VOV4.K’ho- Drim ngai 04/8, Anih jơnau đơs Việt Nam pơgồp bal mờ Kong ti TNHH phan sa mờ dà hùc lơh jơh tơ hìr JOY lam lơh broă lơh “Tam pà bal bơta kờñ gơboh- Lòt bal sơndră kòp” tàm ƀòn dờng Hải Phòng. Tàm Hải Phòng, broă lơh neh ai 500 kĭ phe pà ală hìu bơnhă kal ke, gơtìp gơ rềng tài bơh kòp Covid-19 tàm sơnah ƀòn Máy Chai mờ Vạn Mỹ, quận Ngô Quyền; pà 7 rbô 400 bơnah phan dà lơ ngồt ai ală anih gròi sền kòp bơtờp tàm kơnhoàl An Dương.

Mò Đinh Thị Lương, Kuang atbồ ban Dân vận, Chủ tịch Ủy ban Mặt trận dà lơgar Việt Nam quận Ngô Quyền pà git, ală phan pà, nùs nhơm bơh Anih jơnau đơs Việt Nam mờ ală mpồl dê neh pơn jờng làng bol ram nùs rlau tàm ală ngai kòp bơtờp.

Cau mblàng K’Duẩn