VOV4.K’ho - Nhai 3 nam 2016, tàm dơ\ pơlòng đơs pơn đik tamya ờs mờng Tây Nguyên geh bơyai lơh tàm [òn dờng Kon Tum, 43 nă cau chài tàm càr Kon Tum geh pơn yờ să dờp khà “Nghệ nhân ưu tú” geh Chủ tịch lơgar jàu pà. Tàm khà ală cau chài geh dờp sră pơn jờng do geh cau chài Y Sinh kis tàm kơnhoàl Đak Tô, là cau neh g^t nđờ 10 nam do ai jơh nùs bal mờ bơta pràn să tòm dê prăp gàr, ai jơnau đơs pơn đik kòn cau Sơdàng dê tơnguh mpong săp ntas.

Hìu mò Y Sinh rềp tơn tềng gùng Hồ Chí Minh, mờ geh ơm tơn tàm thị trấn Đak Tô, kơnhoàl Đahk Tô, mơya tu\ lơi kung geh uă săp ntas phan đơs crih brê bơnơm dê. Tàm hìu dềt mò dê, ală phan geh kuơ màng ngan geh bơka niam bơne\ mờ kung geh uă ngan tàm hìu là ală phan teh, phan jan đơs crih kòn cau Sơdàng dê bè ală đờng T’rưng, K’lông pút hơ\ sồng cing, mồng… Tai geh cau tòm hìu ngui, jùt kloh niam den tàng gơcrà ngan.

Cau chài Y Sinh tàp đờng K'lông pút

Nùs nhơm gơlơh gam kơnòm uă rơlao mờ jăt mờ sơnam 58 mò dê, mò Y Sinh chờ hờp yal bè nùs nhơm kờ` gơboh mờ jơnau đơs crih ờs mờng kòn cau dê: “Tu\ gam dềt a` go\ ală wa, ală kồ`, mè, bèp, bi, lo\ să jan phan đơs crih kòn cau dê den a` đòm jăt bal sơl. A` g^t wă jơnau đơs crih kòn cau dê bơh tu\ gam dềt. go\ cau jan den he nggui iăt. Ờ duh bơsram lơi, mờ kung ờ geh cau lơi bơto sơl, mơya a` kung jan g^t đờng T’rưng, đồng K’lông pút, tàp 2 đah tê tơn, tàp niam ngan. A` gơboh kờ` mờ jơnau đơs crih kòn cau do den tàng a` ờ gơtùi hu^ ngan”.

Jàng lah mờ săp đơs crih ròm geh is lo\ dê bal mờ nùs nhơm g^t wă jơnau đơs crih tai, tus tu\ dờng, mò Y Sinh geh lơh broă jăt gùng đơs crih tamya. Mơya broă mờ mò kis đềt mềr ngan là broă bơto bal mờ broă lam sồr làng bol Đảng uỷ kơnhoàl Đak Tô jàu tus tàm tu\ neh jơh sơnam ờ lơh broă tai. Jùt mờ yal sră jờng rơ bơh Bộ trưởng Bộ Văn hoá, Thể thao mờ Du lịch dờp cồng nha jăk chài mò dê tàm broă lơh phan đơs crih kòn cau tàm dơ\ pơlòng đơs crih ờs mờng kòn cau Tây Nguyên nhai 3 nam 2016, măt mò gơlơh àng tài chờ. Cau chài Y Sinh yal: bu\ lah ờ lơh broă tàm gah đơs crih tamya là broă lơh tòm, mơya mò ờ kah jơh neh nđờ dơ\ guh jơnang đơs crih, tus bal mờ ală dơ\ pơlòng đơs crih tamya, pơlòng ală kơnau, ală càr tàm đah jum tus đah tô. Sră jờng rơ, sră dờp geh uă ir den tàng pal tă [à kờ` rơndăp niam wơl. Ală cau lơh broă kơlôi sơnơng bơta chài rơgơi ờs mờng, kơlôi sơnơng jơanu đơs crih kòn cau Sơdàng kờ` iăt jơnau đơs pơn đik, ha là yal wơl ală dơ\ `ô chờ lơh yàng mìr, `ô sa rơpu, `ô lir bong bơh săp ntas đờng T’rưng, đờng K’lông pút ndrờm jòi tus cau chài Y Sinh. Mò Y Sinh là cau neh cèng jơnau đơs crih kòn cau Sơdàng tơnguh mpong săp ntas. Mờ sơlơ\u wơl, jơnau đơs crih kung neh dong kờl cau chài do geh uă jơnau pơn jờng, pơn yờ să, là cau kờ` tìp bal mờ g^t wă. Yal bè 1 dơ\ đơs crih tamya kờ` làng bol bal mờ ală cau lơh broă kơlôi sơnơng bơta chài rơgơi lơgar Thuỵ Điển in iăt săp ntas đờng K’lông pút kòn cau Sơdàng dê, cau chài Y Sinh đơs: “Tu\ he teh phan đơs crih Tây Nguyên 1 dơ\ den ală cau iăt tàp tê jơh. Ntào hờ đang jơnang đơs crih tamya nùs nhơm a` chờ hờp mờ pơn yờ să ngan. Pơn yờ să ngan tu\ he là cau ala măt kòn cau Sơdàng dê. Lơgar bơdìh cau kờ` iăt ngan đờng K’lông pút, cau ku\p săp tus tơl ding. Mờ cau lùp te\ lùp tai sùm a`. Kung kơnờm là a` g^t jan den tàng a` g^t wă, cau kờ` geh jơnau lơi. Jơnau kờ` gơboh bè săp đơs crih tamya să tòm a` sơlơ tơnguh rơlao”.

