VOV4.K’ho - Bộ Nông nghiệp mờ Phát triển nông thôn pa tơlik khà măt sră nggal tàm gah lơh sa suơn sre mờ tơnguh bơtàu ƀòn lơgar. Jăt mờ hơ̆, khà măt sră nggal gơwèt gơnoar atbồ bơh Bộ Nông nghiệp mờ Phát triển nông thôn geh 363 pang sră. Mùl màl, sră nggal cấp Dà lơgar geh 226 pang sră; cấp càr 106 pang sră; cấp kơnhoàl geh 16 pang sră; cấp xã geh 11 pang sră mờ anih lơh broă ndai geh 4 pang sră.

Ală sră nggal neh lơh jăt tàm pang yal tơngit Dùl mpồng dà lơgar bè: Sền gròi dà lơgar bè bơta niam phơng sih blơi bơh lơgar bơdìh, sền gròi dà lơgar mờ ờ do ờ dă phan sa kă bro geh bơh phan blơi bơh lơgar bơdìh; dan cih măt sền gròi dờp bơta niam phan sa phan ròng blơi bơh lơgar bơdìh... Jăt Bộ Nông nghiệp mờ Phát triển nông thôn yal, tơngai tus geh gròi sền nền nòn broă tơlik kơrnoăt bè sră nggal gơwèt gơnoar atbồ dà lơgar bơh Bộ dê. Mờ lơh loh di tŭ sră nggal gơwèt broă atbồ bơh Bộ tàm tơngu me dữ liệu dà lơgar bè sră nggal.

Cau mblàng Ndong Brawl