VOV4.K’ho - Ntum Dà Nhim, kơnhoàl Lạc Dương, càr Lâm Đồng geh tus 95% la làng bol kòn cau geh gơ ơm tàm gùl brê bồ tô dà dờng Dà Nhim, den tàng  bơta jơgloh rbah sùm geh gơ jat sùm bơh git nđờ rài do. Bơh ngai geh dờp broa\ lơh jàu gah geh pria\ sền gàr brê jat kơrnuat sồ 380 bơh kuang gơs gơnăp gơnuar atbồ hờ đang rlao jơh dà lơgar, jơgloh rbah neh rhời gơlik bơdĩh bơh ala\ hìu, bơh tơl bơnha\ ồs. Kơnờm bơh hơ\,  sa tềp nam do, làng bol kòn cau K’ho tàm tiah do geh bơyai lơh chờ sa tềp sơnam pa tàm bơta chờ hờp pa ngan.

Kung bơyai lơh sơl wa\ rò sơnam pa sa tềp bè ală hìu ndai dê tàm bòn, mơya digơlan dơ\ sa tềp nam do, hìu bơnhă bi Kon Sa Ha Uy, kòn cau K’ho- Cil tàm bòn Liêng Bông, ntum Dà Nhim, kơnhoàl Lạc Dương, càr Lâm Đồng gơlơh duh hồl rlau jơh. Nđan lah ờ duh hồl chờ hờp chờ hờn ờ, tu\ mờ 5 nă kòn dờng dềt ndrờm geh blơi tơl àu mpha pa nàng nhơl chờ hờp bal mờ gơ\p bơ yô, phan sa dà hùc kung geh blơi tơl ngan nàng hìu bơnhă sa chờ hờp mờ ỳơ năc in tàm pe ngai sa tềp. Kon Sa Ha Uy, pà gi\t, bơh tài geh bơta sa tềp chờ hờp, ram mhu\, hờm tơl bè do là kơ nờm bơh priă jền rlau jơ\t tơlăc priă dờp geh bơh broă tơm priă lơh broă ala tiah ơm kis brê tàm 10 ngai lài. Kon Sa Ha Uy, chờ hờp đơs bè do:“Lài do, dờp ătbồ mờ sền gàr brê geh tă tơm 100 tơlăc rbô đong dùl lồ, tơ nơ\ hơ\ gơguh tai tus 290 rbô đong mờ tu\ do neh gơguh tus 350 rbô đong dùl lồ. Den tàng bè hơ\, pơndrờm mờ lài do den rài kis tu\ do neh bơtàu tơnguh rlau uă ngan. Ngai sa tềp den jơh dùl hìu ơm rlô bal mờ lòt tus hìu làng bol gơ\p bòn nàng nting săp sa tềp. Jơh tơl nă cau tàm bòn ndrờm bơyai lơh nô sa mờ chờ hờp bal tàm pe ngai sa tềp”.

Bulah là ngai sa tềp, mơya làng bol tàm tiah bồ tô dà dờng Dà Nhim kung gam ờ hi\u sơl kơ nòl broă sền gàr brê. Kềng drăp tơr nờm bô bơkah ngan, ồng Kơ Să Ha Ging, 74 sơnam, là cau kra bòn tàm [òn Lèng Bôn, ntum Dà Nhim nggui tàm gùl mờr jơ\t nă klau pơnu bơh bòn lơgar dê gam drơng sền brê. Ồng geh jơnau đơs rơle\ rơlùn ngan bè do: he neh pơrgon dờp ătbồ sền gàr brê mờ dà lơgar, den pal geh kơnòl sền gàr brê ngòt ồs sa brê. Wa\ rò sơnam pa sa tềp tàm hìu halà tàm brê kung ndrờm chờ hờp lơm sơl.

