Ală ngai do, broă ơn tìs mờ kơrnuat boh lam dra khoàng Hải Dương 981 bơh lơgar Lo dê neh gơtìp mpồl bơtiàn tàm lơgar kung bè tàm dunia dră wơl pràn ngan. Nàng sền gàr dra khoàng Hải Dương 981, lơgar Lo ai uă ngan ơhò mờ rơndeh par lơh kơr yăn ơhò lơh broă dipal mờ kơrnuat boh lam bơh lơgar Việt Nam dê. Lơgar Lo gam geh ală jơnau đơs bu ba, ờ di mờ ràs bơr tus broă lơh tìs ngan do. Việt Nam gơtùi lơm yă lơgar Lo jăt jơnau cih bơh jơnau pơrgon Adăt dà lềng nam 1982. Hơ\ là jơnau đơs bơh ală cau mờng chài gah kơrnuat boh lam dê

Broă Lo ơn dra khoàgn Hải Dương 981 mut tàm dơlam tiah geh gơnoar lơh sa mờ tiah dà lềng lơgar VN dê tus 80 hải lý mờ ngài bồt Lý Sơn càr Quảng Ngãi 120 hải lý 1 dơ\ tai đơs tờm broă lơh bơh Lo dê là kờ` at gơnoar sền gròi jơh dà lềng đah mat tơngai lik. Thiếu tướng Hoàng Văn Đồng kuang jat jơng drơng broă gùng dră bal gah đơng lam bồ cảnh sát dà lềng VN pà git, bơh tu\ ơn dra khoàng tus tu\ do, khà ơ hò lơgar Lo ai tus nàng sền gàr dra khoàng ngai sơ lơ gơguh uă. Tus tu\ do, Lo neh ai mờr 130 nơm ơ hò, tàm hơ\ geh ơ hò tam lơh bal mờ ơ hò ling klàng mờ nùs nhơm jà` bơsak ngan, kơryan mpồl lơh jat sơnua boh lam VN dê. Thiếu tướng Hoàng Văn Đồng pà git: “Khà ơ hò ngai sơ lơ gơguh uă, bơh 60 nơm, 80 nơm tus tu\ do là 130 nơm. mờ ală bơta ơ hò ờ mìng geh ờ hò lơh ka, mờ gam geh ơ hò tam lơh, ơ hò ling klàng, lơh gơs bơta kơryan dờng ngan tus mờ đah bol he. Mơya ală cau ling cảnh sát dà lềng, pơ gồp bal mờ mpồl sền gàr cau lơh ka, mờ nùs nhơm krà` cê, khin cha jak chài, bol he kung khin tus rềp, kơryan broă Lo ơn dra khoàng.”

Broă Lo ơn tìs dra khoàng Hải Dương 981 mờ nùs nhơm jà` bơsak kơryan mpồl lơh jat kơrnuat boh lam tàm dà lềng bơh lơgar Việt Nam dê loh làng là lơh tìs jơnau pơr gon anih duh broă dunia bè adat dà lềng nam 1982. jat mờ hơ\, Lo neh sơ gràm tìs gơnoar tờm, gơnoar cribơyai tàm tiah geh gơnoar lơh sa bơh lơgar Việt Nam dê. Broă lơh bơh Lo dê kung sơ lơ\u wơl mờ jơnau yal bơr bè broă lơh bơh ală gah tàm dà lềng đah mattơngai lik  DOC đah Lo mờ ală lơgar ASEAN. Jat Tiến sĩ Nguyễn Thị Thuận gah bơsram kơrnuat boh lam dunia di hìu bơsram dờng Luật Hà Nội, Lo sùm ai tơng go\ bơta rơcang lài nền nòn ngan tus mờ ală kai bè gơnoar tờm. Mơya ală cơng tàng mờ khi ai tơlik là blac pơr lồm ngan. Dùl tàm ală bơta mờ Lo sùm ngui nàng ràs bơr tus mờ broă lơh tìs mờ kơrnuat boh lam khi dê tàm tiah geh gơnoar lơh sa bơh lơgar Việt Nam dê là ngui sră pơyua bơh ồng Phạm Văn Đồng nam 1958 pơyua ồng Chu Ân Lai kuang gơs gơnăp gơnoar at bồ hơđăng rlao jơh dà  lơgar Lo in. Lo neh ngui tơl kai nàng mblàng la, gơnoar atbồ lơgar VN neh dờn dờp gơnuar tờm bơh lơgar Lo dê tus mờ bồt dờng Hoàng Sa mờ đah Lo hòi là Tây Sa mờ bồt dờng Trường Sa mờ đah Lo hòi là Nam Sa.

