Adat wa\ làng bol geh bơta ngui ngan ngồn bơh ngai 1/7 nam do mờ ua\ bơta tam gơl pa tàm rơndap boa\ wa\ làng bol neh lơh gehadat boh lam pràn ngan tàm cồng nha bơsong yal ya\  yal khài.

             Tơ nơ\ rlau dùl nhai Adat wa\ làng bol geh ai ngui ngan ngồn kờp bơh ngai 1 nhai 7 nam 2014, uă tiah, mờ anih lơh broă neh ai anih lơh broă, jàu kơnòl kuang bàng, ai ngui jơnau pal jăt wa\ làng bol…Ồng Nguyễn Hồng Điệp kuang atbồ Mpồl wa\ làng bol dà lơgar là mpồl pa geh crơng gơs pà gi\t: Mpồl wa\ làng bol geh crơng gơs, kờn bơsong ală bơta ờ hềt niam tàm broă dờp sră pơyua, yal yă bơh làng bol dê bal mờ jơnau pal jăt mờ kơ nòl broă loh làng ngan, kuơmàng là kơ nòl bơh cau ătbồ anih lơh broă dà lơgar tàm broă lơh wa\ làng bol mờ bơsong jơnau yal yă. Bè broă lơh, Mpồl wa\ làng bol geh bơyai lơh niam rlau, geh tu\ là gơtùi dan sền sơ wì, kờp sền wơl broă lơh, wèt tus bơsong tơl niam ală jơnau ờ suk bơh làng bol dê. Ồng Nguyễn Hồng Điệp, đơs:“ Mpồl wa\ làng bol geh crơng gơs geh lơh broă krơi is rlau, làng bol ờ duh kờn pal tus tàm uă tiah. Bơta ndai, nàng ală anih lơh broă dà lơgar ring bal, pleh broă bal dùl broă, ală anih lơh broă bơto pơlam krơi is, lơh làng bol in ờ wa\ wờng mờ kal ke mu\t lơh. Tài làng bol kung gam lơh jăt tàm jơnau bơto pơlam, tàm uă anih lơh broă krơi is nàng dờp jơnau yal yă, gơlam tus tàm pơyua sră yal yă lềr wềl. Broă lơh sùm là wa\ làng bol gơ jăt bal mờ bơsong jơnau yal yă. Wa\ làng bol pal bơsong geh tơn, mờ là tiah lam sồr làng bol lơh jăt ală jơnau pal jăt bơh kơrnuat boh lam dê”.

Mìng bàr pe ngai tơ nơ\ tu\ Mpồl wa\ làng bol dà lơgar geh crơng gơs, ồng Nguyễn Văn Nên kuang atbồ Cơldu\ lơh broă Gơnoar atbồ lơgar mờ ồng Huỳnh Phong Tranh kuang atbồ Mpồl lùp sền Gơnoar atbồ lơgar, neh geh dơ\ wa\ làng bol dơ\ sơn rờp tàm Anih lơh broă wa\ làng bol bơh Đảng dà lơgar dê mờ Dà lơgar dê tàm bòn dờng Hà Nội jăt jơnau cih bơh Adat wa\ làng bol mờ Kơrnuat sồ 64 nam 2014 bơh Gơnoar atbồ lơgar dê, cih bè broă wa\ làng bol bơh kuang atbồ anih lơh broă mờ mpồl lơh broă dê. Tàm dơ\ wa\, uă broă yal yă kal ke jo\ jòng bơh làng bol dê geh tă bơsong. Mò Nguyễn Thị Mai mờ 25 hìu làng bol ơm tàm hìu sồ 26, gùng Lương Định Của, sơnah bòn Phương Mai, kơnhoàl Đống Đa, Hà Nội, yă ồng Trần Việt Trung kuang jăt jơng atbồ anih duh broă làng bol kơnhoàl Đống Đa, ồng Nguyễn Văn Lương kuang atbồ anih duh broă làng bol sơnah bòn Phương Mai, ồng Đinh Văn Cường kuang atbồ Mpồl lơh sa kă bro is dùl nă să Bảo Long neh geh broă lơh sơ mờm gơnoar broă, gơnoar broă đơs bu ba, lơh aniai hìu đam, phan bơna, ai sơ gràm kơ`au ù tiah bơh ală hìu làng bol dê nàng mu\t lơh rơndăp broă lơh hìu ơm bal jơnhoa ]ờn. Tàm dơ\ wa\ tơn, ồng Nguyễn Văn Nên kuang atbồ Cơldu\ lơh broă Gơnoar atbồ lơgar mờ ồng Huỳnh Phong Tranh kuang atbồ Mpồl lùp sền Gơnoar atbồ lơgar neh geh kơrnuat yal mờ kuang gơs gơnăp gơnoar atbồ hơđăng rlao jơh dà lơgar in nàng crơng gơs mpồl lòt sền bơsong broă do. Mò Nguyễn Thị Mai pin dờn ngan mờ đơs:“ Làng bol ưn ngài ngan mờ pin dờn tàm gùng dà broă lơh tam dră sa kuề sa kùa bơh Đảng dê, mờ ală kuăng bàng bè ồng Huỳnh Phong Tranh mờ ồng Nguyễn Văn Nên là ală cau geh nùs nhơm niam, geh bơta nđàc mờ bồ tơngoh jak, gi\t wa\ bal mờ bơta jê sồt muăt jrùm bơh làng bol dê. Nùs nhơm lơh broă jơh nùs jơh tồr ngan, mờ kràn cê jơh nùs pal geh gròi sền lùp sền, ală tu\ lùp sền mờ đơs pơndu\t lùp sền mờ kràn cê jơh nùs bơsong geh bơsong, mờ jun yal tus Gơnoar atbồ lơgar in crơng gơs mpồl lùp sền”.

