VOV4.K’ho - Tàm ală nam pa do, broă drơng gàr bơta pràn kơl dang să jan, kham mờ sơm kòp làng bol in tàm càr tiah nhàr dà lơgar Kon Tum geh uă cồng nha kuơ màng.

Geh pơnrơ ngan là broă lơh sơnơm bơh càr tus mờ ală kơnhoàl geh sền gròi bơcri priă lơh, bơta ngăc ngar, lơh broă mpồl kuang bàng bác sĩ sơlơ ngai sơlơ tơnguh uă.

Mơya, bơh broă tơnguh uă do neh lơh gah lơh sơnơm càr Kon Tum gơbàn mờ uă kal ke bè phan bơna kung bè mpồl cau lơh broă.

Geh lơh pơgăp mờ do 9 nam tàm thị trấn Plei Kần, kơnhoàl Ngọc Hồi, hìu sơnơm tiah Ngọc Hồi neh ngui rơlao 3 rơbô 400 kỹ thuật pa, bè tàm gah sàn khoa, phụ khoa, đơn nguyên sơ sinh mờ geh bal ală kỹ thuật vượt tuyến.

Bơta do neh dong kờl hìu sơnơm geh nùs nhơm pin dờn bơh rơlao 200 rơbô nă làng bol bơh 4 kơnhoàl: Đăk Glei, Ngọc Hồi, Đăk Tô mờ Tu Mơ Rông.

                                         Cau kòp tàm bơtềt lơm, kơ\p kờ` kham kòp tàm hìu sơnơm Ngọc Hồi

Gam sền gàr kòn ùr tòm reh pròc du\t tàm hìu sơnơm, lo\ Nguyễn Thị Đào, kis tàm xã Đăk Môn, kơnhoàl tiah nhàr dà lơgar Đăk Glei pà g^t, lo\ kung bè uă làng bol kis tàm do, iang nùs ngan tu\ să tòm ha là cau pròc mhàm tus kham, sơm kòp tàm do:

-Bơh bác sĩ tus mờ y tá, điều dưỡng cau lơi kung jơh nùs, chờ hờp wă rò cau kòp lơm. Drơng gàr, còp să tơl lơm.

Hìu sơnơm den kloh niam ngan, phan lơi kung bè hơ\, niam bơne\ ngan. Trồ neh nggùl mang kung geh bác sĩ tus còp cau kòp, hơ\ sồng àng drim he rơ\p guh b^c den bác sĩ neh tus còp cau kòp tai.

Tàm do ờ geh reh, he ờ cèng kòn tus Kon Tum, kòp jroă geh tu\ cèng tus nggùl gùng gơbàn ngòt rơngơ\t ha là hoàc huơr tus mờ hìu nhă.

Chờ hờp tài ală cồng nha niam neh geh tàm broă drơng gàr bơta pràn kơl dang să jan, kham, sơm kòp làng bol in, hìu sơnơm tiah Ngọc Hồi kung pal gơbàn mờ broă gal ir cau.

Khoa Nội – Nhi bơh lơh 60 nơm jơnờng piam kòp pal rơndăp tai 50 nơm jơnờng.

Khoa Ngoại sản bơh lơh 30 jơnờng geh rơndăp tai 48 nơm jơnờng.

Kờp bal jơh gùt hìu sơnơm, khà gal ir neh tus 22,5%; ală jơnờng piam kòp pal tơnru\t ơnàng bơh 90 phơng gam 50 phơng kờ` tơmù hăt.

Bác sĩ Nguyễn Hữu Thâm, atbồ hìu sơnơm tiah Ngọc Hồi pà g^t, broă gal ir cau piam kòp neh 5 nam, tu\ do neh gơs 1 kal ke mùl màl mờ hìu sơnơm dê:

-Bơh gal ir cau piam kòp, broă lơh tàm hìu sơnơm kung gơbàn bal uă bơta ờ niam, tàm hơ\ geh broă sơm kòp, broă drơng gàr cau kòp pah ngai, broă sào sa cau kòp, hơ\ sồng broă pơs wàs kloh niam geh pơn jăt bal jơh.

Tàm dơlam 1 anih lơh broă bè hơ\, bol a` kung gơlơh kal ke ngan sơl. Broă lơh ngan bol a` dê kung geh tus 1 khà lơi hơ\. Tu\ do broă gal ir neh lơh gơbàn uă kal ke tus mờ bol a`. Di lah gơbàn sùm bè do den nùs nhơm pin dờn bơh cau kòp tus mờ hìu sơnơm gơmù ngan.

                            Tài gal ir cau kòp, den tàng pal rơndăp jơnờng piam kòp hờ bơdìh rang đa hìu sơnơm

Bal mờ broă gal ir cau kòp, ờ tơl cau lơh broă kung là broă kal ke ngan bơh ală hìu sơnơm dà lơgar lơh tàm càr Kon Tum.