Broă lài ngan cau chài Y Sinh lơh tơnơ\ mờ tu\ neh ơm jơh sơnam ờ lơh broă tai là tă 10 tơlăk priă mờ lòt g^t nđờ 10 kơi sồ gùng, tus tàm xã Đak Na, Đak Sao kơnhoàl Tu Mơ Rông kờ` blơi ală ding đơr di nùs kờ` lơh gơs ală đờng T’rưng mờ đờng K’lông pút ờs mờng kòn cau Sơdàng dê.

Cau chài Y Sinh teh ding đờng K'lông pút

Mò là 1 tàm ờ uă cau g^t jan, g^t tàp mờ g^t lơh ală ding đơr gơs phan đơs crih brê bơnơm dê. Ală tu\ ru, mò tus mờ làng bol tàm ală [òn tàm kơnhoàl, jòi kờ` g^t mờ lơh geh uă rơlao tai bơta chài rơgơi đơs crih tamya kơnhoàl bal mờ jơnau đơs crih tamya kòn cau Sơdàng dê tai, lo\ Đoàn Thị Quỳnh, là cau neh 30 nam lơh broă tàm Phòng Văn hoá, Thông tin mờ Thể thao kơnhoàl Đak Tô pà g^t: “Bi Y Sinh `hăp `har ngan mờ broă đơs crih tamya. Ală dơ\ pơlòng tàm kơnhoàl, tàm càr, tàm dà lơgar bi ndrờm tus bal `hăp `har ngan. Ờ mìng bè hơ\, bi gam bơto ală cau ndai tai in. Di lah geh cau lơi kờ`, bi tu\ lơi kung bơto mờ ờ pal roh priă”.

Pơn yờ să là 1 tàm 43 nă cau chài càr Kon Tum geh Chủ tịch lơgar pà jàu khà “Nghệ nhân ưu tú” bơta đơs crih tamya ờs mờng, cau chài Y Sinh sơlơ go\ loh ngan kơnòl să tòm tus mờ broă prăp gàr mờ tơnguh jơnau đơs crih kòn cau Sơdàng dê. Tài bè hơ\, den tàng tu\ lơi mò kung ờ su\k ơm mờ jơnau đơs crih tamya kòn cau Sơdàng gơbàn roh, ờ su\k ơm mờ broă kờ` pờ ơdu\ bơto teh jơnau đơs crih kòn cau Sơdàng geh wơl tus mờ làng bol kòn cau Sơdàng bè broă sào sa, tă nhơm trồ tiah pah ngai dê: “A` kơ\p kờ` ngan bơto wơl làng bol in. Broă do ờ di pa do, mờ broă do neh bơh jo\ ngan. A` ngòt ngan tài bơta pràn kơl dang să jan a` dê. A` neh kra, nam do 58 sơnam bloh, di lah kis pràn ngan kung 5, 10 nam tai den… Tàm tu\ hơ\, a` ờ hềt geh bơto wơl làng bol in, oh mi, kòn cau in g^t. kung kơ\p kờ` kơnhoàl tàm tiah a` kis do, nam tus ai tơl bơta niam, dong kờl a` pờ 1 ơdu\ lơi hơ\ tàm 1 [òn, 1 xã lơi hơ\ tàm kơnhoàl Đak Tô do”.

Mờ mò ờ ơm nggui kơ\p tus mờ broă dong kờl bơh bơdìh dê, mò Y Sinh gam lơh ngan pơlòng mờ tơngai kờ` yal, tơnguh tai cau geh nùs nhơm kờ` gơboh bal bè mò dê sơl. Pah ngai mò tus is mờ ală kơnòm bơsram, tus mờ ală làng bol kòn cau Sơdàng tàm ală [òn, mờ nùs nhơm kơ\p kờ` ngan mò dê là ai jơnau đơs crih tus wơl mờ rài kis bè ờs kòn cau Sơdàng dê. Jăt mờ Y Sinh yal, do là broă lơh kờ` prăp gàr niam ngan kờ` jơnau đơs crih kòn cau Sơdàng dê geh pơn jăt tai tơnguh mpong săp ntas tus tàm uă tiah ndai in.

      Cau cih mờ yal tơng^t Ndong Brawl