Ồng kra bòn Kơ Să Ha Ging, đơs là: mờ khà priă tă tơm 350 rbô đong dùl lồ dùl nam bè tu\ do, broă lơh tă tơm priă sền gàr brê neh dong gi\t nđờ rhiang hìu làng bol kòn cau tàm Dà Nhim geh tai priă jền. Kung kơnờm bơh hơ\ mờ uă hìu neh jơh rbah, ngai sơlơ lơh ngan tơl ngui tơl sa tàm rài kis. Kung bơh priă lơh geh bơh broă ròng siam rơ pu kơn rồ, lơh kơphe mờ ală tờm phan tam ndai, rài kis bơh làng bol tàm jơh ală bòn lơgar tàm Dà Nhim ndrờm neh bơtàu tơnguh rlau, jăt hơ\ sa tềp kung geh lơh tơl ngan mờ hờm ram ngan rlau.“Ưn ngài ală kơnă gơnuar ătbồ bơh tu\ a` dờp ătbồ sền gàr brê, hìu bơnhă a` neh kơ\ kơl jăp rlau. Tơl hìu tàm bòn kung dờp atbồ sền gàr brê 30 lồ, priă tơm là 350 rbô đong dùl lồ. Kơ\p kờn gơnuar atbồ kơnă hơđăng tơm priă nhai gờn rlau nàng làng bol gơtùi blơi banh kèu chờ sơnam pa sa tềp do. Bol a` ưn ngài Đảng mờ Dà lơgar neh sền gròi, dong kờl, bơcri priă mờ lơh geh broă lơh broă sa nàng làng bol kòn cau bol a` geh tu\ lơh ngan brồ guh tàm rài kis. Kơ nờm rài kis tơl ngui tơl sa rlau, den tàng sa tềp nam do làng bol tàm bòn bol a` hìu lơi kung bơyai lơh lơm wa\ rò sơnam pa, sa tềp chờ hờp ngan mờ ram mhu\ ngan”.

Jăt ồng Nguyễn Duy Hải kuang atbồ anih duh broă làng bol kơnhoàl Lạc Dương, den broă ngui broă lơh tơm priă sền gàr brê neh lơh geh ală priă jền ai làng bol in mờ sơlơ tơnguh tai kơ nòl bơh làng bol tàm bòn lơgar dê tus mờ broă lơh sền gàr brê kơ\ kơl jăp, kuơmàng dong làng bol geh tai priă lơh geh dipal, chul chồl khi tus bal sền gàr brê jơh nùs mờ geh cồng nha rlau. Bơta go\ ngan là tàm ală nam rềp ndo, ntum Dà Nhim đơs is mờ tàm ù tiah kơ nhoàl bol a` dê đơs bal, neh ờ lời gơlik geh dơ\ ồs sa brê ngòt rơ ngơ\t lơi, khà dơ\ lơh tìs adăt boh lam brê bơ nơm mờ bă brê gơtìp sơ gràm aniai kung gơmù uă ngan sơl. Ồng Nguyễn Duy Hải, đơs:“ Pal đơs là, tă tơm priă sền gàr brê đơs ngan là geh cồng nha bơh gơ dê là uă ngan. 100% hìu rbah geh dờp brê mờ tơl hìu geh pơgăp 30 lồ, bè hơ\ dùl nam dùl hìu kòn cau rbah lơh geh tai rlau 10 tơlăc priă. Dơ\ bàr là, pal đơs ngan là broă lơh ătbồ sền gàr brê geh tơnguh tai uă ngan, kuơmàng là jơnau gi\t wa\ bơh làng bol dê, gơmù uă ngan broă koh kơl, sơ gràm aniai ù brê. Do là dùl broă lơh dờng mờ bol a` đơs ngan là bơh sơn rờp neh lơh geh ală cồng nha là bơtàu tơnguh lơh sa mờ bơtàu tơnguh rài kis làng bol bòn lơgar dê”.

Bal mờ broă tă tơm priă sền gàr brê, làng bol kòn cau tàm brê rơcăng gàr bồ tô dà Dà Nhim kung gam geh Đảng mờ Dà lơgar sền gròi bơcri priă ală broă lơh jơnau kờn dà lơgar, broă lơh tơr mù rbah mhar mờ kơ\ kơl jăp, tam gơl rơndăp tăp sèng tờm chi tam, phan ròng, bơto broă lơh…Do là ală broă lơh dong kờl loh làng ngan mờ geh kuơ ngan, lơh geh pràn chồl kuơmàng nàng làng bol bòn lơgar kòn cau K’ho tàm Dà Nhim bơtàu tơnguh ngai sơlơ uă rlau tai.

                                                                      }au mblàng Lơ Mu K’ Yến