VOV4.K’ho- Rơ\p 16 sơnam lơm, mơya Y Thu Êban, kis tàm [òn Ea Bông, xã Cư Ê bur, [òn dờng Buôn Ma Thuột, càr Daklak neh nhơl ai cau in sền chài ngan 7 phan ngui đơs crih kòn cau. Oh sùm geh ai lòt lơh cèng gùng đơs crih Tây Nguyên lơh ai làng bol ală càr mờ [òn dờng tàm gùt lơgar dê in sền.

Do là ală jơnau niam bơne\ ngan bơh jơnau Ay-ray  kòn cau Rơđê dê bơh săp ntas đing năm bơh Y Thu Êban dê uh tàm dơ\ pơrlòng ơruh pơnu càr Daklak đơs jơnau pơnđick mờ nhơl phan ngui đơs crih kòn cau geh lơh tàm nhai 10 pa do. Jơnau uh đing- năm bơh Y Thu dê neh lơh geh khà dùl gùt mpồl.

Deh tàm dùl hìu bơnhă gi\t wa\ uă bè bơhiàn gùng đơs crih, bơh tu\ gam dềt tơn, Y Thu neh kờn ngan iat ală jơnau đơs pơnđick bơh mè dê, săp ntas uh đing-năm, đing-pah bơh bèp dê là cau chài Y Thim. 6 sơnam, oh geh bèp bơto nhơl ală phan ngui đơs crih bơhiàn yau bơh kòn cau he dê. Tu\ ờ hềt tòm 8 sơnam, mờ tàm dơ\ sơn rờp teh đờng t’rưng tơn, Y Thu neh ai geh khà dùl cau chài kơnòm să jak ngan tàm dơ\ pơrlòng chài rơgơi cing mồng đơs pơnđick, tam ya mờ pơrlòng phan soh ală kòn cau càr Daklak nam 2008.

Tus tu\ do, Y Thu neh nhơl chài ngan 7 phan ngui đơs crih ală kòn cau Tây Nguyên dê. Oh sùm geh bal mờ ală cau chài dờng sơnam lòt nhơl is phan ngui đơs crih kòn cau tàm ală tiah tàm gùt lơgar. Y Thu đơs, gùng đơs crih Tây Nguyên là jơnau kờn gơboh ngan rlau jơh bơh oh dê :

“Tu\ gam dềt, bèp a` dê bơto kồ` in uh đing-pah. A` neh tàp bal mờ uh gơtùi. A` gơtùi nhơl 7 phan ngui đơs crih kòn cau. A` kung lòt lơh tàm uă tiah sơl. Tu\ geh jơnau kờn den he bơsram ờ go\ tu\ lơi kal ke. Dilah ờ geh nùs kờn den là ờ kờn bơsram mờ ờ sơrlèt gan geh bơta kal ke”.

Đơs bè bơta jak bơh Y Thu dê, Y Xuyên Êban, cau atbồ mpồl dròng cing [òn Ea Bông, xã Cư Ê bur, pà gi\t: bulah sơnam gam dềt ngan mơya oh là cau kuơmàng ờ gơtùi ờ geh tàm mpồl dròng cing kơnòm să [òn Ea Bông.

“A` pơ`ìơ să ngan bè sau Y Thu. Bơh tu\ gam dềt neh bơsram teh đờng t’rưng, uh đing buốt, đing-năm. Tàm [òn ờ geh cau bè sau ờ. Cau kơnòm să mờ gi\t sền gàr bơhiàn chài rơgơi kòn cau Rơđê he dê. A` gơlơh chờ hờp ngan tu\ geh sau lơh bal tàm ală dơ\ lòt lơh dròng cing mồng, halà uh đing buôt, đing-năm”.

Y Thu Êban tu\ do gam bơsram ơdu\ 11, hìu bơsram kấp ba Chu Văn An, [òn dờng Buôn Ma Thuột. Tàm hìu bơsram, oh là cau jơh nùs ngan bơh ală broă lơh chài rơgơi, đơs crih tam ya. Rê hờ [òn, oh ngui jơh ală tu\ jiơ ru nàng tàp bal mờ mpồl dròng cing, oh bơsram tai ală jơnau gùng đơs crih pa, mờ mờng chài nhơl phan ngui đơs crih bơh ală cau chài dờng sơnam. Oh Y Thu, đơs:

“A` kơ\p kờn phan ngui đơs crih kòn cau, bơta chài rơgơi kòn cau Rơđê dê geh sền gàr den tàng a` pal bơsram uă rlau tai. Tu\ ru tu\ jiơ,bơdìh mờ tu\ jiơ bơsram sră den a` bơsram gùng đơs crih bal mờ bèp mờ bi nàng gi\t uă rlau. Oh mi bơsram bal nàng sền gàr phan ngui đơs crih kòn cau, bơta chài rơgơi kòn cau Rơđê dê”!

Cau cih mờ yal tơngi\t- Lơ Mu K’ Yến