Tiến sĩ Nguyễn Tòan Thắng kuang jat jơng atbồ gah bơsram kơrnuat boh lam dunia, hìu bơsram dờng Luật Hà Nội đơs la, Việt Nam gơtùi yă broă lơgar Lo tus anih cah rơ`a dunia mờ anih cah rơ`a adat dà lềng dunia. Mơya do kung là bơta kal ke, tài bơta pràn Lo ờ bài dờp gơnoar bơh anih cah rơ`a dê là uă ngan. Bơh lài tus tu\ do, Lo geh nùs nhơm mìng bơ song tam pìt tam phà mờ gùng cribơyai tơn. Den tàng, dilah Việt Nam lah yă, den gơtùi lah yă jat jơnau cih bơh adat dà lềng nam 1982. Việt Nam geh tơl bơnàng jă kơrnuat boh lam nàng ai go\ tiah ơn dra khoàng Hải Dương 981 di gơnoar tờm lơgar he dê. Tiến sĩ Nguyễn Toàn Thắng đơs tờm:“Jat jơnau cih tàm bơnah 15, tàm tu\ ờ lơh geh bơta ring bal mờ gơ rềng tus tam pìt tam phà mờ tàm tu\ ală gah ờ sac rơ wah broă cribơyai, den geh sồr bơ song jat sră nggal tàm cau lơh kòn gùng jat bơnah bơ tơl dơ\ 9 jơnau pơr gon dê. Mùl màl, Việt Nam bal mờ Lo ndrờm ờ sac rơ wah anih bơsong. Den tàng, jat a`, Việt Nam gơtùi ngui ală jơnau cih tàm bơnah 15 bơh jơnau pơr gon adat dà lềng nam 1982 nàng yă lơgar Lo bè broă lơh tìs adat dà lềng nam 1982.”

Phó giáo sư, tiến sĩ Nguyễn Bá Diến kuang atbồ mpồl kơ lôi sơ nơng jak chài dà lềng mờ bồt bơlàu, kuang atbồ anih tờm adat dà lềng mờ gùng dà lềng dunia dờp, bơta hàm kờ` bè ù tiah bơh Lo dê tus mờ Việt Nam là ờ tu\ lơi tơn jơh. Bè broă lơh tam dră mờ broă ơn dra khoàng Hải Dương 981 kung bè kai at gơnoar sền gròi is dà lềng đah mat tơngai lik bơh Lo dê, Phó giáo sư, tiến sĩ Nguyễn Bá Diến đơs là, Việt Nam pal rơcang nền nòn, nàng tus bal tàm broă cribơyai kơrnuat boh lam mờ ală cơng tàng kung bè jơnau mblàng kră kơldăng. Việt Nam geh tơl cơng tàng tus mờ gơnoar tờm he dê. Phó giáo sư, tiến sĩ Nguyễn Bá Diến đơs:“  1 tàm ală phan ngui geh kuơ bơh Việt Nam dê là kơrnuat boh lam. Mùl màl là ngui broă lơh lơi, anih cah rơ`a lơi. Cribơyai, tam dră mờ kơryan kai bơh lơgar rềp bal dê pal geh gùng dà broă lơh jat bồ tơngoh jak, khin cha bè kơrnuat boh lam. Yă Lo tàm anih cah rơ`a dunia là 1 bơta sal wơl bè gah gùng dră bal, kal ke ngan, mơya ờ di là ờ gơtùi lơh. Jat a` bơta kuơ màng ngan rlau jơh là bơnàng jă kơrnuat boh lam den Lo ndrờm bè ờ geh kơrnuat boh lam lơi bè broă lơh khi dê tàm dà lềng đah mat tơngai lik mờ hơ\ là bơta pràn he dê. Bol he geh cơng tàng kah yau, kơrnuat boh lam uă ngan. Do là bơta pin dờn kơ\ kơljap bol he dê.”

Việt Nam sùm kờ` gơ boh ngap lơgar, tơmù tus khà lơyah ngan rlau jơh tam pìt tam phà, ngan là tus mờ Lo là lơgar rềp bal lơh bơ yô rềp mềr. Mơya mờ jơnau mblàng ờ di, ya\ jơnau ờ di, ờ geh nùs nhơm niam bơh lơgar rềp bal, Việt Nam tu\ lơi kung rơcang kơ nờm adat boh lam dunia nàng bơ song. Mờ Việt Nam geh tơl kơrnuat boh lam nàng dờp geh bơta dong kờl bơh gơp bơ yô dunia dê, gàr kơ\ gơnoar tờm, ngap lơngai dà lơgar in.

                                                                                  Cau mblàng K’ Duẩn.