Do mìng là dùl tàm gi\t nđờ rhiang jơnau đơs bơh làng bol dê bè lơh ngan bơsong jơnau yal yă bơh ală anih lơh broă geh gơnoar dê, kuơmàng la kuang atbồ, cau đơng lam bồ anih lơh broă, mpồl lơh broă, tu\ Adat wa\ làng bol geh ai ngui. Jăt ồng Huỳnh Phong Tranh kuang atbồ Mpồl lùp sền gơnoar atbồ lơgar, den kờ` bơsong geh cồng nha ală bơta ờ suk jơnau yal yă, jơnau dan, jơnau đơs wơl bơh làng bol dê, den kơ nòl bơh cau kuang bàng lơh broă wa\ làng bol là dờng màng ngan. Ồng Huỳnh Phong Tranh đơs la: geh sền sơ wì kơ nòl, pràn jak bơh kuang bàng wa\ làng bol dê mờ geh broă lơh glài jăt kơrnuat pa bơh adat wa\ làng bol dilah kuang bàng hơ\ wa\ làng bol ờ geh cồng nha. Den tàng bè hơ\, ală mpồl lơh broă tu\ mu\t lơh kơnòl broă wa\ làng bol kờn pal sền gròi tus bơta jak chài bơh kuang bàng wa\ làng bol dê, kuơmàng kờn pal brồ guh gơnoar broă cau lam bồ, kuang atbồ ală anih lơh broă tàm broă wa\ làng bol. Ồng Huỳnh Phong Tranh, đơs:“Kuang bàng wa\ làng bol pal geh jơnau gi\t wa\, tơnguh jơnhoa kơ nòl, sơrlèt gan kal ke. Wa\ làng bol ờ geh tu\ jiơ, ngai mang, tu\ làng bol geh jơnau kờn, làng bol ờ suk, den pal mu\t lơh wa\ làng bol, ngan là tu\ tơngai dùl ết, bol he pal lơh broă jơh tu\ jiơ, mờ tam dră geh mờ jơnau ờ niam tàm wa\ làng bol. Tàm wa\ làng bol kung geh lơh glài cau ătbồ, nàng ngai sơlơ tơnguh jơnhoa cồng nha, wa\ làng bol sơlơ niam rlau”.

Ngan ngồn, mờ ală jơnau cih mùl màl mờ loh làng ngan, Adat wa\ làng bol geh tơnguh jơnhoa cồng nha broă lơh bơsong jơnau yal yă, sền gàr gơnoar mờ bơta kuơ dipal mờ kơrnuat boh lam, dipal bơh làng bol dê, tơr mù ală dơ\ broă yal yă kal ke, jo\ jòng digơlan gơlik geh jơnau lơh roh bơta ngăp lơngai ờdo ờdă.

                                                               Cau mblàng Lơ Mu K’ Yến.