Là hìu sơnơm khà 2 mờ 27 gah sơm kòp 7 jơdu\ lơh broă geh gơnoar, broă ờ tơl cau lơh broă gam là bơta mùl màl geh bal tàm ală gah lơh broă tàm hìu sơnơm càr Kon Tum dê.

Geh lơh pơgăp mờ do 4 nam, khoa ung bướu tàm hìu sơnơm do mìng geh 20 jơnờng piam kòp, mơya mùl màl sùm geh mờr 30 nă cau kòp piam kòp mờ bơta pràn jơnờng piam kòp tus 130% tàm 1 nam.

Bác sĩ Đinh Hữu Hoà, Phó kuang atbồ Khoa Ung bướu pà g^t, sơlơ\u wơl mờ broă tơnguh mhar bè khà cau kòp, bơh ngai geh lơh tus tu\ do, bác sĩ lơh broă tàm gah sơm kòp do mìng geh 3 nă:

-Mờ mpồl cau lơh broă ờ gal bè hơ\, bè bác sĩ den bol a` lơh ngan 1 nă cau lơh uă ngan broă. Tàm hơ\ geh lơh bal broă reh geh, hơ\ sồng jồr hoá chất cau kòp in kung geh, drơng gàr pơlam tơmù kal ke cau kòp in tai.

Đơs ngan bè ờs di lah geh tơl cau lơh broă 1 Khoa Ung bướu pal geh ală gah sơm kòp tòm bè Ngoại ung bướu, Nội ung bướu, xạ trị, Y học hạt nhân, drơng gàr tơmù kal ke.

Mơya mờ bơta tàm càr Kon Tum bal mờ bơta pràn cau lơh broă bè hơ\ den bol a` tơl nă bác sĩ pal lơh tai uă ngan broă.

Dùl nă bác sĩ gơtùi lơh gah Ngoại, gơtùi lơh gah Nội. Hơ\ là bơnah bác sĩ, bơnah điều dưỡng kung kal ke sơl.

Tàm tu\ khà làng bol tus kham mờ sơm kòp tàm hìu sơnơm càr Kon Tum tơnguh sùm, mùl màl bè nam 2016 tơnguh rơlao 36 rơbô 400 nă jăt mờ nam 2014; khà cau piam kòp tơnguh rơlao 4 rơbô 300 nă; khà cau reh tơnguh rơlao 400 nă den uă nam do hìu sơnơm gam ờ hềt bơtơl cau lơh broă sơl.

Jăt bác sĩ Võ Văn Thanh, atbồ hìu sơnơm càr Kon Tum yal, pal geh tai 215 nă, hơ\ là pal tơnguh mờr 2 dơ\ nggùl jăt mờ khà cau lơh broă tu\ do, cau lơh broă tàm hìu sơnơm càr Kon Tum mìng rơ\p di mờ kơrnoăt bơh Thông tư liên tịch sồ 08 nam 2007 bơh Bộ Nội vụ bal mờ Bộ Y tế ai.

Cau lơh broă ờ tơl uă ir gam lơh gơbàn ală kal ke dờng màng ngan tus mờ broă lơh tòm kung bè bơta niam tàm broă drơng gàr cau kòp in:

-Broă ờ tơl gal ir cau lơh broă jo\ tơngai lơh gơbàn dờng màng ngan tus mờ broă lơh hìu sơnơm dê. Mùl màl bè broă tơl^k khà cau drơng gàr, hơ\ sồng săp sèng tơngai ơm rơlôi, săp sèng tơngai ơm phép kal ke ngan.

Mờ săp sèng kòn bơnus kờ` lòt bơsram bơtơl tơnguh bơta pràn tàm broă lơh kung kal ke. Bơdìh hơ\ tai, kung lơh gơbàn tus mờ bơta niam broă lơh. Geh tu\ lơh kal ke bè nùs nhơm bơh cau lơh broă, den tàng geh broă lơh, jơnau đơs tus mờ cau kòp ờ di pal.

Broă ờ tơl cau lơh broă lơh gơbàn ờ niam dờng màng ngan tus mờ bơta niam tàm broă drơng gàr cau kòp in.

Gah lơh sơnơm càr Kon Tum gam gơbàn uă kal ke, hơ\ là: tu\ kờ` geh tơnguh uă bơta niam tàm broă kham, sơm kòp den cau kòp tus gal ngan, hìu sơnơm mhar gơbàn gal ir cau.

Mờ tu\ hìu sơnơm gal ir cau kòp, bơta niam tàm broă kham, sơm kòp, drơng làng bol in den di gơlan gơmù. Mìng mờ broă lơh ngan bơh broă lơh is gah lơh sơnơm dê den ờ tơl kờ` jòi geh gùng dà l^k klàs mờ kal ke do.

Cau cih mờ yal tơng^t Ndong Brawl