơruh pơnu tu\ do dê”.

Bè Ủy ban dà lơgar bè Ơruh pơnu, Ủy ban Thường vụ Quốc hội kung ring bal mờ jơnau cih bơh Bộ Nội vụ dê dờp kơnòl tềng đap Chính phủ bè broă lam lơh kơnòl atbồ dà lơgar bè ơruh pơnu; mơkung sồr bơ tơl mpồl jơnau cih là anih lơh broă sơn rờp dong Chính phủ lơh kơnòl atbồ dà lơgar bè ơruh pơnu.

Cau mblàng K’Duẩn